Beauty Juices : చర్మాన్ని కాంతివంతంగా మార్చేందుకు వెజిటేబుల్ జ్యూస్‌లు.. ఇక మెరిసిపోతారు
Vegetables Juices For Skin : మీ చర్మాన్ని మెరిసేలా చేసేందుకు కూరగాయల రసాలు ఎంతగానో ఉపయోగపడతాయి. ఈ వెజిటేబుల్ జ్యూస్‌లు తీసుకుంటే మీ చర్మ ఆరోగ్యం బాగుంటుంది.
ఆరోగ్య సంరక్షణ ఎంత ముఖ్యమో సౌందర్య సంరక్షణ కూడా అంతే ముఖ్యం. అయితే మెరిసే, అందమైన చర్మాన్ని పొందాలంటే మనం ఆహారం పట్ల కూడా కొంత శ్రద్ధ వహించాలి. ఇందుకు జ్యూస్‌లు చర్మానికి సహాయపడతాయి. మీ శరీరంలోని అనేక సమస్యలను జ్యూస్ ద్వారా పరిష్కరించవచ్చు. శరీరంలో పోషకాలలో లోపం ఉన్నప్పుడు, అది తరచుగా చర్మంలో ప్రతిబింబిస్తుంది.
అందమైన, మెరిసే చర్మాన్ని పొందడానికి సౌందర్య ఉత్పత్తుల మీదే ఆధారపడకూడదు. కొన్నిసార్లు ఆహారం విషయంలో కాస్త జాగ్రత్తగా ఉండాలి. విటమిన్లు, ఖనిజాల లోపం తరచుగా చర్మ సమస్యలను కలిగిస్తుంది. కానీ చాలా మందికి ఎలాంటి జ్యూస్‌లు తాగాలో తెలియదు. ఎలాంటి జ్యూస్‌లు తాగితే మీ చర్మం మెరిసిపోతుందో చూడండి..
క్యారెట్ జ్యూస్
క్యారెట్‌లో విటమిన్ ఎ పుష్కలంగా ఉంటుంది. ఇది అనేక చర్మ సమస్యలను పరిష్కరించడంలో సహాయపడుతుంది. చర్మాన్ని కాంతివంతంగా మార్చడంలో, చర్మ సమస్యలను దూరం చేయడంలో కూడా ఉపయోగపడుతుంది. ప్రతిరోజూ ఒక గ్లాసు క్యారెట్ జ్యూస్ తీసుకోవడం వల్ల ఆరోగ్యం మెరుగుపడుతుంది. ఇది చర్మం, శరీరానికి అద్భుతమైనది.
పాలకూర రసం
ఆరోగ్య సంరక్షణ విషయంలో పాలకూర చాలా సహాయపడుతుంది. ఇది ఆరోగ్యానికే కాదు చర్మ ఆరోగ్యానికి కూడా మంచిది. పాలకూరలో విటమిన్ ఎ, కె, సి, ఇ పుష్కలంగా ఉన్నాయి. ఇది చర్మంలో కొల్లాజెన్ ఉత్పత్తిని పెంచుతుంది. చర్మం అకాల వృద్ధాప్యాన్ని నివారించడానికి కూడా సహాయపడుతుంది.
బీట్‌రూట్ జ్యూస్
ఆరోగ్యానికే కాదు.. చర్మానికి కూడా బీట్‌రూట్ జ్యూస్ వల్ల కలిగే ప్రయోజనాలు తక్కువేమీ కాదు. దీన్ని రెగ్యులర్‌గా తాగే వారి చర్మం మంచి ఆరోగ్యాన్ని కలిగి ఉంటుంది. విటమిన్ సి చర్మంలో కొల్లాజెన్ ఉత్పత్తిని పెంచడంలో సహాయపడుతుంది. ఈ మార్పులే చర్మం మెరుగ్గా కనిపించేలా చేస్తాయి. ఇది శరీరంలోని టాక్సిన్స్‌ను బయటకు పంపడానికి సహాయపడుతుంది.
కీరదోసకాయ రసం
మనం దోసకాయ రసం తాగితే చర్మ సమస్యల నుంచి బయటపడవచ్చు. ఇది మీ ఆరోగ్యానికి సంబంధించిన అన్ని సమస్యలను తొలగిస్తుంది. దోసకాయ రసం చర్మాన్ని ఆరోగ్యవంతంగా మార్చడంలో సహాయపడుతుంది. చర్మ సమస్యలను పూర్తిగా తొలగిస్తుంది.
ఉసిరి జ్యూస్
ఉసిరి జ్యూస్ అందం సంరక్షణతో పాటు ఆరోగ్య సంరక్షణకు గ్రేట్ గా సహాయపడుతుంది. ఇది మీ ఆరోగ్యానికి చాలా అవసరం. చర్మం విషయంలో కూడా ఇదే పరిస్థితి. రోజూ కనీసం అరకప్పు రసం తాగడం వల్ల ఆరోగ్యం మెరుగుపడుతుంది. అంతే కాదు చర్మం కూడా మెరుస్తుంది. ఇది చర్మంలోని మలినాలను తొలగిస్తుంది. సహజ రంగును పునరుద్ధరించడంలో సహాయపడుతుంది.
