Group Activities for Mental Health:లోన్లీగా ఫీలవుతున్నారా? మానసిక ఆరోగ్యం మెరుగవడానికి ఈ గ్రూప్ యాక్టివిటీస్ ట్రై చేయండి

ఆందోళన, విచారం లాంటి మానసిక ఆరోగ్య సమస్యలను ఎదుర్కోవడం చాలా ఛాలెంజింగ్ గా ఉంటుంది. మీరు ఒంటరివాళ్లు కాదనే ఫీలింగ్ తెచ్చుకోవడానికి చాలా ఇబ్బందిపడాల్సి వస్తుంది. ఇలా చేయడం కోసం మీరు ప్రతిసారి ఒంటరిగా ప్రయత్నం చేయాల్సిన అవసరం లేదు. ఒక గ్రూపుగా ఉండి చేసే యాక్టివిటీలు కూడా మీకు ప్రయోజనకరంగా ఉంటాయట. ఒకే విధమైన సమస్యను ఎదుర్కొంటున్న వారితో కలిసి గడపడం వల్ల ఫీలింగ్‌ను కొంతవరకూ మార్చుకోవచ్చట.

అది వ్యాయామమైనా, డ్యాన్సింగ్ అయినా మీకు కాస్త ఊరటనిస్తుందట. ఇది మిమ్మల్ని ఒంటరితనం నుంచి దూరం చేయడమే కాదు. ఇటువంటి గ్రూపులో జాయిన్ అవడం వల్ల మనలో కూడా కాస్త బాధ్యత పెరుగుతుంది. మిమ్మల్ని మానసిక సమస్యల నుంచి బయటపడేసే మెంటల్ హెల్త్ యాక్టివిటీస్‌లో కొన్నింటి గురించి తెలుసుకుందామా!

మానసిక ఆరోగ్యాన్ని గ్రూప్ యాక్టివిటీస్ నిజంగానే మెరుగుపరుస్తాయా?

సమాజంలో తిరగడం, గ్రూపు యాక్టివిటీస్లో పాల్గొనడం మీ మానసిక ఆరోగ్యంపై నిజంగానే మంచి మార్పును చూపిస్తుంది. సామాజిక అవగాహనతో పాటు ఒంటరిగా ఉండిపోయామనే భావన నుంచి దూరం చేస్తుంది. భావోద్వేగాలతో పాటు మానసిక భద్రతను కలుగజేస్తుందట. ఒకరికొకరు తమ ఫీలింగ్స్‌ను షేర్ చేసుకుని, ఊరట కలిగించుకుంటారు. కొత్త నైపుణ్యాలను నేర్చుకుని కొత్త అవకాశాల దిశగా ప్రయాణిస్తారు. ఈ విధంగా సహాయపడే 6 గ్రూప్ యాక్టివిటీస్ ఏంటో చూద్దాం.

1.కళలు, మొక్కలు పెంచడం

ఎంటర్‌టైన్మెంట్ ఈవెంట్స్, లలిత కళలు, సామాజికంగా మెలగడం వంటివి గ్రూప్ థెరపీగా భావించొచ్చు. ప్రస్తుతం చాలా మంది ఫాలో అవుతున్న టెక్నిక్ ఇది. థెరప్యూటిక్ హార్టికల్చర్ లాంటి కొత్త టెక్నిక్స్ అంటే మొక్కలు నాటడం, వాటికి నీరు పట్టడం వంటివి మీలో ఒత్తిడిని తగ్గించి మూడ్ ను ఇంప్రూవ్ చేస్తుంది.

2. గ్రూప్ మీటింగ్స్ అటెండ్ అవుతుండటం

ఒకే విధమైన మానసిక సమస్యలతో బాధపడుతున్న వారితో కలిసి గ్రూప్ మీటింగ్స్ లో పాల్గొనడం చాలా బెస్ట్ ప్రాక్టీస్. ఈ సందర్భలో ప్రతి ఒక్కరూ సేఫ్ ఎన్విరాన్మెంట్ లో ఉన్నామని ఫీలై వారి సమస్యను లేదా పరిస్థితిని వివరిస్తార. అక్కడే వారికి ఎమోషనల్ సపోర్ట్ తో పాటు ఆందోళన తొలగిపోతుంది. ఈ విధమైన సెషన్స్ ద్వారా దీర్ఘకాలంగా బాధపడుతున్న రుగ్మతల నుంచి దూరంగా ఉండవచ్చు. ఇవి 8 నుంచి 12 మంది ఉండే టీంలు కావొచ్చు.

