Chicken Sambar: చికెన్ సాంబార్ ఒక్కసారి చేసుకుని చూడండి, అన్నం దోశ ఇడ్లీల్లోకి అదిరిపోతుంది
Chicken Sambar: చికెన్ వేపుడు, చికెన్ కూర వంటివే కాదు చికెన్ సాంబార్ రెసిపీని ప్రయత్నించండి. ఎవరైనా అతిథులు ఇంటికి వచ్చినప్పుడుఈ వంటకాన్ని ప్రయత్నించండి. ఈ చికెన్ సాంబార్ రోటీ, దోశ, ఇడ్లీ, అన్నం తినడానికి చాలా టేస్టీగా ఉంటాయి.
ఆదివారాల్లో మాంసాహారుల ఇళ్లకు చికెన్, మటన్ వాసన వస్తుంది.ప్రతి ఒక్కరూ రకరకాల వంటకాలు తయారుచేస్తారు.మీరు చికెన్ ప్రియులైతే ఈ చికెన్ సాంబార్ ను అప్పుడప్పుడు ట్రై చేయండి.కొబ్బరి పాలతో చేసిన ఈ చికెన్ సాంబార్ మీకు ఖచ్చితంగా నచ్చుతుంది.ఎవరైనా అతిథులు ఇంటికి వచ్చి ఈ వంటకాన్ని తయారుచేస్తే వారు మీ చేతుల రుచిని ఇష్టపడతారు.రోటీ, దోశ, ఇడ్లీ, రైస్ తో పాటు తినడానికి చాలా టేస్టీగా ఉంటుంది.ఈ చికెన్ సాంబార్ రిసిపిని ఎలా తయారు చేయాలో ఇక్కడ తెలుసుకుందాం.
చికెన్ సాంబార్ రెసిపీకి కావాల్సిన పదార్థాలు
చికెన్ - అరకిలో
కొత్తిమీర తరుగు - మూడు స్పూన్లు
జీలకర్ర - ఒక స్పూను
పచ్చిమిర్చి - రెండు
జీడిపప్పు - నాలుగు
గసగసాలు - అర స్పూన్
పసుపు - అర స్పూను
ఉప్పు - రుచికి సరిపడా
కొబ్బరి పాలు - ఒక కప్పు
నీరు - అర గ్లాసు
నెయ్యి - ఒక స్పూను
నూనె - ఒక స్పూను
కరివేపాకులు - గుప్పెడు
గసగసాలు - అర స్పూను
సోంపు గింజలు - అర స్పూను
ఉల్లిపాయలు - ఒకటి
అల్లం వెల్లుల్లి - ఒక స్పూను
చింతపండు - ఒక నిమ్మరసం
టోమాటోలు - రెండు
చికెన్ సాంబార్ రెసిపీ
- చికెన్ సాంబార్ చేయడానికి చికెన్ ముక్కలను చిన్నగా కట్ చేసుకోవాలి.
- ఒక గిన్నెలో చికెన్ ముక్కలను వేసి ఉప్పు, కారం, పసుపు వేసి అరగంట పాటూ పక్కన పెట్టి మారినేట్ చేసుకోవాలి.
- ఇప్పుడు సాంబార్ మసాలా తయారు చేసుకోవాలి.
- స్టవ్ మీద కళాయి పెట్టి నూనె వేయాలి. అందులో జీలకర్ర, ధనియాలు, గసగసాలు, మెంతులు, సోంపు గింజలు వేసి వేయించాలి,
- తరువాత గుప్పెడు కరివేపాకులు, జీడిపప్పులు, ఉల్లిపాయలు వేసి వేయించుకోవాలి.
- అన్నీ చల్లారాక మిక్సీలో వేసి మెత్తగా రుబ్బుకోవాలి. అందులోనే అల్లం, వెల్లుల్లి , అరస్పూను పసుపు వేసి మెత్తగా రుబ్బాలి.
- ఈ మొత్తం మిశ్రమాన్ని ఒక గిన్నెలో వేసి పక్కన పెట్టుకోవాలి.
- ఒక గిన్నెలో నీళ్లు, చింతపండు వేసి నానబెట్టాలి.
- స్టవ్ మీద కళాయి పెట్టి నూనె వేయాలి. అందులో సన్నగా తరిగిన ఉల్లిపాయలు, టమోటాల తరుగు వేసి బాగా కలపాలి.
- తరువాత కరివేపాకులు, పచ్చిమిర్చి ముక్కలు వేసి బాగా కలపాలి. అందులో ముందుగా మారినేట్ చేసిన చికెన్ వేసి బాగా కలపాలి.
- చికెన్ బాగా ఉడికిన తర్వాత అందులో ముందుగా రుబ్బి పెట్టుకున్న మసాలా మిశ్రమాన్ని వేసి బాగా కలపాలి.
- మసాలా బాగా మరిగిన తర్వాత కొబ్బరిపాలు వేసి మళ్లీ మరిగించాలి. రుచికి సరిపడా ఉప్పు వేయాలి.
- సాంబారులా చేసేందుకు రెండు గ్లాసుల నీటిని వేసి బాగా మరిగించాలి.
- తర్వాత తరిగిన కొత్తిమీర ఆకులు వేసి స్టవ్ ఆఫ్ చేయాలి. అంతే టేస్టీ చికెన్ సాంబార్ రెడీ అయినట్టే.
చికెన్ సాంబారును రోటీ, చపాతీ, దోశ, ఇడ్లీ, అన్నంతో తినడానికి చాలా టేస్టీగా ఉంటుంది. ఇంటికి అతిథులు ఎవరైనా ఉన్నప్పుడు ఈ రకమైన చికెన్ సాంబారు ప్రయత్నించండి. ఖచ్చితంగా అందరికీ నచ్చుతుంది.
ఇది కూడా చదవండి: ఇంట్లో హోటల్ స్టైల్ చికెన్ ఫ్రైడ్ రైస్; ఇది పర్ఫెక్ట్ వింటర్ స్నాక్