Family Dhamaka on Aha: ఆహాలో విశ్వక్‌సేన్ ఫ్యామిలీ ధమాకా.. స్ట్రీమింగ్ డేట్ రివీల్-vishwak sen family dhamaka on aha streaming date revealed ,ఎంటర్‌టైన్‌మెంట్ న్యూస్
తెలుగు న్యూస్  /  Entertainment  /  Vishwak Sen Family Dhamaka On Aha Streaming Date Revealed

Family Dhamaka on Aha: ఆహాలో విశ్వక్‌సేన్ ఫ్యామిలీ ధమాకా.. స్ట్రీమింగ్ డేట్ రివీల్

Hari Prasad S HT Telugu
Aug 28, 2023 05:46 PM IST

Family Dhamaka on Aha: ఆహాలో విశ్వక్‌సేన్ ఫ్యామిలీ ధమాకా షో ప్రారంభం కాబోతోంది. ఈ షో స్ట్రీమింగ్ డేట్ ను తాజాగా సోమవారం (ఆగస్ట్ 28) ఆహా ఓటీటీ రివీల్ చేసింది.

ఫ్యామిలీ ధమాకా షో అనౌన్స్‌మెంట్ సందర్భంగా ఆహా టీమ్ తో విశ్వక్ సేన్
ఫ్యామిలీ ధమాకా షో అనౌన్స్‌మెంట్ సందర్భంగా ఆహా టీమ్ తో విశ్వక్ సేన్

Family Dhamaka on Aha: ప్రముఖ తెలుగు ఓటీటీ ఆహా మరో ఇంట్రెస్టింగ్ షోతో ప్రేక్షకుల ముందుకు వస్తోంది. ఈ షో పేరు ఫ్యామిలీ ధమాకా. మాస్ కా దాస్ విశ్వక్‌సేన్ హోస్ట్ గా వ్యవహరిస్తున్న ఈ షో స్ట్రీమింగ్ తేదీని సోమవారం (ఆగస్ట్ 28) ఆహా ఓటీటీ రివీల్ చేసింది. ఈ సందర్భంగా ఓ ప్రోమో కూడా రిలీజ్ చేశారు. ఈ షో సెప్టెంబర్ 8 నుంచి స్ట్రీమ్ అవనుంది.

ట్రెండింగ్ వార్తలు

ఫ్యామిలీ ధమాకా షో ప్రారంభం కానున్నట్లు కొన్ని రోజుల కిందట ఓ పోస్టర్ ద్వారా వెల్లడించిన విషయం తెలిసిందే. విశ్వక్ సేన్ హోస్ట్ గా వస్తున్నాడన్న వార్తతో దీనికి విపరీతమైన బజ్ క్రియేటైంది. ఈ షో ఎప్పుడెప్పుడా అని ఎదురు చూస్తున్న ప్రేక్షకులకు ఆహా ఓటీటీ గుడ్ న్యూస్ చెప్పింది. ఈ ఫ్యామిలీ ధమాకా సెప్టెంబర్ 8 నుంచి ప్రతి శుక్రవారం రాత్రి 8 గంటలకు స్ట్రీమ్ అవుతుంది.

15 ఎపిసోడ్లపాటు ఈ షో సాగనుంది. తాజా ప్రోమోలో విశ్వక్ తనదైన స్టైల్లో షోకి వచ్చిన ఫ్యామిలీస్ ను ప్రశ్నలు అడగటం చూడొచ్చు. "వెల్‌కమ్ టు మోస్ట్ ఎంటర్‌టైనింగ్ ఫ్యామిలీ షో ఎవర్.. ఫ్యామిలీ ధమాకా.. ఇది దాస్ కా ఇలాఖా" అంటూ ఈ షో గురించి పరిచయం చేస్తూ ఈ ప్రోమోలో ఎంట్రీ ఇచ్చాడు విశ్వక్. ఏడు సమాధానాలు ఉన్న ప్రశ్నలు అడగడం ఈ షో ప్రత్యకతగా కనిపిస్తోంది.

ఈ ప్రోమోలో కొన్ని ఫ్యామిలీస్ రావడం, వాళ్లను తనదైన స్టైల్లో ఫన్నీగా కొన్ని ప్రశ్నలు అడగటం ద్వారా విశ్వక్ సరదాగా షోని నడిపించేశాడు. తొలిసారి ఇలాంటి షోకి హోస్ట్ చేస్తున్నా.. విశ్వక్ అవలీలగా ఈ కొత్త రోల్ పోషించినట్లు ప్రోమో ద్వారా తెలుస్తోంది. ఈ షోపై విశ్వక్ తన ఎక్సైట్‌మెంట్ చూపించాడు.

"ఫ్యామిలీ ధమాకాలో భాగం కావడం, ఆహా ఓటీటీలో హోస్ట్ గా తొలి షో చేయబోతుండటం నాలో సంతోషాన్ని నింపుతోంది. సవాళ్లను ఎదుర్కోవడానికి, నవ్వుల్లో ముంచెత్తడానికి వచ్చే కుటుంబాలతో ఈ షో ప్రేక్షకులకు మంచి మజా అందిస్తుంది. ఈ కొత్త ప్రయాణంలో ప్రేక్షకులు నాతో చేరడానికి ఆసక్తికరంగా ఎదురు చూస్తున్నాను" అని విశ్వక్ అన్నాడు.

WhatsApp channel
హిందుస్తాన్ టైమ్స్ తెలుగు నుంచి ఎంటర్‌టైన్మెంట్, అలాగే బిగ్‌బాస్ 7 తెలుగు, ఓటీటీ తాజా అప్‌డేట్స్ పొందండి.