NNS 17th February Episode: అనామికను చూసి షాక్ తిన్న అమర్, భాగీ.. తన ఇంటికే రాబోతున్న అరుంధతి!

NNS 17th February Episode: జీ తెలుగు సీరియల్ నిండు నూరేళ్ల సావాసం ఈరోజు (ఫిబ్రవరి 17) ఎపిసోడ్లో ఏం జరిగిందో ఒకసారి చూద్దాం. అమర్ ఇంట్లో పిల్లల కేర్ టేకర్ కావాలని పేపర్లో యాడ్ చూసిన అనామిక ఇంటర్వ్యూ కోసం బయలుదేరుతుంది. గతం మరిచిపోయిన ఆమెలోని అరుంధతి.. ఇప్పుడు తన పిల్లలను చూసుకోవడానికే తన ఇంటికే వెళ్లబోతడం ఆసక్తి రేపుతోంది.

గుడిలో అనామిక, అమర్, భాగీ

శివరాత్రి సందర్భంగా గుడికి వెళ్తారు అమర్ కుటుంబ సభ్యులు. అమర్ తనతో ప్రేమగా మాట్లాడాడని, తన బాగోగులు చూసుకుంటున్నాడన్న సంతోషంలో ఉన్న భాగీ.. అమర్ ను ఫాలో అవుతూ మురిసిపోతూ గుడికి వెళ్తుంది. అయితే అక్కడ అప్పటికే శివరాం, నిర్మల ఉంటారు. గుడిలో అర్చన మొదలుపెట్టే ముందు కాసేపు ఆగాలని వాళ్లు అంటారు.

ఇంకా ఎందుకు ఆగడం అని అమర్, భాగీ అడుగుతారు. అయితే అనామిక వస్తుందని, ఆమె కోసం ఆగాలని వాళ్లు చెబుతారు. అది విని అమర్, భాగీతోపాటు పిల్లలు కూడా ఆశ్చర్యపోతారు. అనామిక ఎవరు అని అంజు అడుగుతుంది.

అనామికను చూసిన అమర్, భాగీ

అమర్ ఇంట్లో ఇంటర్వ్యూ కోసం అని వెళ్తూ అనామిక కూడా గుడికి వస్తుంది. అయితే అక్కడ అప్పటికే ఆమె అనుకోకుండా శివరాం, నిర్మలను కలుస్తుంది. ఆమెకు ఉన్న సాయం చేసే గుణం, పిల్లలను లాలించే తీరును వాళ్లు గమనిస్తారు. దీంతో ఆమెను అమర్, భాగీలకు పరిచయం చేయాలని అనుకుంటారు. గుడిలో అందరూ కలిసి అనామిక కోసం వెతుకుతారు.

అప్పుడే అమర్, భాగీలకు అనామిక ఎదురుపడుతుంది. ఆమెను చూసి ఇద్దరూ షాక్ తింటారు. అచ్చూ అరుంధతిలా ఉన్న అనామికను భాగీ అలాగే చూస్తూ ఉండిపోతోంది. అమర్ ఇంట్లోనే ఇంటర్వ్యూకు వెళ్తూ అంతకుముందే గుడిలో వాళ్లను చూస్తుంది అనామిక.

ఆ తర్వాత ఏం జరగబోతోంది? అమర్ తన పిల్లల కేర్ టేకర్ గా అనామికకే అవకాశం ఇస్తాడా? ఆమెలోని అరుంధతి ఆత్మ తన పిల్లల బాగోగులు చూసుకోవడానికి తన ఇంటికే వెళ్తుందా అన్నది సోమవారం (ఫిబ్రవరి 17) టెలికాస్ట్ కానున్న నిండు నూరేళ్ల సావాసం 492వ ఎపిసోడ్లో చూడొచ్చు.