పరుపులకు అలవాటు పడి తప్పు చేస్తున్నామా? ఈ లాభాలన్నింటినీ మిస్ అవుతున్నామా?

మెత్తటి పరుపుల్లో పడుకోవడం ఇప్పుడు చాలా మందికి అలవాటు అయిపోయింది. పరుపు లేనిదే నిద్ర పట్టదు అనే వారు కూడా ఇప్పుుడ చాలా మంది ఉన్నాయి. నిజానికి పరుపులో పడుకోవడం సుఖంగా, సౌకర్యవంతంగా అనిపిస్తుంది. కానీ ఈ సుఖం, హాయి మీ ఆరోగ్యానికి ఎంత హాని చేస్తున్నాయో మీకు తెలుసా? పరుపు మీద పడుకుంటేనే నిద్ర పట్టే అలవాటు కారణంగా మీరు ఏమేం కోల్పోతున్నారో మీకు ఎవరైనా చెప్పారా? ఇప్పటి వరకూ లేకపోతే ఇప్పుడు ఈ విషయాలను తప్పకుండా తెలుసుకోండి. నేల మీద పడుకోవడం వల్ల కలిగే లాభాలేంటో తెలుసుకుని మీ ఆరగ్యాన్ని జాగ్రత్తగా కాపాడుకోండి.

వాస్తవానికి నేలమీద నిద్రించడం చాలా మంచిదని పెద్దలు ఎప్పుడూ చెబుతూ ఉంటారు. పూర్వకాలంలో ఎక్కువ మంది నేల మీదనే నిద్రించేవారు. ఈ అలవాటు ఉన్నవారు ఇప్పటికీ మెత్తటి పరుపుల మీద నిద్రించడానికి ఇష్టపడరు. ముఖ్యంగా వేసవిలో పరుపు చాలా వేడిగా ఉంటుంది. ఇలాంటప్పుడు చల్లని నేలమీద నిద్రించడం చాలా అవసరం. నేల మీద పడుకోవడం అలవాటు చేసుకోవడం ఎంత ఆరోగ్యకరమో దీని వల్ల కలిగే ప్రయోజనాలేంటో తెలుసుకోవచ్చు.

నేల మీద పడుకోవడం వల్ల కలిగే లాభాలేంటి?

1. వెన్నుముక నిటారుగా ఉంటుంది:

నేల మీద నిద్రించడం అలవాటు చేసుకోవడం వల్ల వెన్నుముక సరిగ్గా ఉంటుంది. మెత్తని పరుపుల మీద నిద్రించినప్పుడు వెన్నుముక వంగిపోయే అవకాశం ఉంది. దీనివల్ల కాలక్రమేణా పోస్చర్ దెబ్బతింటుంది. కొందరిలో కడుపు నొప్పి వచ్చే ప్రమాదం ఉంది. నేలమీద నిద్రించడం వల్ల వెన్నెముక సరిగ్గా ఉండి, పోస్చర్ మెరుగుపడుతుంది.

2. రక్త ప్రసరణ మెరుగుపడుతుంది:

నేలమీద నిద్రించడం వల్ల రక్త ప్రసరణ మెరుగుపడుతుంది. నేల సమతలంగా ఉంటుంది కాబట్టి, శరీర బరువు సమానంగా పంపిణీ అవుతుంది. వివిధ భాగాలపై ఒత్తిడి తగ్గుతుంది. దీనివల్ల శరీరంలోని ప్రతి భాగానికి రక్తం సరిగ్గా చేరుతుంది, మొత్తం రక్త ప్రసరణ మెరుగుపడుతుంది. కాబట్టి, మీరు ఉదయం నిద్రలేచినప్పుడు చాలా చురుకుగా ఉంటారు.

3. దీర్ఘకాలిక నడుము నొప్పికి ఉపశమనం:

దీర్ఘకాలిక కడుపు నొప్పి ఉన్నవారు నేలమీద నిద్రించడం మంచిది. నేలమీద నిద్రించడం వల్ల వెన్నుకు బలమైన మద్దతు లభిస్తుంది. ఈ మద్దతు వల్ల వెన్నుముక వంగకుండా ఉండి, కడుపు నొప్పి నుండి ఉపశమనం లభిస్తుంది.

4. నిద్ర నాణ్యత పెరుగుపడుతుంది

నేలమీద నిద్రించడం వల్ల నిద్ర నాణ్యత మెరుగుపడుతుంది. నేలమీద నిద్రించినప్పుడు శరీర కదలికలను బాగా గ్రహించగలుగుతుంది. ఇది మిమ్మల్ని గ్రౌండెడ్‌గా ఉంచుతుంది, ప్రశాంతమైన నిద్రకు సహాయపడుతుంది. పరుపుల కంటే నేల మీద నిద్రించడం చల్లగా ఉంటుంది. ఎక్కువ నిద్ర వస్తుంది.

5. కండరాలు సడలవుతాయి:

నేలమీద నిద్రించడం వల్ల కండరాల బిగువు తగ్గుతుంది. అదే పరుపు మీద నిద్రించినప్పుడు శరీర అమరిక తగ్గుతుంది. నేలమీద నిద్రించడం వల్ల కండరాలు సాగుతాయి, సడలింపు ప్రక్రియ జరుగుతుంది. ముఖ్యంగా కటి, తొడలు లేదా కాళ్ళలో బిగువు ఉన్నవారికి నేలమీద నిద్రించడం చాలా మంచిది.