అమ్మ ప్రేమను పొగడాలంటే మాటలు చాలవు, అందుకే ఈ కవితలతో విష్ చేయండి, మదర్స్ డేను మరింత స్పెషల్‌గా చేయండి

పుట్టినప్పుటి నుంచి జీవితంలోని ప్రతి అడుగులోనూ తోడుండే అమ్మ కోసం ఒక ప్రత్యేకమైన రోజు మదర్స్ డే. ప్రతి సంవత్సరం మే నెలలో వచ్చే రెండో ఆదివారం మదర్స్ డే జరుపుకుంటారు. ఈ సంవత్సరం మే 11న ఈ ప్రత్యేకమైన రోజు వస్తోంది. అమ్మ ప్రేమను కొనియాడే మధురమైన రోజు ఇది. అమ్మ మన కోసం వెచ్చించిన ప్రతి క్షణం, చేసిన ప్రతి త్యాగం, భరించిన ప్రతి కష్టం... వాటిని గుర్తుచేసుకునే పవిత్రమైన సందర్భం ఇది. నిజానికి అమ్మ ప్రేమకు ఈ ప్రపంచంలో ఏదీ సాటి రాదు. ఆ ప్రేమను పొగిడేందుకు మాటలు కూడా చాలవు.

అమ్మకు మనం తిరిగి ఏమివ్వగలమో తెలియదు కానీ, ప్రతి బిడ్డకు తన తల్లిపై ఉన్న ప్రేమను వ్యక్తం చేయడానికి ఈరోజు ఒక అద్భుతమైన అవకాశం. ఈ రోజున మీ హృదయంలోని ప్రేమానురాగాలను, మీ శ్రద్ధను తెలిపే కొన్ని అందమైన, మనసుకు హత్తుకునే మాటలు లేదా కవితలను మీ అమ్మకు పంపించి ఆమె కళ్ళల్లో ఆనందం చూడండి. మదర్స్ డే శుభాకాంక్షలను ఇలా ప్రేమగా చెప్పండి.

1. నీ సహనం భూమి కంటే గొప్పది

నీ ప్రేమ ఆకాశం కంటే విశాలమైనది

నీ భుజాలపై మా భారం వేసుకుని,

మా సంతోషం కోసం నీ కన్నీళ్లను దాచుకుని

ఎన్నో త్యాగాలు చేశావమ్మా..

నీకు నా మాతృదినోత్సవ శుభాకాంక్షలు!

2. నీ స్పర్శ ఇచ్చే భరోసా,

కష్టాలను గెలిచి బతకాలని పుట్టిస్తుంది ఆశ!

నీ ఒడి నాకు బాధలు మైమరిచిపోయే చోటు,

నీ కొంగు భయం నా దగ్గరకు రాకుండా చేసే చాటు.

నీ ప్రేమ ఒక అనుభూతి, నా మనసు ఎల్లప్పుడూ కోరుకునే తీపి!

నీకు ఇవే నా మాతృదినోత్సవ శుభాకాంక్షలు అమ్మా!

3. అమ్మా..

నువ్వు మా కోసం వదులుకున్న సంతోషాలెన్నో,

మా భవిష్యత్తు కోసం చేసిన త్యాగాలెన్నో!

నీ కడుపు నిండకపోయినా మమ్మల్ని ఆదరించావు,

నీ కష్టాలను దిగమింగుకుని మాకు నవ్వులు పంచావు!

నీ ప్రేమ ఒక అపురూపమైన నిధి అమ్మా,

నీ వాత్సల్యం ఒక వెలకట్టలేని బహుమతి అమ్మా!

నీ గొప్ప హృదయానికి జోహార్లు అమ్మా,

ఈ మదర్స్ డే రోజున ప్రేమతో శుభాకాంక్షలు అమ్మా!

4. నీ గొప్ప మనసుకు సాటి లేదు అమ్మా,

కల్మషం లేని నీ ప్రేమకు ఎదురు లేదు అమ్మా!

నువ్వు ఎల్లప్పుడూ మాతోనే ఉండాలి అమ్మా,

ఈ మదర్స్ డే రోజున నీ కోసం దేవుడిని వేడుకుంటున్నాం అమ్మా!

5. నీ ఓర్పు ఒక మహాసముద్రంలాంటిది అమ్మా,

అలల ధాటి నిలువెల్లా తడిపిన చెక్కుచెదరనిది అమ్మా!

మా బలహీనతల్లో నువ్వు మాకు బలంగా నిలిచావు,

మా కలలను నిజం చేయడానికి నీ జీవితాన్నే అంకితం చేశావు!

నువ్వు మాకు ఒక స్ఫూర్తి ప్రదాత అమ్మా,

మా విజయాలకు తొలి ప్రేరణ నీవే అమ్మా!

నీ గొప్ప మనసుకు మా హృదయపూర్వక వందనం అమ్మా,

ఈ మదర్స్ డే నీకు మా ప్రేమతో కూడిన అభినందనం అమ్మా!

6. తొలిసారి నవ్వినప్పుడు చూసిన ఆనందం నీది అమ్మా,

తొలి అడుగులు వేసేటప్పుడు ఇచ్చిన ధైర్యం నీది అమ్మా!

ప్రపంచాన్ని పరిచయం చేసిన మొదటి గురువువి,

జీవితపు విలువలు నేర్పిన గొప్ప మార్గదర్శివి నీవు!

7. నీ మమతల ఊయలలో పెరిగానమ్మా,

నీ అనురాగపు వెన్నెలలో సేద తీరానమ్మా!

నా కలలను నీ కలలుగా మార్చుకున్న నీ గొప్ప మనసు,

నా విజయాలను నీ విజయాలుగా భావించి పోరాడింది నీ తల్లి మనస్సు హ్యాపీ మదర్స్ డే మమ్మీ!

8. నువ్వు నా ఆశల పల్లవి, నా కలలకు ప్రతిరూపానివి నువ్వు,

నీ ప్రేమ లేని నేను ఒక దిక్కులేని ప్రయాణం!

నువ్వు మా ఇంటి సౌభాగ్యం అమ్మా,

ఈ మదర్స్ డే నీకు నా ప్రేమతో నిండిన మంగళ తోరణం అమ్మా!