ప్రపంచ ఆస్తమా దినోత్సవం 2025, ఆస్తమాతో బాధపడుతన్న వారు తినకూడని ఆహార పదార్థాలేంటి? ఏం తింటే మంచిది!

ఆస్తమా... ఒక దీర్ఘకాలిక శ్వాసకోశ సమస్య. దీన్ని గురక, దగ్గు, శ్వాస తీసుకోవడంలో ఇబ్బంది వంటి సమస్యల ద్వారా గుర్తంచవచ్చు. ముఖ్యంగా రుతువులు మారే సమయంలో, వేసవి మరియు వసంత ఋతువుల్లో ఈ బాధ మరింత ఎక్కువవుతుంది. అయితే, వాతావరణ మార్పులే కాదు, కొన్నిసార్లు మన రోజువారీ ఆహారంలో ఉండే పదార్థాలు కూడా ఈ ఆస్తమా లక్షణాలను మరింత తీవ్రతరం చేస్తాయని మీకు తెలుసా? ప్రముఖ పల్మోనాలజిస్ట్ డాక్టర్ ఇందర్ మోహన్ చుగ్, HT లైఫ్‌స్టైల్‌తో మాట్లాడుతూ కొన్ని సాధారణ ఆహారాలు ఆస్తమాను ఎలా ప్రేరేపిస్తాయో వివరిస్తున్నారు. అవేంటో తెలుసుకుందాం!

ఆస్తమాను ప్రేరేపించే ఆహార పదార్థాలు:

1. చల్లటి వస్తువులు

బాగా చల్లటి పదార్థాలైన ఐస్ ముక్కలు, ఐస్ క్రీం కూల్ డ్రింక్స్ వంటివి ఆస్తమాను పెంచే ఆహారాల్లో ముందు వరుసలో ఉంటాయి. ఇవి శ్వాస మార్గాన్ని చికాకు పెట్టవచ్చు, ఆస్తమా లక్షణాలను ప్రేరేపించవచ్చు. ఆహార గొట్టంతో పాటు శ్వాసకోశ నాళానికి హాని కలిగించవచ్చు.

2. స్ట్రీట్ ఫుడ్

బయట దొరికే చాట్, పానీ పూరీ, ఇమ్లీ పానీ, కచోరీ వంటి ఆహారాలు రుచికరమైనవే అయినప్పటికీ ఇవి తరచుగా దుమ్ము, కాలుష్య కారకాలకు గురవుతాయి. వీటిని తినడం ఆస్తమా రోగులకు మరింత ప్రమాదకరం. అంతేకాదు ఈ ఆహారాలలో ఉండే మసాలాలు ఆస్తమా లక్షణాలను మరింత తీవ్రతరం చేస్తాయి.

3. చైనీస్ ఆహారం

ఇప్పుడు ఎక్కువ మంది ఇష్టపడే ఆహారాల్లో ఒకటైన ఫాస్ట్ ఫుడ్, చైనీస్ ఫుడ్ ఆస్తమా బాధితులకు విషంతో సమానం. ఎందుకంటే చాలా చైనీస్ వంటకాల్లో కొన్ని కృత్రిమ సంకలనాలు, రకరకాల సాస్‌లు ఉంటాయి. ఇవి అలెర్జీ కారకాలు లేదా చికాకులను కలిగిస్తాయి. దీనివల్ల ఆస్తమా లక్షణాలు మరింత తీవ్రమవుతాయి.

4. ప్యాక్ చేసిన, ప్రాసెస్ చేసిన ఆహారాలు

చిప్స్, ఫ్రోజెన్ మీల్స్, బాక్స్డ్ జ్యూస్‌లు మొదలైన వాటిలో ప్రిజర్వేటివ్‌లు ఉంటాయి. ఇవి కూడా ఆస్తమా లక్షణాలను మరింత ప్రేరేపిస్తాయి.

5. ఊరగాయలు

నిల్వ చేసుకుని తనే పచ్చళ్లు వంటి ఆహారాలు కూడా ఆస్తమా ఉన్నవారిలో అలెర్జీ ప్రతిచర్యలు లేదా శ్వాసకోశ లక్షణాలను రేకెత్తిస్తాయి.

6. ఆస్పిరిన్, కాఫీ

కొంతమంది వ్యక్తులు కెఫైన్ లేదా ఆస్పిరిన్ వంటి మందులకు ప్రతికూలంగా స్పందించవచ్చు. అంతేకాదు కొందరిలో పాలు, వేరుశనగలు వంటివి తినడం వల్ల కూడా ఆస్తమా సమస్య పెరగచ్చు. పడని పదార్థాలేంటో తెలుసుకుని జాగ్రత్తగా ఉండాలి.

ఆస్తమా ఉన్నవారు ఏం తింటే మంచిది?

ఆస్తమా లక్షణాలను తగ్గించడానికి ఏయే ఆహార పదార్థాలు తీసుకోవాలో డాక్టర్ ఇందర్ మోహన్ చుగ్ వివరించాలరు. ఆయన ఇచ్చిన జాబితాలో ఏమున్నాయంటే..

• తాజా పండ్లు, కూరగాయలు: వీటిలో యాంటీఆక్సిడెంట్లు, విటమిన్లు A, C లు అధికంగా ఉంటాయి. ఇవి మంటను తగ్గించడానికి, ఊపిరితిత్తుల ఆరోగ్యాన్ని కాపాడటానికి సహాయపడతాయి.
• విటమిన్ D మూలాలు: గుడ్లు, పాలు వంటి విటమిన్ డీ కలిగిన ఆహారాలు రోగనిరోధక శక్తిని బలోపేతం చేయడానికి సహాయపడతాయి, ఇది ఆస్తమా లక్షణాలను తగ్గిస్తుంది.
• విటమిన్ E అధికంగా ఉండే ఆహారాలు: గింజలు, విత్తనాలు, బ్రోకలీ వంటివి విటమిన్ E ని అందిస్తాయి. ఇది శ్వాసకోశ పనితీరుకు మద్దతు ఇస్తుంది. అలాగే ఆక్సీకరణ ఒత్తిడిని తగ్గిస్తుంది.
• ఇంట్లో తయారుచేసిన తాజా భోజనం: ఎక్కువ మసాలాలు, కారం వాడకుండా ఇంట్లోనే చేసిన తాజా భోజనం ఆస్తమాను ప్రమాదాన్ని ప్రమాదాన్ని తగ్గిస్తాయి.