ముఖేష్ అంబానీ మనవరాలు ఆదియా ఏ స్కూలుకు వెళుతుందో, ఆమె స్కూలు ఫీజు ఎంతో తెలుసా?

ఆసియాలోనే రిచెస్ట్ వ్యాపారవేత్తల్లో ముఖేష్ అంబానీ కుటుంబం ఒకటి. ముఖేష్ అంబానీ, నీతా అంబానీలకు ముగ్గురు పిల్లలు. వారిలో ఈషా అంబానీ ఒకరు. ఈమె రిలయన్స్ ఇండస్ట్రీస్ లో ముఖ్యమైన పదవిలో ఉన్నారు.ఈమె 2018లో ఆనంద్ పిరమాల్ ను వివాహం చేసుకున్నారు. వీరికి ఇద్దరు కవల పిల్లలు పుట్టారు. వారిలో పాపకి ఆదియా, కొడుకు కృష్ణ అని పేరు పెట్టారు.

ఏ స్కూల్ లో చేర్చారు?

ఆదియాను ముందుగా స్కూల్లో జాయిన్ చేశారు. ఇటీవలే ముంబైలోని ప్రతిష్టాత్మక కిండర్ గార్డెన్ స్కూల్ అయినా వెస్ట్ విండ్ స్కూల్లో చేర్చినట్టు తెలుస్తోంది. ఈ వెస్ట్ విండ్ స్కూలు కిండర్ గార్డెన్ స్కూలు మాత్రమే. ఈ స్కూల్లో ధనవంతుల పిల్లలనే చేరుస్తారు. ప్లే గ్రూపు, నర్సరీ, ఎల్‌కేజీ, యూకేజీ మాత్రమే ఇక్కడ ఉంటాయి. 1947లో ఈ వెస్ట్ విండ్ స్కూలు మొదలైంది.

ముంబైలోని ప్రతిష్టాత్మకమైన కిండర్ గార్డెన్ స్కూల్లో వెస్ట్ విండ్ మొదటి స్థానంలో ఉంటుంది. అందుకే అంబానీల వారసురాలు కూడా అక్కడే చేరింది. సెలబ్రిటీల ఎంతోమంది పిల్లలు ఈ వెస్ట్ విండ్ స్కూల్లోనే చేరేందుకు ఇష్టపడతారు. ఐదుగురు మహిళలు కలిసి ఈ స్కూల్ ను ప్రారంభించారు. ఈ స్కూల్లో ఉన్న టీచర్లు కూడా అమెరికాలో శిక్షణ పొందిన వారై ఉంటారు. పిల్లలకు భావోద్వేగపరంగా, చదువు పరంగా మద్దతును ఇచ్చేలా ఇక్కడి విధానాలు ఉంటాయి.

ఫీజు ఎంత?

వెస్ట్ విండ్ కిండర్ గార్డెన్ స్కూల్లో ఒక్కో పిల్లవాడికి ఫీజు రెండున్నర లక్షల నుంచి నాలుగు లక్షల రూపాయల వరకు ఉంటుందని అంచనా. ఇందులో ట్యూషన్ ఫీజు, కాషన్ డిపాజిట్, అడ్మిషన్ ఫీజు, రిజిస్ట్రేషన్ ఫీజు ఇలా అన్నీ కలిపి ఆ ఫీజును చెల్లించాలి. మొత్తం ఫీజును ఒకేసారి చెల్లిస్తే ఐదు శాతం రాయితీ కూడా ఉంటుంది. అలాగే ఈ పాఠశాల ప్రతి ఏడాది ఎంతో కొంత ఫీజును పెంచుతూ ఉంటుంది. ఇందులో చదివేవారంతా కోటీశ్వరుల పిల్లలే కాబట్టి ఫీజు గురించి ఆలోచించే వారి సంఖ్య చాలా తక్కువ.

వెస్ట్ విండ్ స్కూల్లో రెండున్నరేళ్ల నుంచి ఐదేళ్ల లోపు పిల్లలకు మాత్రమే ప్రవేశం ఉంటుంది. ఇది పూర్తిగా ప్లే స్కూల్ అని చెప్పుకోవాలి.

ముకేశ్ అంబానీ, నీతా అంబానీలకు ముంబైలో అతిపెద్ద స్కూల్ ఉంది. అదే ధీరుభాయి అంబానీ ఇంటర్నేషనల్ స్కూల్. కాకపోతే ఇందులో ఎల్ కేజీ నుంచే ప్రవేశం ఉంటుంది. నర్సరీ, ప్లే గ్రూపు క్లాసులు ఇక్కడ ఉండవు. ఈ స్కూల్ లో బాలీవుడ్ తారల పిల్లలు చదివారు. ఐశ్వర్యారాయ్, షారూఖ్ ఖాన్, కరీనా కపూర్ ఇలా ఎంతో మంది సెలెబ్రిటీల పిల్లలు ఇక్కడే చదువుతున్నారు.