Ayurveda remedies for acne: మొటిమలు లేని చర్మం కోసం.. 10 ఆయుర్వేద సూత్రాలు..-ayurvedic remedies for young adults struggling with acne ,లైఫ్‌స్టైల్ న్యూస్
తెలుగు న్యూస్  /  లైఫ్‌స్టైల్  /  Ayurveda Remedies For Acne: మొటిమలు లేని చర్మం కోసం.. 10 ఆయుర్వేద సూత్రాలు..

Ayurveda remedies for acne: మొటిమలు లేని చర్మం కోసం.. 10 ఆయుర్వేద సూత్రాలు..

HT Telugu Desk HT Telugu
Jun 11, 2023 09:24 AM IST

Ayurveda remedies for acne: యాక్నె, మొటిమల సమస్యలకు ఆయుర్వేదం చెబుతున్న పరిష్కారాలేంటో తెలుసుకోండి. అందమైన చర్మం మీ సొంతమవుతుంది.

మొటిమల సమస్యకు ఆయుర్వేద చిట్కాలు
మొటిమల సమస్యకు ఆయుర్వేద చిట్కాలు (Shutterstock)

మొటిమల సమస్య చాలా మందిని ఇబ్బంది పెడుతుంది. కొన్ని సార్లు సమస్య ఎక్కువైతే దాని వల్ల ఆత్మవిశ్వాసం మీద కూడా ప్రభావం పడుతుంది. ఈ సమస్యకు చాలా చికిత్సలు అందుబాటులో ఉన్నాయి. కానీ, ఆయుర్వేదం ప్రకారం సహజంగా మొటిమలు తగ్గించుకునే మార్గాలు కొన్ని ఉన్నాయి. అవేంటో చూడండి.

యాక్నె తగ్గడానికి ఆయుర్వేద సూచనలు:

  1. క్లెన్సింగ్: రోజుకు రెండు సార్లు ముఖం కడుక్కోవడం అలవాటు చేసుకోవాలి. గాఢత తక్కువున్న క్లెన్సర్ వాడాలి. లేదంటే చర్మంలో సహజంగా ఉండే నూనెలను అది కోల్పోతుంది.
  2. మూడు దోషాలు తగ్గించే ఆహారం: తినే ఆహారం ద్వారా దోషాలను బ్యాలెన్స్ చేసుకోగలిగితే యాక్నె సమస్య తగ్గుతుంది. తాజా ఆహారం ఎక్కువగా తీసుకుంటూ, బయటి ప్రాసెస్ చేసిన ఆహారం తగ్గించాలి.
  • వాతం తగ్గించే ఆహారం: వేడిగా ఉండే ఆహారం తినడం, ఉడికించిన ఆహారం, సరిపోయే నీల్లు తాగడం మంచిది. మరీ చల్లగా ఉన్న ఆహారం తినకూడదు.
  • పిత్త దోషం తగ్గించే ఆహారం: శరీరాన్ని హైడ్రేటెడ్ గా ఉంచే తాజా పండ్లు, కూరగాయలు తినాలి. కారంగా, ఫ్రై చేసిన ఆహారం తినకూడదు.
  • కఫం తగ్గించే ఆహారం: తేలికగా ఉండే ఆహారం తీసుకోవాలి. నూనె ఎక్కువగా, ఎక్కువ చల్లగా ఉన్న ఆహారం జోలికి పోవద్దు.

3. మూళికలు: కొన్ని మూళికలకు రక్తాన్ని శుద్ధి చేసే లక్షణం ఉంటుంది. దానివల్ల మచ్చలేని, అందమైన చర్మం సాధ్యమవుతుంది. వేప, పసుపు, మంజిష్ట, కలబంద కు ఈ గుణాలున్నాయి.

4. త్రిఫల: త్రిఫల చూర్ణం వల్ల జీర్ణ శక్తి పెరుగుతుంది. శరీరాన్ని శుద్ధి చేస్తుంది. త్రిఫల చూర్ణాన్ని ఫేస్ ప్యాక్ లాగా కూడా వాడొచ్చు. దీన్ని వాడే ముందు డోసేజ్ కోసం ఒకసారి నిపుణుల్ని సంప్రదించండి.

5. సహజ ఫేస్ వాష్: చందనం పొడి, పసుపు లేదా వేప పొడి ముద్దను ముఖం కడుక్కోడానికి వాడొచ్చు. వీటికి యాంటీ ఇన్ఫ్లమేటరీ, యాంటీ మైక్రోబయల్ లక్షణాలుంటాయి.

6. ఒత్తిడి: ఒత్తిడి వల్ల యాక్నె రావచ్చు. యోగా, మెడిటేషన్, శ్వాస వ్యాయామాల వల్ల ఒత్తిడి తగ్గించుకోవాలి.

7. నిద్ర: రోజూ 7 నుంచి 8 గంటలు నిద్రపోవాలి. సరైన నిద్ర వల్ల చర్మం ఆరోగ్యంగా ఉంటుంది.

8. వ్యాయామం: రోజూ శారీరక వ్యాయామాలు చేయడం వల్ల రక్త ప్రసరణ మెరుగుపడుతుంది. శరీరంలో ఉన్న మలినాలు బయటకు పంపివేయబడతాయి.

9. ముఖాన్ని తాకడం: తరచూ ముఖాన్ని తడమటం, లేదా గిల్లడం చేయొద్దు. దీనివల్ల బ్యాక్టీరియా చేరి సమస్య ఇంకా ఎక్కువవుతుంది.

10. హైడ్రేషన్: కనీసం 8 నుంచి 10 గ్లాసుల నీళ్లు తాగాలి. దీనివల్ల చర్మం తేమగా, హైడ్రేటెడ్ గా ఉంటుంది.

WhatsApp channel