Creamy Garlic Mushroom Curry Recipe: పుట్టగొడుగుల కర్రీ ఇలా చేశారంటే సూపర్ అనాల్సిందే.. క్రీమీగా, టేస్టీగా..
Creamy Garlic Mushroom Curry Recipe: క్రీమీగా ఉండే ఈ పుట్టగొడుగుల కర్రీ టేస్ట్ అదిరిపోతుంది. మరింత తినాలి అనిపించేలా నోట్లో కరిగిపోయేలా ఉంటుంది. రెస్టారెంట్ స్టైల్‍లో ఇంట్లోనే చేసుకోవచ్చు.
పుట్టగొడుగుల (మష్రూమ్)తో రకరకాల వంటకాలు చేసుకోవచ్చు. కర్రీలను వివిధ రకాలుగా వండవచ్చు. వెరైటీలు ట్రై చేయవచ్చు. అదే విధంగా.. పుట్టగొడుగుల కర్రీని క్రీమీగా కూడా తయారు చేయవచ్చు. ఈ కర్రీ టేస్ట్ వారెవా అనేలా ఉంటుంది. నోట్లో వేసుకుంటే సూపర్ అనిపించేలా కుదురుతుంది. ఈ క్రీమీ అల్లం మష్రూమ్ కర్రీ ఎలా చేసుకోవాలో ఇక్కడ తెలుసుకోండి.
క్రీమీ అల్లం మష్రూమ్ కర్రీకి కావాల్సిన పదార్థాలు
- 300 గ్రాముల పుట్టగొడుగులు
- 2 టేబుల్ స్పూన్‍ల బటర్
- ఓ టేబుల్ స్పూన్ నూనె
- ఓ టేబుల్ స్పూన్ అల్లం (సన్నగా తరిగినది)
- ఓ ఉల్లిపాయ (సన్నగా తరగాలి)
- రుచికి సరిపడా ఉప్పు
- ఓ టేబుల్ స్పూన్ కారం
- అర కప్పు క్రీమ్ (ఇది లేకపోతే కొబ్బరి పాలు)
- అర టీస్పూన్ గరం మసాలా
- కాస్త కసూరిమేతి
- ఓ టేబుల్ స్పూన్ కొత్తిమీర తరుగు
- రుచికి సరిపడా ఉప్పు
క్రీమీ అల్లం మష్రూమ్ కర్రీ తయారీ విధానం
- ముందుగా పుట్టగొడుగులను నీటితో శుభ్రంగా కడగాలి. మరీ పెద్దగా ఉంటే సగానికి కట్ చేసుకోవచ్చు.
- స్టవ్‍పై ఓ ప్యాన్ పెట్టి ముందుగా బటర్, నూనె వేయాలి.
- బటర్ కరిగి బుడగలు వస్తుండగా అందులో సన్నగా తరిగిన అల్లం వేయాలి. కాస్త ఫ్రై చేయాలి
- ఆ తర్వాత అందులో తరిగిన ఉల్లిపాయ ముక్కలు వేసి వేయించాలి. గోల్డెన్ కలర్ వచ్చే వరకు ఫ్రై చేయాలి.
- ఉల్లిపాయ ముక్కలు గోల్డెన్ కలర్‌లోకి వచ్చాక అందులో బాగా కడిన పుట్టగొడుగులను వేయాలి.
- ఆ తర్వాత ఉప్పు వేసి బాగా కలుపుతూ వేయించాలి. పుట్టగొడుగులు కూడా గోల్డెన్ కలర్ వచ్చే వరకు కలుపుతూ ఫ్రై చేసుకోవాలి.
- పుట్టగొడుగులు బాగా వేగాక అందులో కారం పొడి, క్రీమ్ వేయాలి. ఆ తర్వాత చిన్న మంటపై సుమారు 4 నిమిషాలు ఉడికించాలి.
- ఇవి ఉడికాక గరం మసాలా, కసూరి మేతి, కొత్తమీర వేసుకొని అలా కలుపుకోవాలి. అంతే క్రీమీ అల్లం మష్రూమ్ కర్రీ రెడీ అయిపోతుంది.
ఈ క్రీమీ అల్లం మష్రూమ్ కర్రీని అన్నం, చపాతీల్లో తింటే అదిరిపోతుంది. క్రీమీ టెక్చ్సర్, పుట్టగొడుగుల మృధుత్వం, రుచి, బటర్ ఫ్లేవర్, అక్కడక్కడా అల్లం ముక్కలు తగులుతూ ఈ కర్రీ వావ్ అనేలా ఉంటుంది. సింపుల్‍గా పావు గంటలోనే చేసుకోవచ్చు. పుట్టగొడుగులు అంటే ఇష్టపడని వారికి కూడా ఈ కర్రీ తప్పకుండా నచ్చేస్తుంది. కర్రీని ఇలా చేయడం వల్ల పుట్టగొడుగుల్లోని పోషకాలు కూడా ఎక్కువగా పోవు. పోషక విలువలు మెండుగా ఉండాయి. ఇక, ఇందులో వేయాల్సిన క్రీమ్.. దాదాపు చాలా సూపర్ మార్కెట్‍లలో దొరుకుతుంది.