NNS August 5th Episode: సరస్వతి మేడమ్‌ను చంపడానికి వెళ్లి అమర్‌కు దొరికిపోయిన మనోహరి!

NNS August 5th Episode: జీ తెలుగు సీరియల్ నిండు నూరేళ్ల సావాసం ఈరోజు (ఆగస్ట్ 5) ఎపిసోడ్లో ఏం జరిగిందో ఒకసారి చూద్దాం. అమర్​ కుటుంబంతోపాటు మనోహరి కూడా రామ్మూర్తిని చూడటానికి హాస్పిటల్​కి వెళ్తుంది. సరస్వతి వార్డెన్​ గురించి రామ్మూర్తికి చెబుతుంది భాగీ. ఆమె ఎక్కడుందని అడుగుతాడు రామ్మూర్తి. ఆమె కూడా ఈ హాస్పిటల్లోనే ఉందని, కానీ కోమాలో ఉందని చెబుతాడు అమర్​. వీళ్ల ఆరాటం చూస్తుంటే నీ కథకి శుభం కార్డు పడేట్లు ఉందని అంటుంది మంగళ. తనకు ముప్పు అంటే ఆ సరస్వతిని వెంటనే చంపేస్తానంటుంది మనోహరి.

మెలకువలోకి వచ్చిన సరస్వతి

ఆమెని నువ్వేం చేయాలనుకున్నా నేను చేయనివ్వను అంటుంది భాగీ. సరస్వతి వార్డెన్​ అదే హాస్పిటల్లో ఉందని వినగానే వెతుక్కుంటూ ఆమె దగ్గరకి వెళ్తుంది. నా కుటుంబం సంతోషంగా ఉండాలన్నా ఆ మనోహరి పీడ విరగడ కావాలన్నా మీరు వెంటనే స్పృహలోకి రావాలి. నిజం అందరికీ చెప్పాలి అని గట్టిగా పిలుస్తుంది అరుంధతి. దాంతో సరస్వతి మేడమ్​లో కదలిక వస్తుంది.

మేడమ్​ లేచారని అందరికీ చెబుతుంది అరుంధతి. కానీ తన మాటలు ఎవరికి వినపడకపోవడంతో పట్టించుకోరు. వెంటనే బయటకు వెళ్లి ఎవర్నైనా తీసుకొస్తానంటూ పరిగెడుతుంది. తను వెళ్లిన తర్వాత సరస్వతి మేడమ్​ని చంపేయమని మంగళకి చెబుతుంది మనోహరి. అలాంటి పనులు తనకు చెప్పొద్దనీ, అమరేంద్ర బాబుతో పెట్టుకోలేనని భయపడుతుంది మంగళ. అది విన్న అరుంధతి చేసిన పాపాలు సరిపోవని మేడమ్​ని చంపాలనుకుంటున్నారా? అంటూ అమర్​ దగ్గరకు పరిగెత్తి మేడమ్​కి మెలకువ వచ్చిందని అంటుంది.

మేడమ్ దగ్గరికి అమర్

వార్డెన్​ని చూసి వెళ్దామంటాడు అమర్​. నేను ఇప్పుడే చూశాను అమర్​, కోమాలోనే ఉన్నారు అంటుంది మనోహరి. ఎవండీ.. మీరు దాని మాటలు నమ్మకండి. మీరు వెళ్లగానే మేడమ్​ని చంపడానికి చూస్తోంది అంటుంది అరుంధతి. నేనూ ఒకసారి చూడాలి అని మేడమ్​ని చూడ్డానికి వెళ్తాడు అమర్​. డాక్టర్​ని మేడమ్​కి ఎలా ఉందని అడుగుతాడు. కండీషన్లో ఏం తేడా లేదని చెబుతుంది డాక్టర్​.

కానీ సరస్వతి మేడమ్​ చెయ్యి కదులుతుండటం చూసి మనోహరి కంగారు పడుతుంది. త్వరగా అమర్​ని అక్కడ నుంచి తీసుకుని వెళ్లిపోవాలనుకుని తొందర పెడుతుంది. కదులుతున్న మేడమ్​ చెయ్యి చూడండని అరుంధతి అమర్​ని బతిమాలుతుంది కానీ ఆ మాటలు వినపడకపోవడంతో మనోహరి మాటలు విని అక్కడ నుంచి వెళ్లిపోతాడు అమర్​.

సరస్వతిని చంపడానికి వెళ్లిన మనోహరి

రామ్మూర్తికి చెప్పి ఇంటికి బయల్దేరతారు అమర్ కుటుంబ సభ్యులు. సాయంత్రం వరకు నేను నాన్న దగ్గరే ఉంటాను అంటుంది భాగీ. అది చూసి చిరాకు పడుతుంది మనోహరి. తొందరగా బయల్దేరక ఈ సోదంతా ఏంటని విసుక్కుంటుంది. ఏంటండీ.. కంగారు పడుతున్నారు అని అడుగుతుంది భాగీ. అదేం లేదంటుంది మనోహరి.

అందరూ బయటకు వస్తుంటే కాసేపు తనూ అంకుల్​ వాళ్లతో ఉండి వస్తానంటూ హాస్పిటల్లోనే ఉంటుంది మనోహరి. ఏవండీ.. వెళ్లకండీ అంటుంది అరుంధతి. మేడమ్ స్పృహలోకి రావడం చూసింది ఇప్పుడు మేడమ్​ని చంపేస్తుంది అని భయపడుతుంది. రాథోడ్​ నువ్వు ఇక్కడే ఉండి మిస్సమ్మ వాళ్లకి ఏం కావాలో చూసుకో.. నేను అమ్మ వాళ్లని డ్రాప్​ చేసి ఆశ్రమానికి వస్తానని వెళ్తాడు అమర్. సిస్టర్​ని పిలిచి డాక్టర్​లా మాస్క్​ పెట్టుకుని సరస్వతి ఉన్న రూమ్​లోకి వెళ్తుంది మనోహరి.

ఒసేయ్​ సరస్వతి.. ఎన్నిసార్లు నా దారికి అడ్డొస్తావే.. నేను ప్రాణాలతో ఉండాలన్నా.. అమర్​ని పెళ్లి చేసుకోవాలన్నా నువ్వు ప్రాణాలతో ఉండాలి. ఇవాళ నిన్ను రెస్ట్​ ఇన్​ పీస్​ చేస్తాను అంటూ మేడమ్​ని చంపాలని చూస్తుంది. అమర్​ లిఫ్ట్​ ఎక్కబోతూ వార్డెన్​ చెయ్యి కదలడం గుర్తొచ్చి తిరిగొస్తాడు. మనోహరి సరస్వతిని చంపుతుందా? అమర్​ మనోహరిని చూస్తాడా? అనే విషయాలు తెలియాలంటే ఈరోజు ఆగస్టు 05న ప్రసారం కానున్న నిండు నూరేళ్ల సావాసం సీరియల్​ తప్పకుండా చూడాల్సిందే!