BMW Motorrad । బీఎండబ్ల్యూ టూరింగ్ రేంజ్ బైక్‌లు.. దిమ్మతిరిగే ధరలు, మోడల్స్ ఇవే

లగ్జరీ మోటార్ సైకిల్ బ్రాండ్ అయిన BMW Motorrad తాజాగా భారత మార్కెట్లో ప్రీమియం ‘టూరింగ్ రేంజ్' మోటార్‌సైకిళ్లను విడుదల చేసింది. ఇదివరకే బుక్ చేసుకున్న వారికి ఈ నెల నుంచే డెలివరీలు ప్రారంభించనున్నారు. అదనంగా, దేశంలోని అన్ని అధికారిక డీలర్‌షిప్‌లలో ప్రత్యేకమైన యాక్సెసరీస్, ఇతర లైఫ్ స్టైల్ వస్తువులు అందుబాటులోకి వచ్చాయి.

BMW తాజాగా విడుదల చేసిన మోటార్ సైకిళ్లలో మొత్తం నాలుగు మోడళ్లు ఉన్నాయి. అవి..

BMW R 1250 RT, ధర రూ. 23.95 లక్షలు

BMW K 1600 Bagger, ధర రూ. 29.90 లక్షలు

BMW K 1600 GTL , రూ. 32 లక్షలు

BMW K 1600 గ్రాండ్ అమెరికా, ధర రూ. 33 లక్షలు

ఇవన్నీ ఎక్స్-షోరూమ్ ధరలు అని గమనించాలి.

BMW R 1250 RT

బేసిక్ మోడల్ BMW R 1250 RT బైక్ విషయానికి వస్తే.. ఇది మునుపటికంటే మెరుగైన టూరింగ్ ఫీచర్లతో మరింత డైనమిక్‌గా కనిపిస్తుంది. BMW కొత్త ఫెయిరింగ్ ఇంకా పూర్తి-LED హెడ్‌ల్యాంప్‌లతో ఏరోడైనమిక్ డిజైన్ కలిగి ఉంది. ఈ బైక్‌లో BMW ShiftCam టెక్నాలజీతో కూడిన 1254 cc 2-సిలిండర్ బాక్సర్ ఇంజన్ ఉంది. ఈ ఇంజన్ గరిష్టంగా 7,750 rpm వద్ద 134 bhp శక్తిని అలాగే 6,250 rpm వద్ద 143 Nm అత్యధిక టార్క్‌ను అందిస్తుంది. BMW R 1250 RT కేవలం 3.7 సెకన్లలోనే 0- 100 kmph స్పీడ్ అందుకోగలదు. దీని గరిష్టవేగం గంటకు 200 కిమీ.

మిగతా మూడు బైక్ మోడళ్లలో స్పెక్స్ ఇలా ఉన్నాయి

BMW K 1600 GTL, BMW K 1600 B అలాగే BMW K 1600 గ్రాండ్ అమెరికా బైక్ మోడళ్ల విషయానికి వస్తే, ఇవన్నీ 1649 cc 6-సిలిండర్ ఇన్-లైన్ ఇంజన్‌ను కలిగి ఉన్నాయి. ఈ ఇంజన్ 6,750 rpm వద్ద 158 bhp శక్తిని అలాగే 5,250 rpm వద్ద 180 Nm గరిష్ట టార్క్‌ను ఉత్పత్తి చేస్తుంది.

ఈ బైక్ లలో డైనమిక్ ఇంజిన్ బ్రేక్ కంట్రోల్, డైనమిక్ ESA, ఆడియో సిస్టమ్ 2.0 , ఇంటిగ్రేటెడ్ మ్యాప్ నావిగేషన్‌తో కూడిన 10.25-అంగుళాల TFT కలర్ డిస్‌ప్లే బైక్‌లతో వంటి ముఖ్యమైన ఫీచర్లు ఉన్నాయి.

ఈ మోటార్‌సైకిళ్లు వివిధ రకాల ఆకర్షణీయమైన కలర్ స్కీములలో అందుబాటులో ఉన్నాయి.

కొనుగోలుకు ఆప్షన్స్, సర్వీస్

BMW ఇండియా ఫైనాన్షియల్ సర్వీసెస్ ద్వారా ఈ టూరింగ్ శ్రేణి మోటార్‌సైకిళ్లను సొంతం చేసుకోవడానికి వివిధ స్కీములను అందిస్తుంది. బైక్‌లపై 3 సంవత్సరాల పాటు కంపనీ వారంటీ ఉచితంగా అందిస్తోంది. అదనపు ఖర్చుతో వారంటీని నాల్గవ, ఐదవ సంవత్సరానికి పొడిగించుకోవచ్చు. ఇంకా రోడ్ సైడ్ అసిస్టెన్స్, 24×7 365-రోజుల బ్రేక్‌డౌన్ ప్యాకేజీ , టోయింగ్ సర్వీసులు కూడా పొందవచ్చు.