Jowar benefits: జొన్నలు ఎందుకు తినాలి? అందులో ఉండే పోషకాలేంటో తెలుసుకోండి..-different health benefits and nutrition of eating jowar ,లైఫ్‌స్టైల్ న్యూస్
తెలుగు న్యూస్  /  లైఫ్‌స్టైల్  /  Jowar Benefits: జొన్నలు ఎందుకు తినాలి? అందులో ఉండే పోషకాలేంటో తెలుసుకోండి..

Jowar benefits: జొన్నలు ఎందుకు తినాలి? అందులో ఉండే పోషకాలేంటో తెలుసుకోండి..

HT Telugu Desk HT Telugu
Sep 29, 2023 03:45 PM IST

Jowar benefits: రోజూవారీ ఆహారంలో జొన్నలను చేర్చుకోవడం వల్ల చాలా ప్రయోజనం. ఆ లాభాలేంటో, వాటిలో ఉండే పోషక విలువలేంటో వివరంగా తెలుసుకోండి.

జొన్నల లాభాలు
జొన్నల లాభాలు (freepik)

భారతదేశంలో పూర్వ కాలం నుంచీ జొన్నల్ని రకరకాలుగా వండుకుని తినే అలవాటు ఉంది. జొన్న రొట్టెలు, అంబలి, జొన్న అన్నం, జొన్న అటుకులు, జొన్న పేలాలు.. ఇలా రకరకాలుగా వీటిని తినేవారు. అయితే ఇప్పుడు జంక్‌ ఫుడ్‌లు, స్ట్రీట్‌ ఫుడ్‌ల ప్రభావం వల్ల సంప్రదాయ ఆహారాల వాడకం తగ్గిపోతోంది. అందువల్లనే ఇన్ని రోగాలు, ఆరోగ్య సమస్యలు చుట్టుముడుతున్నాయి. మరి ఈ జొన్నల్ని ఆహారంలో తినడం వల్ల మనకొచ్చే లాభాలేంటో ఇప్పుడు తెలుసుకుందాం.

జొన్నల్లో పోషకాలు :

ఈ మధ్య కాలంలో షుగర్‌ వ్యాధి ఉన్న వారు మాత్రమే జొన్న రొట్టెల్ని తినేందుకు ప్రయత్నిస్తున్నారు. లేదా బరువు తగ్గాలనుకునే వారు అరుదుగా ఈ ఆప్షన్‌ని ఎంచుకుంటున్నారు. తప్ప సాధారణంగా ఎవరూ జొన్నల్ని తినడం లేదు. జొన్నల్లో మన శరీరానికి కావాల్సిన పోషకాలు, సూక్ష్మ పోషకాలు దండిగా ఉన్నాయి. వంద గ్రాముల జొన్నల్లో 72.6 గ్రాముల పిండి పదార్థాలు ఉంటాయి. 10.4 గ్రాముల ప్రొటీన్, 6.7 గ్రాముల పీచు పదార్థం, 4.1 మిల్లీ గ్రాముల ఐరన్‌, 13 మిల్లీ గ్రాముల కాల్షియం, 20 మిల్లీ గ్రాముల ఫోలిక్‌ యాసిడ్‌ ఉంటాయి. ఇంకా ఇందులో సోడియం, జింక్‌, మెగ్నీషియం, పాస్ఫరస్‌ లాంటి సూక్ష్మ పోషకాలూ లభిస్తాయి.

ఉపయోగాలు :

  • మధుమేహ వ్యాధిగ్రస్తులకు ఇది వరం లాంటిది. దీనిలో ఉండే ఎంజైములు పిండి పదార్థాల్ని విచ్ఛిన్నం చేసి గ్లూకోజ్‌గా మార్చడంలో సహకరిస్తాయి. దీంతో రక్తంలో చక్కెర స్థాయిలు నియంత్రణలో ఉంటాయి.
  • ఇది శరీరానికి ఆక్సిడేట్‌ స్ట్రెస్‌ వల్ల వచ్చే దుష్ప్రభావాల నుంచి రక్షిస్తుంది. దీనిలో ఉండే యాంటీ ఆక్సిడెంట్లు ఫ్రీరాడికల్స్‌ని నియంత్రిస్తాయి. దీంతో దీర్ఘకాలిక రోగాల బారిన పడకుండా ఉంటాం.
  • బరువు తగ్గాలనుకున్న వారు జొన్నల్ని ఎంచుకోవడం మంచి ఆలోచన. వీటిలో ఉండే పీచు పదార్థం, ప్రొటీన్ల వల్ల ఇవి కొంచెమే తిన్నా కడుపు నిండిన ఫీలింగ్ ని కలిగిస్తాయి. అందువల్ల ఎక్కువ ఆహారాన్ని మనం లోపలికి తీసుకోకుండా ఉంటాం. అయితే మీలో కిడ్నీ సమస్యలు ఏమైనా ఉన్నట్లయితే మాత్రం డాక్టర్‌ సలహాతో మాత్రమే వీటిని మీ డైట్‌లో చేర్చుకోండి.
  • శరీరంలోని కొలెస్ట్రాల్‌ స్థాయిల్ని తగ్గించడంలో ఇది ముఖ్య పాత్ర వహిస్తుంది. రక్త నాళాల్లో కొలస్ట్రాల్‌ పేరుకుపోవడం వల్ల గుండెకు సంబంధించిన సమస్యలు వస్తాయన్నది మనకు తెలిసిన విషయమే. దీనిలో ఉండే లిపిడ్‌లు, పాలీకోసనాల్‌లు, ఫైటో స్టెరాళ్లు కొలెస్ట్రాల్‌ను సంశ్లేషించడంలో సహకరిస్తాయి. అనవసరమైన కొవ్వుల్ని బయటకు పంపించివేసేలా చూస్తాయి.
  • శరీరంలో అదుపు లేకుండా పెరిగిపోయే క్యాన్సర్‌ కణాలకు ఇది అడ్డుకట్ట వేస్తుంది.

WhatsApp channel

టాపిక్