Zee5 OTT Releases: జీ5 ఓటీటీలోకి వచ్చిన టాప్ 5 లేటెస్ట్ థ్రిల్లర్, క్రైమ్ థ్రిల్లర్ మూవీస్ ఇవే..

Zee5 OTT Releases: ప్రముఖ ఓటీటీ ప్లాట్‌ఫామ్స్ లో జీ5 కూడా ఒకటి. ఈ మధ్యకాలంలో ఈ ఓటీటీ కూడా కాస్త దూకుడు పెంచుతోంది. ఆర్ఆర్ఆర్, సంక్రాంతికి వస్తున్నాంలాంటి బ్లాక్‌బస్టర్ తెలుగు సినిమాల స్ట్రీమింగ్ హక్కులు దక్కించుకున్న ఈ ఓటీటీలోకి ఈ మధ్యే ఐదు థ్రిల్లర్, క్రైమ్ థ్రిల్లర్, హారర్ జానర్ సినిమాలు వచ్చాయి.

లాగౌట్ - సైబర్ క్రైమ్ థ్రిల్లర్

లాగౌట్ (Logout) ఓ సైబర్ క్రైమ్ థ్రిల్లర్ మూవీ. దివంగత నటుడు ఇర్ఫాన్ ఖాన్ తనయుడు బాబిల్ ఖాన్ నటించిన మూవీ ఇది. ఈ తరం యువతను సోషల్ మీడియా, మొబైల్ ఫోన్ ఓ వ్యసనంలా మారి ఎలా వేధిస్తోందో ఈ సినిమా ద్వారా మేకర్స్ చూపించే ప్రయత్నం చేశారు. 10 మిలియన్ ఫాలోవర్ల కోసం తాపత్రయ పడే ప్రత్యూష్ దువా (బాబిల్ ఖాన్) అనే ఓ యువకుడి ఫోన్ ను అతని అభిమానే చోరీ చేసి అతనితో ఎలా ఆడుకున్నదనేదే ఈ సినిమా స్టోరీ.

దావీద్ - మలయాళ యాక్షన్ థ్రిల్లర్

దావీద్ ఓ మలయాళ యాక్షన్ థ్రిల్లర్ మూవీ. ఆంటోనీ వర్గీస్ నటించిన సినిమా ఇది. ఓ మాజీ బాక్సింగ్ ఛాంపియన్ ఓ ప్రమాదం తర్వాత మరోసారి ఎలా బాక్సింగ్ రింగులోకి వస్తాడు? ఓ అంతర్జాతీయ బాక్సింగ్ ఛాంపియన్ తో తలపడతాడన్నది ఈ దావీద్ మూవీ స్టోరీ. ఆశిక్ అబూ (ఆంటోనీ వర్గీస్) అనే బాక్సర్ చుట్టూ తిరిగే ఈ మూవీకి మంచి రెస్పాన్స్ వచ్చింది.

కింగ్‌స్టన్ - హారర్ అడ్వెంచర్ థ్రిల్లర్

మ్యూజిక్ డైరెక్టర్ జీవీ ప్రకాశ్ కుమార్ నటించిన హారర్ అడ్వెంచర్ థ్రిల్లర్ మూవీ కింగ్‌స్టన్. ఓ ఊరికి పట్టుకున్న శాపాన్ని తొలగించడానికి ఓ మత్స్యకారుడు సముద్రంలోకి వెళ్లి ఎలాంటి సాహసం చేస్తాడన్నది ఈ సినిమాలో చూడొచ్చు. కింగ్‌స్టన్ అనే పాత్రలో జీవీ ప్రకాశ్ నటించాడు. తెలుగులోనూ మూవీ స్ట్రీమింగ్ అవుతోంది.

విడుదల పార్ట్ 2 - క్రైమ్ థ్రిల్లర్

విజయ్ సేతుపతి లీడ్ రోల్లో నటించిన పీరియడ్ క్రైమ్ థ్రిల్లర్ మూవీ విడుదల పార్ట్ 2. విడుదల మూవీకి ఇది సీక్వెల్. పెరుమాల్ వాతియార్ అనే ఓ నక్సలైట్ జీవితం చుట్టూ తిరిగే స్టోరీ ఇది. ఓ టీచర్ ఉద్యమకారుడిగా ఎలా మారాడన్నది ఇందులో చూడొచ్చు.

కాఫిర్ - డ్రామా థ్రిల్లర్

కాఫిర్ 2019లో వచ్చిన థ్రిల్లర్ వెబ్ సిరీస్. ఆ సిరీస్ నే ఇప్పుడు సినిమా రూపంలో తీసుకొచ్చారు. ఇందులో దియా మీర్జా, మోహిత్ రైనా లీడ్ రోల్స్ లో నటించారు. కైనాజ్ అక్తర్ (దియా మీర్జా) అనే ఓ పాకిస్థానీ మహిళను మిలిటెంట్ గా భావించి ఆమె ఇండియాలోని జైల్లో బంధిస్తారు. ఆమె అసలు కథ ఏంటనేది తెలుసుకొని విడిపించాలని ఓ జర్నలిస్ట్ ప్రయత్నిస్తుంటాడు. ఇదొక నిజ జీవిత కథ. షెహనాజ్ పర్వీన్ అనే ఓ పాకిస్థానీ యువతి కథ ఇది.