Ants and Cancer : చీమే కదా అని నలిపేయకండి.. క్యాన్సర్‌ను గుర్తిస్తాయ్

వైద్యరంగంలో రోజురోజుకూ కొన్ని మార్పులు వస్తూ ఉంటాయి. కొన్ని షాకింగ్ గా అనిపిస్తుంది. జంతువులు కూడా మన ఆరోగ్య పరిస్థితిని గుర్తిస్తాయి. ఆ లిస్టులో చీమలు కూడా ఉన్నాయి. చీమలు క్యాన్సర్‌(Cancer)ను గుర్తించే సామర్థ్యాన్ని కలిగి ఉన్నాయని కనుగొన్నారు.

భారతదేశంలో 2.25 మిలియన్లకు పైగా క్యాన్సర్ రోగులు(Cancer Patients) ఉన్నారు. ఈ రోజుల్లో రొమ్ము, ఊపిరితిత్తుల క్యాన్సర్ ఎక్కువగా గుర్తించబడుతున్నాయి. క్యాన్సర్ నివారించబడదు. కానీ కొన్ని ఆరోగ్యకరమైన జీవనశైలి(Lifestyle) అలవాట్లను అనుసరించడం వల్ల క్యాన్సర్ ప్రమాదాన్ని తగ్గించవచ్చు. క్యాన్సర్ లక్షణాలు కనిపిస్తే వెంటనే వైద్యులను సంప్రదించాలి. కానీ ఒక పరీక్ష మాత్రమే క్యాన్సర్ ఉనికిని నిర్ధారించదు. బయాప్సీ, సీటీ స్కాన్, బోన్ స్కాన్, ఎంఆర్‌ఐ స్కాన్, ప్రోటాన్ ఎమిషన్ టోమోగ్రఫీ స్కాన్ (పీఈటీ), అల్ట్రాసౌండ్, ఎక్స్‌రే ద్వారా క్యాన్సర్‌ను గుర్తించవచ్చు.

చీమలు క్యాన్సర్‌ని గుర్తించగలవా?

ఇటీవలి అధ్యయనం ప్రకారం, మూత్రం ద్వారా క్యాన్సర్‌ను గుర్తించేందుకు చీమలకు ప్రత్యేకంగా శిక్షణ ఇచ్చారు. ఆశ్చర్యంగా ఉన్నా ఇది నిజం. మూత్రం వాసన సహాయంతో క్యాన్సర్‌(Cancer)ను గుర్తించే శక్తి చీమలకు ఉంది. జంతువులకు వాటి ఇంద్రియాలలో అపూర్వమైన శక్తులు ఉన్నాయి. వాసన ద్వారా అన్నీ తెలుసుకునే శక్తి వాటికి ఉంది. ఉదాహరణకు ఆహారాన్ని కనుగొనడం, మాంసాహారం, సహచరులను గుర్తించే సామర్థ్యాన్ని కలిగి ఉంటాయి.

చీమలు క్యాన్సర్(Ants Cancer) కణాలను గుర్తిస్తాయి. చీమల యాంటెన్నాలో అసాధారణమైన వాసన గ్రాహకాలు ఉంటాయి. వివిధ రకాల వాసనలను గుర్తిస్తాయి. చీమలు ఒక వస్తువులోని వివిధ రకాల వాసనలను గుర్తించగల సామర్థ్యాన్ని కలిగి ఉంటాయి. చీమలకు మంచి జ్ఞాపకశక్తి(Memory) ఉందని అధ్యయనాలు రుజువు చేశాయి. చీమలు కేవలం ఒక శిక్షణ తర్వాత దీర్ఘకాలిక జ్ఞాపకాలను కలిగి ఉంటాయి. ఇటీవల అధ్యయనంలో 9 టెస్టుల తర్వాత కూడా సరైన సమాధానాలు చెప్పాయి.

చీమలు కేవలం మూడు శిక్షణా సెషన్ల తర్వాత క్యాన్సర్ కణాలను(Cancer Cells) గుర్తించాయి. అందువల్ల, చీమలు క్యాన్సర్ గుర్తింపు కోసం చౌకైన, ఉపయోగకరమైన సాధనంగా మారాయి. పరిశోధకుల అభిప్రాయం ప్రకారం, చీమలు క్యాన్సర్ గుర్తింపు కోసం భవిష్యత్ సాధనంగా మారుతాయి. చీమలు మంచి జ్ఞాపకశక్తిని కలిగి ఉంటాయి. వేగంగా నేర్చుకుంటాయి. చాలా త్వరగా స్పందిస్తాయి.

జంతువులను ఉపయోగించి క్యాన్సర్‌ను ముందుగానే గుర్తించవచ్చు. ఉదాహరణకు, కణ నమూనాలు లేదా శరీర వాసన ద్వారా క్యాన్సర్‌తో ముడిపడి ఉన్న అస్థిర కర్బన సమ్మేళనాలను (VOCలు) గుర్తించడానికి కుక్కకు శిక్షణ ఇవ్వవచ్చు. చీమలు క్యాన్సర్‌ని గుర్తించగలవని పరిశోధనలు నిర్ధారించాయి. కుక్కలను ఉపయోగించి.. క్యాన్సర్ కణాలను గుర్తించినట్టుగానే.. చీమలతోనూ ప్రయోగం చేశారు. బయో డిటెక్టర్లను గుర్తించడంలో కుక్కలతో చీమలు సమానమైన ప్రతిభతో ఉన్నాయి. మరో ఇంట్రస్టింగ్ విషయం ఏంటంటే.. శునకాలకు 6 నుంచి 12 నెలల పాటు శిక్షణ ఇవ్వాలి. కానీ చీమలకు 30 నిమిషాల్లో ట్రైనింగ్ పూర్తి చేయొచ్చట.