Male Age and Fertility: మగవారు ఏ వయసులో పిల్లల్ని కంటే మంచిది? లేటు వయసులో పిల్లల్ని కనే శక్తి వారికి ఉంటుందా?-at what age are men better than children will they have the ability to bear children at a late age ,లైఫ్‌స్టైల్ న్యూస్
తెలుగు న్యూస్  /  లైఫ్‌స్టైల్  /  Male Age And Fertility: మగవారు ఏ వయసులో పిల్లల్ని కంటే మంచిది? లేటు వయసులో పిల్లల్ని కనే శక్తి వారికి ఉంటుందా?

Male Age and Fertility: మగవారు ఏ వయసులో పిల్లల్ని కంటే మంచిది? లేటు వయసులో పిల్లల్ని కనే శక్తి వారికి ఉంటుందా?

Haritha Chappa HT Telugu
Jul 11, 2024 08:00 AM IST

Male Age and Fertility: మహిళలకే కాదు మగవారికి కూడా పిల్లల్ని కనేందుకు ఒక వయసు ఉంటుంది. ఎప్పుడు పడితే అప్పుడు తాము పిల్లల్ని కనగలమనే ధీమాలో ఉంటారు మగ మహారాజులు. వయసును బట్టి వారి సంతానోత్పత్తి సామర్థ్యంపై ప్రభావం పడుతుంది.

మగవారిలో సంతానోత్పత్తి సామర్థ్యం
మగవారిలో సంతానోత్పత్తి సామర్థ్యం (Image by Freepik)

పిల్లలు పుట్టడంపై ఎన్నో అపోహలు ప్రజల్లో ఉన్నాయి. భార్యా భర్తలకు పిల్లలు కలగకపోతే ఆ తప్పు భార్యదే అన్నట్టు మాట్లాడుతారు. నిజానికి ఒక జంటలకు పిల్లలు కలగకపోతే కేవలం లోపం భార్యలోనే కాదు, భర్తలో కూడా ఉండవచ్చు. ఇటీవల కాలంలో స్త్రీ పురుషులిద్దరిలోనూ పునరుత్పత్తి సమస్యలు వస్తున్నాయి. మగవారి వయసు కూడా ఆ సమస్యలను పెంచుతున్నాయి. పూర్వం నుంచి స్త్రీ వయసు, సంతానోత్పత్తి గురించే మాట్లాడుతూ వస్తున్నారు. ఆధునిక పరిశోధనల ప్రకారం భర్త వయసు, వారి సామర్థ్యంపై సంతానోత్పత్తి ప్రభావం పడుతుంది. అంటే పిల్లలు కలగకపోవడానికి కొన్ని జంటల్లో భర్త లోపం కూడా కారణం కావచ్చు.

1. మగవారిలో అంగస్తంభన

మగవారి వయస్సు పెరగడం వల్ల ఆ ప్రభావం వారి లైంగిక పనితీరుపై పడుతుంది. ఈ విషయాన్ని ఎన్నో అధ్యయనాలు నిరూపించాయి. ఇది వారి సంతానోత్పత్తిని ప్రభావితం చేస్తుంది. అంగస్తంభనతో సహా లైంగిక పనితీరు తగ్గిపోతుంది. వయస్సు పెరగడం వల్ల వారి సెక్స్ సామర్థ్యం తగ్గే అవకాశం ఉంది. 40 ఏళ్ల నుంచి 70 సంవత్సరాల మధ్య ఉన్న మగవారిలో అంగస్తంభన సమస్య మూడు రెట్లు ఎక్కువగా ఉంటుంది.

2. హార్మోన్లలో మార్పులు

స్పెర్మాటోజెనిసిస్… అంటే స్పెర్మాటోజోవా ఉత్పత్తి చేసే ప్రక్రియ. హార్మోన్లలో మార్పుల వల్ల ఈ ప్రక్రియ సంక్లిష్టంగా మారుతుంది. అయితే, పురుషులు వయస్సు పెరిగే కొద్దీ, హార్మోన్ల మార్పులు ఈ ప్రక్రియను ప్రతికూలంగా ప్రభావితం చేస్తాయి. స్పెర్మాటోజెనిసిస్ ప్రక్రియకు చాలా ముఖ్యమైన సెర్టోలి కణాల సంఖ్య వయస్సుతో తగ్గుతుంది. ఇది స్పెర్మాటోజోవా ఉత్పత్తి తగ్గడానికి దారితీస్తుంది. స్పెర్మ్ నాణ్యత తగ్గడం వల్ల గర్భం ధరించడం కష్టంగా మారుతుంది.

