Backstabbing People: ఈ 5 అలవాట్లు ఉన్న వ్యక్తులతో జాగ్రత్త, వీరు వెన్నుపోటు పొడిచే అవకాశం ఎక్కువ

జీవితంలో మనకెంతో మంది స్నేహితులు, బంధువులు ఉంటారు. వారందరినీ మనం ఎంతో నమ్ముతాము. మన జీవితంలో ఎదురయ్యే ప్రతి ఒక్కరినీ నమ్మడం అంత మంచిది కాదు. కొందరు మనం ముందు తీపి కబుర్లు చెబుతూ వెనుక నుంచి మాత్రం విషం చిమ్ముతారు. అలాంటి వారి అసలు రంగును తెలుసుకోవాల్సిన అవసరం ఉంది. వెన్నుపోటు పొడిచే వారి లక్షణాలను మానసిక శాస్త్రవేత్తలు విశ్లేషించారు. వాటిని బట్టి మీ చుట్టూ ఉన్నవారిలో అలాంటి లక్షణాలు ఉంటే మీరు వారితో జాగ్రత్తగా ఉండాల్సిన అవసరం ఉంది.

మరొకరి గురించి మాట్లాడడం

అప్పుడప్పుడు వేరే వారి గురించి మాట్లాడడం మంచిదే, కానీ నిత్యం మరొకరికి మద్దతు ఇచ్చేలా మాట్లాడుతూ ఉన్నా కూడా అలాంటి వారితో జాగ్రత్తగా ఉండాలి. మరొకరి గురించి నిత్యం చెడుగా మాట్లాడుతున్న వ్యక్తి మీ గురించి కూడా మాట్లాడే అవకాశం ఉంది. అటువంటి వ్యక్తికి కొంచెం దూరంగా ఉండాలి. అలాంటి వారు తరచూ ఇతరుల రహస్యాలను మీకు చెబుతూ గాసిప్స్ కు అవకాశం ఇస్తారు. అలాగే మీ విషయాలు కూడా బయటివారికి చెబుతూ మీపై కూడా చెడుగా మాట్లాడే అవకాశం ఉంది. మరొకరి రహస్యాలను మీ ముందు బహిర్గతం చేస్తున్న వ్యక్తి మరొకరి ముందు మీ గురించి కూడా అదే చేస్తున్నాడని అర్థం చేసుకోవాలి.

గాసిపింగ్ వద్దు

చాలా సరదాగా గాసిప్స్ చేసే వ్యక్తులతో జాగ్రత్తగా ఉండాలి. ఎక్కువగా మాట్లాడుతూ, అబద్ధాలు చెబుతూ ఉండే వారితో దూరంగా ఉండాలి. ఇతరుల గురించి మీకు గంటలు గంటలు చెడు సంభాషణలు చేస్తారు. వారు ఇతరులకు మద్దతు ఇవ్వడమే కాకుండా, వారి గురించి ఏదైనా చెడుగా చెప్పడానికి మిమ్మల్ని ప్రేరేపిస్తారు. వారి ఇతరుల గురించి మీ దగ్గర ప్రస్తావిస్తూ మీ అభిప్రాయాన్ని అడుగుతారు. మీరు ఎవరి గురించైనా ప్రతికూలంగా మాట్లాడించేందుకు ట్రై చేస్తారు. వాటిని తిరిగి ఎదుటి వారికి చెప్పి మిమ్మల్ని నెగెటివ్ గా చూపించేందుకు ప్రయత్నిస్తారు. కాబట్టి ఇలాంటి వారికి దూరంగా ఉంచండి.

వెన్నుపోటు పొడిచే అలవాటు ఉన్నవారిలో మీ ముందు మంచిగా ఉండేందుకు నటిస్తారు. వారు ఎప్పుడూ మీ ముందు మధురంగా మాట్లాడతారు. మీరు తప్పు చేసినప్పటికీ వారు మిమ్మల్ని చాలా ప్రశంసిస్తారు. వారు మీ తప్పులను సరిదిద్దడానికి ఎప్పుడూ ప్రయత్నించరు. ఎందుకంటే వారు మీ శ్రేయస్సును చూడటానికి ఇష్టపడరు. మీ మంచి కోరే వారు ఎప్పుడూ మీ తప్పులను కూడా ఎత్తి చూపిస్తారు. అలాకాకుండా నిత్యం పొగుడుతున్నారంటే వారికి దూరంగా ఉండాలని అర్థం చేసుకోవాలి.

వెన్నుపోటు పొడిచే వ్యక్తుల అత్యంత సాధారణ అలవాట్లలో ఒకటి, వారు తమ మాటపై నిలబడరు. తప్పు చేసి దొరికిపోయినా కూడా తిరిగి తమదే ఒప్పని వాదిస్తారు. చాలా విషయాలు కల్పితం అని చెబుతారు. వారు వింతగా ప్రవర్తిస్తారు. వారి మాటలను గమనిస్తే, వారు ప్రతిదీ నాటకీయంగా మాట్లాడతారని మీకు అర్థమవుతుంది.

అబద్ధపు వాగ్దానాలు

మీ స్నేహితుల్లో వెన్నుపోటు పొడిచే వారు నిత్యం అబద్ధాలు ఆడుతూ ఉంటారు. తప్పుడు ప్రమాణాలు చేస్తూ ఉంటారు. తప్పుడు ప్రమాణాలతో మిమ్మల్ని నమ్మించడానికి ప్రయత్నిస్తారు. ముఖ్యంగా వారి అబద్ధాలు ఏవైనా పట్టుబడితే వారిని ఒప్పించడానికి పెద్దగా తిట్టుకుంటూ ఏడుపు మొదలుపెడతారు. అటువంటి వ్యక్తిత్వం ఉన్న వ్యక్తులతో మీరు ఎల్లప్పుడూ జాగ్రత్తగా ఉండాలి.

(గమనిక: అధ్యయనాలు, హెల్త్ జర్నల్స్ నుంచి సేకరించిన సమాచారాన్ని మీ కోసం ఇక్కడ అందిస్తున్నాం. ఇది కేవలం సమాచారం మాత్రమే. ఇది వైద్యానికి లేదా చికిత్సకు ప్రత్యామ్నాయం కాదు. ఆరోగ్యానికి సంబంధించి సందేహాలుంటే వెంటనే వైద్యులను సంప్రదించండి.)