3. క్రీడలు లేదా వ్యాయామం చేయడం

గ్రూప్ మెంటల్ హెల్త్ యాక్టివిటీస్ గురించి మాట్లాడటం అంటే అందులో వ్యాయామాలు కూడా చేర్చుకోవచ్చు. ఇవి మీ ఫిజికల్ ఫిట్‌నెస్ మెరుగుపరచడమే కాకుండా, మీ మూడ్ మారుస్తుంది. ఫీల్ గుడ్ హార్మోన్స్ రిలీజ్ చేస్తుంది. 10 నుంచి 15 మంది వరకూ పాల్గొనే ఈ యాక్టివిటీస్ తో సోషల్ సపోర్ట్, డిప్రెషన్ తగ్గించుకోవడం, ఒంటరితనం పోగొట్టుకోవడం వంటి ప్రయోజనాలు పొందొచ్చు. ఇంకా వీటి సాయంతో సమాజంలో పరిచయాలు కూడా పెరుగుతాయి.

4. డ్యాన్సింగ్

గ్రూప్ మెంటల్ హెల్త్ యాక్టివిటీ గురించి చెప్పాలంటే డ్యాన్సింగ్ కూడా వస్తుంది. మిమ్మల్ని ప్రశాంతంగా, సంతోషంగా ఉంచుతుంద. జుంబా డ్యాన్స్ లేదా ఫ్రీస్టైల్ మూమెంట్ డ్యాన్స్ మీ మూడ్ ను పెంచి గ్రూప్ బాండింగ్ మెరుగయ్యేలా చేస్తుంది. మీలో ఉన్న డోపమైన్, సెరెటోనిన్ పెంచుతుంది. అదే విధంగా మీలో మూడ్ మార్చి ఆందోళన కలిగించే లక్షణాలను దూరం చేస్తుంది. ఇతరులతో కలిసి డ్యాన్స్ చేయడ వల్ల సామాజిక బంధాలు బలపడి, ఒంటరిగా ఉన్నామనే భావనకు దూరం అవుతారు.

5. యోగా, ధ్యానం

గ్రూపుగా చేసే ప్రక్రియ అయిన వ్యక్తిగతంగా ప్రశాంతతను చేకూర్చడంలో యోగా, ధ్యానం ప్రభావవంతంగా పనిచేస్తాయి. యోగా చేయడం వల్ల కార్టిసాల్ స్థాయిలు తగ్గి స్ట్రెస్ ఫీలింగ్ దూరమవుతుంది. దీర్ఘంగా శ్వాస తీసుకోవడం మీ నాడీ వ్యవస్థను శాంతపరుస్తుంది. ఒక గ్రూపులో ఉండి యోగా చేయడం వల్ల ఒక కమ్యూనిటీలో ఉన్నామనే ఫీలింగ్ కలిగిస్తుంది. ఫలితంగా ఒంటరితనం పోగడుతుంది. నవ్వే యోగా చేయడం వల్ల సామాజిక బంధాలు బలపడటమే కాకుండా ఒత్తిడి తగ్గిపోతుంది. అదే ధ్యానం విషయానికొస్తే మోటివేషన్ పెరుగుతుంది. పైగా ఇది రోజూ చేయడం చాలా సులువైన ప్రక్రియ కూడా.

6. గ్రూప్ వాకింగ్:

ఒక గ్రూపుగా అందరితో కలిసి నడవడం అనేది సంతోషంగా ఉంచే అంశం. మనం చేయగలిగే గ్రూప్ మెంటల్ యాక్టివిటీస్ లో ఇదే సులువైన ప్రక్రియ. దీనికి మీరు చేయాల్సిందల్లా గ్రూపును వెతుక్కోవడమే. అది పార్క్ అయినా కావొచ్చు. మీ వీధిలో అయినా కావొచ్చు. ప్రకృతిలో ఇతరులతో కలిసి నడవడం వల్ల మీలో సామాజిక బంధాలు బలపడేందుకు దోహదపడుతుంది.

గ్రూప్ యాక్టివిటీస్‌లో తీసుకోవాల్సిన జాగ్రత్తలు

• ఒక గ్రూపుగా ఏర్పడినప్పుడు ఒకే విధమైన విషయానికి అందరూ ఒకేలా రియాక్ట్ అవరు. ఎమోషనల్ గా కొందరు కుంగిపోతే, మరికొందరు ఆవేశపడి ఏదైనా నిర్ణయం తీసుకోవచ్చు.
• కొందరిలో సమాజంలో కలిసే సరికి అత్యుత్సాహం కలుగుతుంది. సంబంధం లేకుండా ప్రవర్తించి అభాసుపాలు అవుతుంటారు.
• మీరు ఎంచుకునే గ్రూపు వ్యక్తులు నమ్మకస్తులై ఉండాలి.
• పారదర్శకతతో పాటు ఒత్తిడి కలిగించే వారు, తప్పులను ఎత్తి చూపేవారు లేని గ్రూపు బెటర్.
• మానసికంగా సరైన ప్రవర్తన లేని వ్యక్తులతో కలవడం వల్ల లేనిపోని సమస్యలకు గురి కావాల్సి వస్తుంది.