Angerness Control: మీ లోపలి అర్జున్ రెడ్డిని అదుపు చేయాలా? కోపాన్ని కంట్రోల్ చేసుకోవాలంటే ఈ చిట్కాలను అనుసరించండి.

కోపంగా ఉండటం, కోపాన్ని వ్యక్తపరచడం ఇవి రెండూ వేర్వేరు విషయాలు. ఒక వ్యక్తికి కోపం వచ్చినా, అతను నియంత్రిస్తే అనేక సమస్యలను నివారించవచ్చు. కానీ కోపం రావడం అంటే, మీ కోపాన్ని మీరు నియంత్రించుకోలేకపోతున్నారని అర్థం. అందువల్ల, మీ కోపాన్ని ఎలా నియంత్రించుకోవాలో తెలుసుకోవడం చాలా ముఖ్యం. తద్వారా మీరు తరువాత ఎటువంటి ఇబ్బందులు ఎదుర్కోకుండా, నష్టాన్ని నివారించవచ్చు. కోపాన్ని నియంత్రించడానికి శాస్త్రీయంగా అనేక మార్గాలు ఉన్నాయి. కచ్చితంగా ఈ పద్దతి పాటించి కోపాన్ని నియంత్రించవచ్చు.

కోపంతో మాట్లాడే ముందు ఆలోచించండి

మీకు కోపం వచ్చినప్పుడల్లా మాట్లాడే ముందు ఆలోచించండి అని కూడా శాస్త్రం చెబుతోంది. కోపంతో మాట్లాడే మాటలు తరువాత ఇబ్బంది కలిగిస్తాయి. కాబట్టి కోపం వస్తే మౌనంగా ఉండి ఆలోచించండి. కోపం తగ్గని పక్షంలో మాట్లాడకపోవడమే మంచిది. ఒకవేళ ఆ పరిస్థితిని మీరు హ్యాండిల్ చేయగలను అని అనుకున్నప్పుడు నేను అనే సంభోధిస్తూ మాత్రమే మాట్లాడండి.

ఫిజికల్ యాక్టివిటీ:

కోపాన్ని కంట్రోల్ చేసుకోవాలంటే ఫిజికల్ యాక్టివిటీ చేయాలి. ఉదాహరణకు, నడక లేదా పరిగెత్తడం ప్రారంభించండి. లేదా మీకు నచ్చిన శారీరక శ్రమ చేయండి. అది నచ్చని పక్షంలో స్పోర్ట్స్ ఆడేందుకు ఎక్కువ సమయం కేటాయించండి.

విరామం తీసుకోండి:

పని చేసేటప్పుడు చాలాసార్లు మెదడు అలసిపోతుంది. అటువంటి పరిస్థితిలో, ఒత్తిడితో కూడిన మనస్సులో కోపాన్ని నియంత్రించడం కష్టం. ఇలా జరగకుండా ఉండాలంటే కాస్త విరామం తీసుకుని మనసును రిఫ్రెష్ చేసుకోవాలి. తద్వారా కోపాన్ని నియంత్రించుకోవచ్చు.

క్షమించడం నేర్చుకోండి

ప్రతికూల విషయాలను దృష్టిలో ఉంచుకోవడం వల్ల కోపం పెరుగుతుంది. మీకు కోపం వచ్చిన వారిని క్షమించడం వల్ల మనసు కుదుట పడటంతో పాటు మీలో కోపం కూడా తగ్గుతుంది. మీకు కోపం వచ్చినప్పుడల్లా, ఎల్లప్పుడూ పరిష్కారంపై దృష్టి పెట్టండి. మీకు కోపం తెప్పించే విషయాలు ఏమిటి? పరిష్కారం కనుగొనడానికి ప్రయత్నించండి. తద్వారా మీ కోపం తగ్గుతుంది.

అలవాట్లు మార్చుకోండి:

ఆల్కహాల్ లేదా మాదక ద్రవ్యాలు తీసుకునే అలవాటు ఉంటే వెంటనే మానేయండి. ఇవి మనసుకు ఆటంకం కలిగించి ఆగ్రహాన్ని పెంచవచ్చు. మరింత ఆగ్రహం పెరిగేందుకు ఇవి కారణమవుతాయి. కాబట్టి ఈ దుష్ప్రభావాలు ఉండే ద్రవ్యాలకు పూర్తిగా దూరంగా ఉండండి.

అంకెలు లెక్కించడం:

ప్రాచీన పద్ధతిలో 10 వరకు లెక్కించడం అనేది అత్యంత శాంతినిచ్చే విధానం. ఇలా మనసుకు సమయం ఇవ్వడం వల్ల మీరు అప్రతీకారంగా స్పందించకుండా ఉండటానికి సహాయపడుతుంది. 10 వరకు లెక్కించిన తరువాత కూడా మీరు ఇంకా ఆగ్రహంగా ఉంటే, మరలా 10 నుంచి వెనుకకు లెక్కించండి.

ప్రశాంతత కోసం:

ధ్యానం, యోగా వంటి ప్రశాంతత సాధించే పద్ధతులను చేయండి. ఈ పద్ధతులు శ్వాసపై ఫోకస్ పెట్టేలా, శరీరంపై దృష్టిని కేంద్రీకరించేందుకు సహాయపడతాయి. మీరు ఆగ్రహం నుండి ఉపశమనం పొందడానికి బాగా అనుకూలిస్తాయి కూడా.

లక్షణాలను గుర్తించండి:

ఆగ్రహం పెరిగే ముందు, మీలో జరిగే మార్పులను గమనించండి. హృదయం వేగంగా కొట్టడం, చేతులు నొక్కుకోవడం లేదా శ్వాస తక్కువగా తీసుకోవడం వంటి సంకేతాలను గుర్తించండి. ఈ లక్షణాలను గుర్తించగలుగుతున్నారంటే వెంటనే ఆగ్రహం రాకుండా ఉండేందుకు తగిన చర్యలు తీసుకోవచ్చు.