OTT Women's day Web Series to watch: ఓటీటీలో ప్రతి మహిళా కచ్చితంగా చూడాల్సిన వెబ్ సిరీస్ ఇవే..

OTT Women's day Web Series to watch: ఓటీటీ వచ్చిన తర్వాత ఎన్నో జానర్ల వెబ్ సిరీస్ వచ్చాయి. వాటిలో కొన్ని మహిళలే లీడ్ రోల్స్ గా చేసినవీ ఉన్నాయి. నెట్‌ఫ్లిక్స్, ప్రైమ్ వీడియో, జియోహాట్‌స్టార్, సోనీలివ్ లాంటి ఓటీటీ ప్లాట్‌ఫామ్స్ లో వాటిని చూడొచ్చు. ఈ శనివారం (మార్చి 8) అంతర్జాతీయ మహిళా దినోత్సవం సందర్భంగా వీటిని మిస్ కాకుండా చూడండి.

మహారాణి - సోనీలివ్ ఓటీటీ

ఆడది అంటే వంటింటికే పరిమితమయ్యే వ్యక్తి కాదు.. తలుచుకుంటే రాష్ట్రాన్ని, దేశాన్ని కూడా ఏలుతుందని చాటి చెప్పే వెబ్ సిరీస్ మహారాణి. 1990లనాటి బీహార్ రాజకీయాలను ఆధారంగా చేసుకొని ఈ సిరీస్ తెరకెక్కించారు. సోనీలివ్ ఓటీటీలో ఇప్పటికే మూడు సీజన్లు స్ట్రీమింగ్ అవుతున్నాయి. రాణి భారతి అనే శక్తివంతమైన ఓ సీఎం పాత్రలో హుమా ఖురేషీ నటించిన ఈ సిరీస్ మహిళా సాధికారతకు అద్దం పట్టేదే.

ఆర్య - జియోహాట్‌స్టార్ ఓటీటీ

ప్రముఖ నటి సుష్మితా సేన్ నటించిన వెబ్ సిరీస్ ఆర్య. ఓ సాధారణ గృహిణి.. పవర్ పుల్ డ్రగ్స్ మాఫియా నుంచి తన పిల్లలను ఎలా కాపాడుకుంటుందన్నది ఈ సిరీస్ లో చూడొచ్చు. ఈ వెబ్ సిరీస్ మూడు సీజన్లు పూర్తి చేసుకుంది. జియోహాట్‌స్టార్ ఓటీటీలో చూడొచ్చు. సుష్మిత సివంగిలా నటించిన ఈ సిరీస్ ప్రతి మహిళలో స్ఫూర్తి నింపుతుందనడంలో సందేహం లేదు.

ఢిల్లీ క్రైమ్ - నెట్‌ఫ్లిక్స్ ఓటీటీ

ఢిల్లీ క్రైమ్ ఓ క్రైమ్ థ్రిల్లర్ వెబ్ సిరీస్. నెట్‌ఫ్లిక్స్ లో అందుబాటులో ఉంది. క్రూరమైన నేరాలను పరిష్కరించే ఓ శక్తివంతమైన లేడీ పోలీస్ ఆఫీసర్ ను ఈ సిరీస్ లో చూడొచ్చు. షెఫాలీ షా నటించిన వెబ్ సిరీస్ ఇది. రెండు సీజన్లు అందుబాటులో ఉంది. తొలి సీజన్లో ఢిల్లీ నిర్భయ లాంటి కేసు, రెండో సీజన్లో కచ్చా బనియన్ క్రైమ్ కేసు గురించి చూపించారు.

స్కూప్ - నెట్‌ఫ్లిక్స్ ఓటీటీ

స్కూప్ ఓ మహిళా క్రైమ్ జర్నలిస్ట్ చుట్టూ తిరిగే ఇన్వెస్టిగేటివ్ క్రైమ్ థ్రిల్లర్. సాధారణంగా క్రైమ్ రిపోర్టింగ్ అంటే మగవాళ్ల ఆధిపత్యం ఉండే ఫీల్డ్. అలాంటి దాంట్లో ఓ మహిళా జర్నలిస్ట్ ఎలా తన ఉనికిని చాటుకుందన్నది ఈ స్కూప్ వెబ్ సిరీస్ లో చూడొచ్చు. నెట్‌ఫ్లిక్స్ ఓటీటీలో స్ట్రీమింగ్ అవుతోంది.

ది ఫ్యామిలీ మ్యాన్ సీజన్ 2 - ప్రైమ్ వీడియో

ది ఫ్యామిలీ మ్యాన్ వెబ్ సిరీస్ సీజన్ 2 కూడా రాజీ అనే ఓ మహిళా తీవ్రవాది చుట్టూ తిరుగుతుంది. సమంత ఈ శక్తివంతమైన రాజీ పాత్రలో నటించి మెప్పించింది. ఈ సిరీస్ ను అమెజాన్ ప్రైమ్ వీడియోలో చూడొచ్చు. సమంతే నటించిన మరో యాక్షన్ థ్రిల్లర్ వెబ్ సిరీస్ సిటడెల్ హనీ బన్నీ కూడా ఇదే ఓటీటీలో స్ట్రీమింగ్ అవుతోంది.

కోడ్ ఎం - జీ5 ఓటీటీ

కోడ్ ఎం జీ5 ఓటీటీలో ఉన్న వెబ్ సిరీస్. ఓ యువ మహిళా ఆర్మీ ఆఫీసర్ చుట్టూ తిరిగే కథ ఇది. మగాళ్ల ఆధిపత్యం ఉండే ఆర్మీలో శారీరకంగా, మానసికంగా దృఢంగా మారి తనను తాను నిరూపించుకోవడానికి ఆ మహిళా అధికారి పడే తపనను ఈ వెబ్ సిరీస్ లో చూడొచ్చు.