Boiled Egg on Toast Breakfast | ఈ అల్పాహారం ఎంతో రుచికరం, పోషకభరితం!

రుచికరమైన అల్పాహారంతో రోజును ప్రారంభించడానికి మించిన మంచి మార్గం మరొకటి లేదు. అందుకే ఈ ఆదివారం మీకు అదిరిపోయే బ్రేక్‌ఫాస్ట్ రెసిపీని పరిచయం చేస్తున్నాం. ఇది చేసుకోవటం కూడా చాలా తేలిక, ఎంతో రుచికరంగా ఉంటుంది, ఆరోగ్యకరమైనది కూడా.

టోస్ట్ మీద ఉడకబెట్టిన గుడ్డు ముక్కలను ఉంచి. సాల్ట్- పెప్పర్ వేసి, కొన్ని కూరగాయలను కూడా జోడించి. నోట్లో నములుకుంటూ తింటే నమ్మశక్యం కాని రుచిని ఆస్వాదించవచ్చు. అయితే వండుకునే విధానం సరిగ్గా ఉండాలి.

ఈ రెసిపీలో ప్రధాన భాగం గుడ్లను సరైన సమయం పాటు ఉడకబెట్టడం. కేవలం 6- నిమిషాల పాటు గుడ్డును ఉడికించి చేసుకుంటే రుచిగా ఉంటుంది. కాబట్టి ముందుగానే గిన్నెలో నీటిని మరిగించి గుడ్లు ఉడికించుకోవాలి. ఒకవేళ రిఫ్రిజిరేటర్ నుండి తీసిన గుడ్లయితే అవి గది ఉష్ణోగ్రత వద్దకు మారేంత వరకు బయట ఉంచి, ఆపై ఉడికించుకోవాలి. ఆ తర్వాత మీకు నచ్చిన వెజిటెబుల్స్‌తో కలుపుకోవచ్చు. ప్రోటీన్‌తో నిండిన ఈ బ్రేక్‌ఫాస్ట్ టోస్ట్ మిమ్మల్ని రోజంతా శక్తివంతంగా ఉంటుంది. మరి ఆలస్యం చేయకుండా బాయిల్డ్-ఎగ్ టోస్ట్ రెసిపీని చూసేయండి.

Boiled Egg on Toast Recipe కోసం కావలసినవి

• 2 - గుడ్లు
• 2- బ్రెడ్ ముక్కలు
• 2-3 ఆకులు - పాలకూర
• 2 - చెర్రీ టమోటాలు
• 1 టేబుల్ స్పూన్ - స్పైసీ మాయో లేదా మీకు నచ్చిన ఏదైనా స్ప్రెడ్
• మిరియాల పొడి చిటికెడు
• కారంపొడి చిటికెడు
• ఉప్పు చిటికెడు
• వెన్న 1 టీస్పూన్

బాయిల్డ్-ఎగ్ టోస్ట్ తయారీ విధానం

1. ముందుగా ఒక గిన్నెల్లో నీటిని మరిగించి, అందులో నెమ్మడిగా గుడ్లను జార విడవండి. సరిగ్గా ఆరు నిమిషాలు ఉడికించాలి.
2. మరోవైపు బ్రెడ్‌కి కొద్దిగా వెన్నపూసి, పెనం మీద రెండు వైపులా కాల్చుకోవాలి.
3. ఆపై ఈ బ్రెడ్ టోస్టుపై మయో క్రీమ్ లేదా మీకు నచ్చిన స్ప్రెడ్‌ను పూసి శుభ్రమైన తాజా పాలకూర ఆకులు, సగానికి కట్ చేసిన చెర్రీ టమోటాలను ఉంచండి.
4. ఆపై ఉడికించుకున్న గుడ్లను ముక్కలుగా చేసి టోస్టుపై పరచండి. పైనుంచి చిటికెడు మిరియాలపోడి, కారం, ఉప్పు చల్లుకొని మరో బ్రెడ్ టోస్టుతో కప్పి వేయండి.

అంతే రుచికరమైన బాయిల్డ్-ఎగ్ టోస్ట్ బ్రేక్‌ఫాస్ట్ రెడీ అయినట్లే. కమ్మగా తింటూ, వెచ్చగా ఓ కప్ప్ టీని ఆస్వాదిస్తూ ఈ సండేను ఫన్ డేగా మార్చుకోండి. ఇంకొకటి.. దుప్పట్లో దూరిన గుడ్డు- ఈ రెసిపీని కూడా ట్రై చేయండి.