Chanakya Niti 2023 : మీరు ధనవంతులు కావాలంటే.., చాణక్యుడు చెప్పే మాటలు ఇవే-chanakya niti 2023 how to become rich acharya chanakya tips for money ,లైఫ్‌స్టైల్ న్యూస్
తెలుగు న్యూస్  /  లైఫ్‌స్టైల్  /  Chanakya Niti 2023 : మీరు ధనవంతులు కావాలంటే.., చాణక్యుడు చెప్పే మాటలు ఇవే

Chanakya Niti 2023 : మీరు ధనవంతులు కావాలంటే.., చాణక్యుడు చెప్పే మాటలు ఇవే

HT Telugu Desk HT Telugu
Feb 24, 2023 09:18 AM IST

Chanakya Niti 2023: ధనవంతులు కావాలని ఎవరికి ఉండదు చెప్పండి. అయితే జీవితంలో కొన్ని మార్పులతో మీరు ధనవంతులు కావొచ్చని చాణక్యుడు చెబుతున్నాడు. ఎంత కష్టపడి సంపాదిస్తామో.. ఆలోచనాత్మకంగా ఖర్చు చేయడం కూడా ముఖ్యమైనని చాణక్యుడు చెప్పే మాట.

చాణక్య నీతి
చాణక్య నీతి (Twitter)

మీరు ధనవంతులు కావాలంటే, ముందుగా చాణక్యుడి(Chanakya) గురించి తెలుసుకోండి. మీరు ఎప్పటికీ పేదలుగా ఉండరు. చాణక్యుడి ప్రకారం, డబ్బు సంపాదించడానికి ఎంత కష్టపడాలో, దానిని ఆలోచనాత్మకంగా ఖర్చు చేయడం కూడా అంతే ముఖ్యం.

డబ్బు(Money) సక్రమంగా ఖర్చు చేయకపోతే పనికిరాని పనులకు ఖర్చు పెట్టవచ్చు. డబ్బు విషయంలో ఒక వ్యక్తి ఎప్పుడు, ఎక్కడ జాగ్రత్తగా ఉండాలో చాణక్యుడు చెబుతున్నాడు. చాణక్యుడు సంపాదన, ఖర్చు, ఆనందం, పెట్టుబడి(Investment) విషయాలపై వివరంగా తన అభిప్రాయాలను అందించాడు. చాణక్య విధానంలో, డబ్బు విషయంలో మనిషి ఎప్పుడు, ఎక్కడ జాగ్రత్తగా ఉండాలో చాలా చక్కగా తెలిపాడు. వాటిని పాటిస్తే.. ఆర్థికంగా బలపడడమే కాకుండా మంచి వ్యక్తిగా కూడా మారవచ్చు.

డబ్బు ఖర్చు చేయడం అనేది సాధారణం. కానీ ఎలా ఖర్చు చేస్తున్నామనేదే ముఖ్యం. ఒక వ్యక్తి ధనవంతుడు కావాలంటే, డబ్బును ఎలా ఆదా చేయాలో, ఎలా ఖర్చు చేయాలో తెలుసుకోవాలని చాణక్యుడు చెప్పాడు. అవసరానికి మించి డబ్బు ఆదా చేయడం అన్యాయం. చెరువులోని నీరు ఎంతసేపు ఒకేచోట ఉంటే ఎలా మారిపోతుందో.., చాణక్యుడు ఉదాహరణగా చెప్పాడు. అదేవిధంగా, డబ్బును ఎక్కువ కాలం ఉంచుకోవడం కూడా దాని ప్రాముఖ్యతను కోల్పోతుంది. డబ్బు ఖర్చు చేయడానికి దాతృత్వం ఉత్తమ మార్గం. దానం చేయడం వల్ల డబ్బు తగ్గదు. అది రెట్టింపు అవుతుందనేది చాణక్యుడి మాట. డబ్బును సరైన విషయాలలో పెట్టుబడి పెట్టాలి. ఇది డబ్బు భద్రతకు సమానం.

మంచి భవిష్యత్ కోసం డబ్బును ఆదా చేసుకోండి. డబ్బును సద్వినియోగం చేసుకోవాలని చాణక్యుడు చెప్పాడు. అయితే సురక్షితమైన భవిష్యత్తు కోసం అనవసరమైన ఖర్చులను అరికట్టడం చాలా ముఖ్యం. సంపాదనలో కొంత భాగాన్ని విరాళంగా ఇవ్వండి. పెట్టుబడి కోసం డబ్బును ఉపయోగించండి. ఈ రోజుల్లోని విషయానికొస్తే.. కచ్చితంగా బీమా, ఆరోగ్య పథకాలు, విద్యా ప్రణాళికలలో పెట్టుబడి పెట్టండి. కష్ట సమయాల్లో మీకు మద్దతు ఇవ్వడమే కాకుండా మీ భవిష్యత్తును కూడా మెరుగుపరుస్తుంది.

డబ్బు కోసం అత్యాశ పడకండి. డబ్బు దురాశలో మనిషి తప్పు దారిలో పయనిస్తాడు. డబ్బు సంపాదన కోసం ఎంతకైనా దిగడానికి సిద్ధమే కానీ అలా చేయడం వల్ల ఎప్పుడూ సంతోషించలేడు. డబ్బు వచ్చినప్పుడు గర్వపడకూడదని చాణక్యుడు చెప్పాడు. తమ సంపదను ప్రదర్శించే వారు పేదరికం అంచున ఉంటారు.

డబ్బు ఎల్లప్పుడూ సరైన మార్గంలో సంపాదించాలి. ఎందుకంటే తప్పుగా సంపాదించిన డబ్బు కొద్దికాలం మాత్రమే ఉంటుంది. చాణక్యుడు ప్రకారం, అనైతిక పద్ధతుల ద్వారా సంపాదించిన సంపాదన చాలా త్వరగా నాశనం అవుతుంది. అటువంటి డబ్బు జీవిత కాలం... కేవలం పది సంవత్సరాలు మాత్రమే. ఈ పదేళ్లలో కూడా మనిషి సంపద నీరులా ప్రవహిస్తుంది. ఒకదానికొకటి అనవసరంగా ఖర్చు పెడతారు. అందుకే మంచి మార్గంలో డబ్బు సంపాదించాలి. మంచి కోసం డబ్బు ఖర్చు చేయాలి.

WhatsApp channel

సంబంధిత కథనం

టాపిక్