3. వీర్యం నాణ్యం

వయసు పెరగడం వల్ల వీర్యం నాణ్యతపై ప్రభావం చూపుతుంది. మగవారి వయస్సు పెరగడం వల్ల స్పెర్మ్ సాంద్రత తగ్గిపోతుంది. వీర్య కణాల చలనశీలత కూడా తగ్గిపోతుంది. వీర్యంలో ఈ మార్పులు సహజ గర్భధారణకు సవాళ్లను కలిగిస్తాయి. అయినప్పటికీ, టెస్టోస్టెరాన్ స్థాయిలు తగ్గడం వల్ల లైంగిక శక్తి కూడా తగ్గుతుంది. తక్కువ లిబిడో కలగడం, అంగస్తంభన, స్ఖలనం సాధించడంలో ఇబ్బంది వంటివన్నీ సంతానోత్పత్తిని ప్రభావితం చేస్తాయి.

4. డిఎన్ఎ విచ్ఛిన్నం

వృద్ధాప్యం పెరిగిన తరువాత ఆక్సీకరణ ఒత్తిడి కలుగుతుంది. ఇది స్పెర్మ్ కణాలలో డిఎన్ఎ దెబ్బతినడానికి దారితీస్తుంది. వయస్సు పెరుగుతున్న కొద్దీ వీర్యంలో డిఎన్ఎ విచ్ఛిన్నం రేటు ఎక్కువగా ఉందని అధ్యయనాలు సూచిస్తున్నాయి. ఇది స్పెర్మ్ జన్యు సమగ్రతను ప్రభావితం చేస్తుంది. ఇది పిండం అభివృద్ధి, గర్భధారణ ఫలితాలను ప్రభావితం చేస్తుంది.

5. వృషణ పరిమాణం

వృషణ పరిమాణం వయస్సుతో క్రమంగా తగ్గుతుంది. ముఖ్యంగా 60 ఏళ్లు దాటాక ఈ క్షీణత అధిక స్థాయిలో ఉంటుంది. ఇది సంతానోత్పత్తి సామర్థ్యాన్ని మరింత దెబ్బతీస్తుంది.

6. వైద్య పరిస్థితులు, పర్యావరణ కారకాలు

పురుషుల వయస్సు పెరిగే కొద్దీ, వైద్య పరిస్థితులను అభివృద్ధి చేసే ప్రమాదం పెరుగుతుంది. పర్యావరణ విషానికి గురికావడం కూడా పెరుగుతుంది. యాంటీహైపర్టెన్సివ్స్, యాంటీఆండ్రోజెన్లు వంటి మందులు అవసరమయ్యే వైద్య పరిస్థితులు స్పెర్మ్ నాణ్యత, సంతానోత్పత్తిని ప్రతికూలంగా ప్రభావితం చేస్తాయి. పిల్లలు పుట్టక ఇబ్బంది పడుతున్న పురుషులు పరీక్షలు చేయించుకోవడం చాలా ముఖ్యం.

7. టెస్టోస్టెరాన్ స్థాయిలు

టెస్టోస్టెరాన్ స్థాయిలు వయస్సుతో పాటూ తగ్గుతాయి. దీనిని ఆండ్రోపాజ్ అంటారు. ఈ క్షీణత తక్కువ లిబిడోకు, అంగస్తంభనకు, స్ఖలన సమస్యలకు కారణమవుతుంది. వృద్ధాప్యంలో స్పెర్మాటోజెనిసిస్ కొనసాగుతున్నప్పటికీ, హార్మోన్ల మార్పులు సంతానోత్పత్తి ఫలితాలను ప్రభావితం చేస్తాయి.

8. గర్భస్రావాలు

పురుషుల అధిక వయసు వల్ల మొదటి త్రైమాసికంలోనే ఆకస్మికంగా గర్భస్రావాలయ్యే అవకాశం ఉంది. ఆకస్మిక గర్భస్రావం ప్రమాదం 35 సంవత్సరాలు, అంతకంటే ఎక్కువ వయస్సు ఉన్న తండ్రుల్లో పెరుగుతుంది. గర్భస్రావం కాగానే అది తల్లి తప్పుగానే చూస్తారు. కానీ 35 ఏళ్ల వయసు దాటాక పిల్లల్ని కనే మగవారి వల్ల కూడా అబార్షన్ అయ్యే అవకాశం ఉంది. అందుకే మగవారు 30 ఏళ్లలోపే పిల్లల్ని కనేందుకు ప్రయత్నించాలి. ఆ వయసులోనే స్మెర్ప్ నాణ్యత, సంఖ్య చక్కగా ఉంటుంది. ఆ వయసులో ఆరోగ్యకరమైన పిల్లలను పుట్టించే అవకాశం మగవారిలో ఉంటుంది.

WhatsApp channel

టాపిక్