Corn Roti: మొక్కజొన్న పిండితో ఇలా టేస్టీ రోటీ చేసేయండి, చికెన్ కర్రీతో అదిరిపోతు
Corn Roti: మొక్కజొన్న రోటీ ఆరోగ్యానికి ఎంతో మేలు చేస్తుంది. దీన్ని చేయడం కూడా చాలా సులువు. ఈ రోటీని ఎగ్ బుర్జీ, చికెన్, మటన్ కర్రీలను తింటే ఎంతో రుచిగా ఉంటుంది. స్పైసీ కార్న్ బ్రెడ్ ఎలా తయారుచేయాలో తెలుసుకోండి.
శీతాకాలంలో మొక్కజొన్న రొట్టె తినడం చాలా ఆచారాల్లో సంప్రదాయంగా ఉంది. పంజాబ్‌లో కచ్చితంగా చలికాలంలో మొక్కజొన్న రోటీని తింటారు. మొక్కజొన్న చపాతీని ఎగ్ బుర్జీ, చికెన్ కర్రీ వంటివి తింటే చాలా రుచిగా ఉంటాయి. మొక్కజొన్న రోటీ రుచి చాలా ప్రత్యేకంగా ఉంటుంది. పూర్తిగా భిన్నమైన రుచితో మొక్కజొన్న రొట్టెను ఎలా తయారు చేయాలో తెలుసుకోండి.
మొక్కజొన్న రోటీ రెసిపీకి కావలసిన పదార్థాలు
మొక్కజొన్న పిండి - రెండు కప్పులు
వెల్లుల్లి రెబ్బలు - పది
మెంతి ఆకులు - అర కప్పు
ఉప్పు - రుచికి సరిపడా
నీరు - తగినంత
ఎండు మిర్చి - నాలుగు
కసూరిమేథి - ఒక స్పూను
నెయ్యి - ఒకస్పూన్
కొత్తిమీర తరుగు - రెండు స్పూన్లు
మొక్కజొన్న రోటీ తయారీ విధానం
- స్టవ్ మీద కళాయి పెట్టి ఒక స్పూను నెయ్యి వేసి వేడి చేయాలి.
- అందులో వెల్లుల్లి రెబ్బల తరుగు వేసి బాగా వేయించుకోవాలి.
- సన్నగా తరిగిన మెంతి ఆకులను కూడా వేసి బాగా కలుపుకోవాలి.
- ఆకులు మెత్తగా అయ్యే వరకు చిన్న మంట మీద వేయించండి.
- ఎండుమిర్చిని కాస్త నీళ్లు వేసి మెత్తగా నూరి ఆ మిశ్రమాన్ని కూడా వేసి కలుపుకోవాలి.
- ఇప్పుడు అందులో కొత్తిమీర తరుగు కూడా వేసి బాగా కలుపుకోవాలి.
- ఆ మిశ్రమంలో రుచికి సరిపడా ఉప్పు కూడా వేసి కలుపుకోవాలి.
- ఇప్పుడు ఆ కళాయిలోనే నీళ్లు వేసి మరిగించాలి, నీళ్లు వేడెక్కాక మొక్కజొన్న పిండిని వేసి ఉండల్లేకుండా కలుపుకోవాలి.
- ఆ మిశ్రమాన్ని చల్లార్చి చపాతీ పిండిలా కలుపుకోవాలి.
- ఆ మిశ్రమంలోంచి చిన్న పిండిని తీసి చేత్తోనే చపాతీలా ఒత్తుకోవాలి. లేదా రోలింగ్ పిన్ తో ఒత్తుకున్నా ఫర్వాలేదు.
ఈ జొన్న పిండి రోటీ తినడం ఆరోగ్యానికి అన్నివిధాలా మంచిదే. ఇది పిల్లలకు, పెద్దలకు కూడా ఎంతో మేలు జరిగేలా చేస్తుంది. దీన్ని ఆకుకూరలతో వండిన కర్రీతో తిన్నా, చికెన్ కర్రీ, ఎగ్ బుర్జీ తో తిన్నా ఎంతో రుచిగా ఉంటుంది. మొక్కజొన్నలతో చేసే పిండిని ఒకసారి కొని తెచ్చుకుంటే ఎప్పుడు కావాలంటే అప్పుడు ఈ రోటీలను చేసుకోవచ్చు. ఈ కార్న్ రోటీలో మనం కొత్తిమీర, వెల్లుల్లి, మెంతులు వేశాము, ఈ మూడు కూడా మన రోగ నిరోధక శక్తిని బలోపేతం చేస్తాయి. కాబట్టి వారానికి రెండు మూడు సార్లయిన ఈ రోటీని తినడం వల్ల ఆరోగ్యానికి ఎంతో మేలు జరుగుతుంది.
టాపిక్