థాయిలాండ్‌ వెళ్లేందుకు ఇప్పుడు వీసా అవసరం లేదు.. రద్దీ ఉండని 10 స్పాట్స్ మీకోసం

భారతీయులకు అత్యంత ప్రసిద్ధ హాలిడే టూర్లలో ఒకటైన థాయిలాండ్ అకస్మాత్తుగా మరింత ఆకర్షణీయమైన ఎంపికగా మారింది. నవంబర్ 10, 2023 నుండి మే 10, 2024 వరకు భారతీయులకు థాయిలాండ్‌లోకి ప్రవేశించడానికి పర్యాటక వీసా అవసరం లేదు. ఈ తాత్కాలిక వీసా మినహాయింపు పర్యాటక ప్రయోజనాల కోసం 30 రోజుల పాటు ఉంటుంది. మీ కోసం అక్కడ అంతగా రద్దీ లేని కొన్ని పర్యాటక ప్రదేశాల జాబితా అందిస్తున్నాం.

1. మే హాంగ్ సోన్

మే హాంగ్ సోన్ బ్యాంకాక్ నుండి 900 కిమీల దూరంలో థాయిలాండ్-మయన్మార్ సరిహద్దుకు సమీపంలో ఉన్న అత్యంత తక్కువ రద్దీ గల పర్యాటక ప్రదేశం. ఇది థాయ్‌లాండ్‌లోని అటవీ ప్రాంతంలో ఉంటుంది. ఎక్కువగా పొగమంచుతో కప్పబడి, చుట్టుపక్కల పర్వత శ్రేణులు ఉన్నాయి. మీరు హైకింగ్, బోటింగ్, హాట్ స్ప్రింగ్ స్నానాలతో ఎంజాయ్ చేయొచ్చు. బాన్ రాక్ థాయ్ (థాయ్‌లాండ్‌లోని అత్యంత అందమైన గ్రామం), థామ్ ప్లా నేషనల్ పార్క్, సుందరమైన పాయ్ నది, మే హాంగ్ సోన్ లూప్ (బైకర్లకు ఇష్టమైన మార్గం), పాంగ్ ఉంగ్ (క్యాంపింగ్ స్పాట్) ఫు ఫా మోక్ ఇక్కడ చూడొచ్చు.

2. ఖావో యై

థాయ్ ప్రావిన్స్ నఖోన్ రాట్చాసిమాలో ఉన్న ఖావో యై థాయ్‌లాండ్‌లోని అతిపెద్ద, అత్యంత సమృద్ధిగా ఉన్న ప్రకృతి అందాలలో ఒకటైన ఖావో యై నేషనల్ పార్క్‌కు నిలయం. ఇందులో 10,000 జాతుల జంతువులు, పక్షులు, కీటకాలు, సరీసృపాలు ఉన్నాయి. ఎత్తైన జలపాతాలు డానీ బాయిల్ చిత్రం ది బీచ్ ద్వారా ప్రాచుర్యం పొందాయి. ఖావో యాయ్‌లో ప్రిమో పియాజ్జా వంటి వివిధ సంస్కృతులు చూడొచ్చు. 

3. హువా హిన్

ఒక మత్స్యకార గ్రామం నుండి ఉద్భవించిన హువా హిన్ బ్యాంకాక్‌కు నైరుతి దిశలో 200 కిమీ దూరంలో ఉంది. వాటర్ స్పోర్ట్స్, హైకింగ్, గుర్రపు స్వారీ, గోల్ఫింగ్ లేదా పబ్‌లో చిల్లింగ్ వంటి వాటితో పాటు, మీరు ఈ చిన్న పట్టణంలో అనేక అడ్వెంచర్స్ చేయొచ్చు. ప్రసిద్ధ హాట్‌స్పాట్‌లలో హువా హిన్ బీచ్, ఎలిఫెంట్ విలేజ్, ఫర్ ఆర్ట్స్ సేక్ (ఆర్ట్ గ్యాలరీ), ఖావో హిన్ లెక్ ఫై, క్వీన్స్ పార్క్ ఉన్నాయి.

4. కో యావో నోయి

కోహ్ యావో నోయి ద్వీపంలో కో నోక్, ఖావో, ప్లేజ్ డి పసాయి, లాంగ్ బీచ్, ఉన్‌పావో పీర్ మరియు మంకీ బే వంటి అద్భుతమైన బీచ్ స్ట్రిప్స్ ఉన్నాయి. స్పీడ్ బోటింగ్, స్నార్కెలింగ్, స్కూబా డైవింగ్, రాక్ క్లైంబింగ్ వంటివి ఎంచుకోవచ్చు. కో యావో నోయి ఫుకెట్ పోర్ట్ నుండి 30 నిమిషాల ఫెర్రీ రైడ్ తో చేరుకోవచ్చు.

