చల్లగా, తియ్యగా ఏదైనా తాగాలని ఉందా, గోండ్ కటీరా షర్బత్ అయితే బెస్ట్! రెసిపీ ఇక్కడుంది ఎంజాయ్ చేసేయండి
వేడి పెరుగుతున్న కొద్ది చల్లటి పానీయాలు తాగాలనే కోరిక కూడా పెరుగుతుందా అయితే గోండ్ కటీరా షర్బత్ ట్రై చేయండి. తియ్యగా, చల్లగా ఉండే ఈ షర్బత్ ఆరోగ్యానికి చాలా మేలు చేస్తుంది. పిల్లల నుంచి పెద్దల వరకూ అందరికీ నచ్చుతుంది. దీన్ని తయారు చేయడం కూడా చాలా సులువు.
వేసవి కాలంలో అధిక ఉష్ణోగ్రతల వల్ల శరీరం వేడెక్కిపోతుంది. దీనివల్ల నీరసం, అలసట, చర్మ సమస్యలు, జీర్ణ సమస్యలు మొదలయినవి తరచూ కలుగుతుంటాయి. అటువంటి సమయాల్లో శరీరాన్ని సహజంగా చల్లగా ఉంచే పదార్థాలు తీసుకోవడం చాలా అవసరం. అలాంటి వాటిలో ఒకటి గోండ్ కటీరా షర్బత్ .
శరీరాన్ని సహజంగా చల్లగా ఉంచే శక్తివంతమైన ఔషధ పదార్థాలలో ఒకటి గోండ్ కటీరా. దీంతో తయారు చేసిన షర్బత్ వేసవిలో మీ ఆరోగ్యాన్ని కాపాడడంలో చాలా బాగా సహాయపడుతుంది. తియ్యగా తీపిగా, చల్లగా, అద్భుతమైన రుచి కలిగిన షర్బత్‌ను పిల్లల నుంచి పెద్ద వరకూ ప్రతి ఒక్కరూ ఇష్టంగా తింటారు. గోండ్ కటీరా షర్బత్‌ను ఇంట్లోనే ఈజీగా ఎలా తయారు చేసుకోవచ్చో ఇక్కడ చూడండి.
గోండ్ కటీరా షర్బత్ కావలసిన పదార్థాలు:
- గోండ్ కటీరా-1 టీస్పూన్
- చల్లటి నీరు లేదా పాలూ-1 గ్లాస్
- రుచి కోసం రోజ్ సిరప్ / రుహ్ ఆఫ్జా-2 టీస్పూన్లు
- తేనె లేదా పంచదార-1 టీస్పూన్ (ఐచ్ఛికం)
- ఐస్ ముక్కలు-కొద్దిగా (ఐచ్ఛికం)
గోండ్ కటీరా షర్బత్ తయారీ విధానం:
- గోండ్ కటీరా షర్బత్ తయారు చేయడానికి ముందుగా గోండ్ కటీరాను తీసుకుని ఒక గ్లాస్ నీటిలో వేసి 6 నుంచి 8 గంటల పాటు నానబెట్టండి. మీరు ఉదయాన్నే తాగాలనుకుంటే రాత్రింతా నానబెట్టుకోండి. మధ్యాహ్నం ఎండ సమయంలో తాగాలనుకుంటే ఉదయాన్నే నానబెట్టుకోండి.
- ఆరు గంటల పాటు నానిన తర్వాత గోండ్ కటీరా జెల్లీలా మారుతుంది.
- ఇప్పుడు ఒక గ్లాస్ తీసుకుని అందులో నానబెట్టిన గోండ్ కటీరా జెల్లీ వేసుకోండి.
- అందులో 1 గ్లాస్ చల్లటి నీరు లేదా పాలను పోసుకోండి. ఏదైనా రుచి అద్భుతంగా ఉంటుంది.
- తరువాత దీంట్లోనే రెండు స్పూన్లు రోజ్ సిరప్ లేదా రుహ్ ఆఫ్జా వేసి బాగా కలపండి.
- ఇప్పుడు దీంట్లోనే తేనె లేదా పంచదార వేయండి ( ఇది తప్పనిసరి కాదు మీకు డ్రింక్ మరింత రుచిగా, తియ్యగా కావాలనుకుంటేనే వేసుకోండి).
- చివరగా ఐస్ ముక్కలు వేస్తే షర్బత్ మరింత చల్లగా ఉంటుంది.
- అంతే అన్నీ వేసి బాగా కలిపారంటే చల్లటి, తియ్యటి గోండ్ కటీరా షర్బత్ రెడీ అయినట్టే. సర్వ్ చేసుకుని తాగేయడమే.
గోండ్ కటీరాతో ఆరోగ్యానికి కలిగే ప్రయోజనాలు
1. శరీరాన్ని చల్లగా ఉంచుతుంది
వేసవిలో మన శరీరం వేడెక్కిపోతుంది. గోండ్ కటీరా తీసుకుంటే శరీరం లోపల నుంచి చల్లగా మారుతుంది. ఇది ఒక సహజ శీతలీకరణ లక్షణాలు కలిగిన ఆహార పదార్థం.
2. డీహైడ్రేషన్ సమస్యను తగ్గిస్తుంది
వేసవిలో చెమట కారణంగా శరీరంలో ఎక్కువ నీటి నష్టం జరుగుతుంది. గోండ్ కటీరా నీటిని శరీరానికి కావాలసినంత నీటిని అందిస్తుంది. డీహైడ్రేషన్ నుంచి కాపాడుతుంది.
3. వేడి వల్ల వచ్చే సమస్యలకు ఉపశమనం
వేసవిలో కొంతమందికి ముక్కు నుంచి రక్తం రావడం, చర్మం పై వేడి పొక్కులు (heat boils), లేదా మూత్ర సంబంధిత ఇబ్బందులు వస్తాయి. గోండ్ కటీరా వీటన్నిటినీ తగ్గించే శక్తి కలిగి ఉంటుంది.
4. శక్తిని పెంచుతుంది
గోండ్ కటీరా శరీరానికి బలాన్ని ఇస్తుంది. వేసవిలో అలసటగా అనిపించినప్పుడు గోండ్ కటీరా షర్బత్ లేదా స్మూతీ తీసుకుంటే తక్షణ శక్తి అందుతుంది.
5. చర్మాన్ని ఆరోగ్యంగా ఉంచుతుంది
జుట్టు, చర్మం ఆరోగ్యంగా ఉండాలంటే శరీరానికి తేమ అవసరం. గోండ్ కటీరా తినడం వల్ల చర్మం, జుట్టు పొడిబారకుండా తేమగా, మృదువుగా ఉంటుంది.
6. జీర్ణశక్తిని మెరుగుపరుస్తుంది
గోండ్ కటీరా జీర్ణ వ్యవస్థకు సహాయపడుతుంది. అయితే అధికంగా తీసుకుంటే కాస్త bloating (వాయువు) కలిగించొచ్చు, దేన్నైనా మోతాదులో మాత్రమే తీసుకోవాలి.
సంబంధిత కథనం