5. సుఖోథాయ్

చియాంగ్ మాయి యొక్క చారిత్రాత్మక ఆకర్షణకు అనుగుణంగా, సుఖోథై 13వ శతాబ్దపు థాయ్ రాజ్యం యొక్క పురాతన శిధిలాలు, వాస్తుశిల్పంతో పురాతన కథను తెలియజేస్తుంది. సుఖోథాయ్‌లో దేవాలయాలు, మఠాలు, ఉద్యానవనాలు, స్థూపాలు మరియు రాజ గృహాలు వంటి అనేక వారసత్వ ప్రదేశాలు ఉన్నాయి. అద్భుతమైన క్యాంపింగ్, ట్రెక్కింగ్ గమ్యస్థానం కూడా.

6. పెట్‌చాబున్

బ్యాంకాక్ నుండి దాదాపు 5 గంటల 30 నిమిషాల ప్రయాణం పెట్‌చాబూన్ ఆకర్షణలతో నిండి ఉంది. ప్రావిన్స్‌లోని అతిపెద్ద పర్వతం పైన క్యాంప్, అరుదుగా అన్వేషించబడే దట్టమైన అడవుల్లోకి వెళ్లొచ్చు. థాయిలాండ్‌లో మీరు జెల్లీ ఫిష్‌ను వీక్షించే ఏకైక ప్రదేశం ఫెట్‌చాబున్. 

7. ఖావో లాక్

సోలో, గ్రూప్ టూర్‌లకు పర్ఫెక్ట్ ఖావో లాక్. స్కూబా డైవింగ్, స్నార్కెలింగ్, సర్ఫింగ్, విండ్‌సర్ఫింగ్, కైట్‌సర్ఫింగ్, నీటి అడుగున అన్వేషణ, వెదురు రాఫ్టింగ్, ATV రైడింగ్, జంగిల్ సఫారీ ట్రెక్కింగ్, లేక్ సఫారీ ట్రెక్కింగ్, లేక్ ట్రెక్కింగ్, వాటర్ స్పోర్ట్స్ ప్రేమికులు, థ్రిల్ కోరుకునే వారికి అత్యుత్తమ ప్రదేశం. ఆఫ్-రోడ్ సఫారీ, క్యాంపింగ్ కూడా ఉంటాయి. ఖోలక్ అండర్ వాటర్ మ్యూజియం, ఇంటర్నేషనల్ సునామీ మ్యూజియం, రాయల్ థాయ్ నేవీ థర్డ్ ఫ్లీట్ సీ టర్టిల్ నర్సరీ, కోమోల్స్ కార్నర్ బాంబూ రాఫ్టింగ్ వంటి ప్రముఖ ఆకర్షణలు ఉన్నాయి. ఖావో లాక్ ఫుకెట్ నుండి 2 గంటల ప్రయాణం.

8. నఖోన్ నాయోక్

అడవులు, జలపాతాలు, నదుల నుండి పొలాలు, పండ్లు, పూల తోటలు, పురావస్తు ప్రదేశాల వరకు, ఉత్కంఠభరితమైన విహారయాత్ర కోసం మీకు కావలసినవన్నీ నాఖోన్ నాయక్‌లో ఉన్నాయి. బ్యాంకాక్‌కు ఈశాన్యంగా 112 కి.మీ. దూరంలో ఉంది. ఖావో యాయ్ నేషనల్ పార్క్, ఖున్ డాన్ ప్రకాన్ చోన్ డ్యామ్ (థాయ్‌లాండ్‌లోని అతిపెద్ద కాంక్రీట్ డ్యామ్), హేవ్ నరోక్ జలపాతం, బాన్ డాంగ్ లఖోన్ ఆర్కియోలాజికల్ సైట్, ఫా ట్రోమ్ జై క్లిఫ్, వాంగ్ తప్పక చూడవలసినవి. తఖ్రాయ్ నేషనల్ పార్క్, బాన్ నా రెడ్ లోటస్ లేక్ (లోటస్ లేక్ కోసం ఉత్తమ సమయం ఉదయం 7-10 గంటలు) చూడొచ్చు.

9. కో టావో

కో టావో గల్ఫ్ ఆఫ్ థాయిలాండ్‌లో ఉన్న ఒక చిన్న ఆకర్షణీయమైన ద్వీపం. వాటర్ స్పోర్ట్స్, సముద్ర ప్రేమికులకు స్వర్గధామం అని పిలుస్తారు. కో టావో ప్రధాన భూభాగం చుంఫోన్ లేదా సూరత్ థాని నుండి 1-గంట 30 నిమిషాల ఫెర్రీ రైడ్ చేయొచ్చు.

10. ఖావో సోక్

దట్టమైన అడవి మధ్యలో ఉన్న ఎత్తైన శిఖరం ఖావో సోక్ మొత్తం దక్షిణ ప్రాంతంలోని అతిపెద్ద వర్షారణ్య ప్రాంతం మధ్యలో ఉంది. సున్నపురాయి శిఖరాలు, చుట్టుపక్కల అడవులు, చిత్తడి నేలలు ఉంటాయి. ఇవి తాపీ నదికి మూలం. నేషనల్ పార్క్ ట్రెక్కింగ్, కానోయింగ్, వెదురు రాఫ్టింగ్ వంటి వసతులు ఉంటాయి. మీరు అరుదైన, అంతరించిపోతున్న పక్షి జాతులను కూడా గుర్తించవచ్చు.