Vinaro Bhagyamu Vishnu Katha Trailer: మీ ఫోన్ నంబర్ నైబర్ ఎవరు.. ఇంట్రెస్టింగా వినరో భాగ్యము విష్ణు కథ ట్రైలర్-vinaro bhagyamu vishnu katha trailer out on tuesday february 7th ,ఎంటర్‌టైన్‌మెంట్ న్యూస్
తెలుగు న్యూస్  /  Entertainment  /  Vinaro Bhagyamu Vishnu Katha Trailer Out On Tuesday February 7th

Vinaro Bhagyamu Vishnu Katha Trailer: మీ ఫోన్ నంబర్ నైబర్ ఎవరు.. ఇంట్రెస్టింగా వినరో భాగ్యము విష్ణు కథ ట్రైలర్

Hari Prasad S HT Telugu
Feb 07, 2023 08:03 PM IST

Vinaro Bhagyamu Vishnu Katha Trailer: మీ ఫోన్ నంబర్ నైబర్ ఎవరో తెలుసా అంటూ ఇంట్రెస్టింగా వచ్చేసింది వినరో భాగ్యము విష్ణు కథ మూవీ ట్రైలర్. కిరణ్ అబ్బవరం, కాశ్మీరా నటించిన ఈ మూవీ వచ్చే వారం రిలీజ్ కాబోతోంది.

వినరో భాగ్యము విష్ణు కథ మూవీలో కిరణ్ అబ్బవరం
వినరో భాగ్యము విష్ణు కథ మూవీలో కిరణ్ అబ్బవరం

Vinaro Bhagyamu Vishnu Katha Trailer: మీ మొబైల్ నంబర్ ఉంది కదా. మీ ఇంటికి పొరుగువాళ్లు ఉన్నట్లే దానికి కూడా అటూ ఇటూ నంబర్ నైబర్స్ ఉంటారు. అంటే మొబైల్ నంబర్ చివరి అంకెకు అటూ, ఇటూ మరో రెండు నంబర్లు ఉంటాయి కదా. ఆ నంబర్లు ఎవరివో మీకు తెలుసా? ఇలాంటి వెరైటీ కాన్సెప్ట్ తో వస్తున్న సినిమానే వినరో భాగ్యము విష్ణు కథ.

ట్రెండింగ్ వార్తలు

ఈ మూవీ ట్రైలర్ మంగళవారం (ఫిబ్రవరి 9) రిలీజైంది. కిరణ్ అబ్బవరం హీరోగా నటించిన ఈ మూవీ ట్రైలర్ చాలా ఆసక్తి రేపుతోంది. మురళీ కిశోర్ అబ్బూరు ఈ సినిమాను డైరెక్ట్ చేశాడు. ఈ సినిమా ఫిబ్రవరి 17న రిలీజ్ కాబోతోంది. ఇప్పటికే ఈ మూవీ నుంచి వచ్చిన పాటలకు కూడా మంచి రెస్పాన్స్ రాగా.. తాజాగా ట్రైలర్ కూడా సినిమాపై అంచనాలను పెంచేసింది.

ఈ మూవీ ట్రైలర్ ను సుప్రీమ్ హీరో సాయి ధరమ్ తేజ్ రిలీజ్ చేశాడు. మీ మొబైల్ నంబర్ నైబర్ ని నేనే అంటూ దర్శన (కాశ్మీరా పరదేశి) అనే అమ్మాయి హీరో విష్ణు (కిరణ్ అబ్బవరం) జీవితంలోకి వస్తుంది. ఇక ఆ తర్వాత అతని జీవితం మొత్తం మారిపోతుంది. ఇక ఆమె నంబర్ కు మరో నైబర్ గా మురళీ శర్మ కనిపించాడు. అతడు కూడా ఆ అమ్మాయిని ప్రేమిస్తుంటాడు.

మంచి కామెడీ ఎలిమెంట్స్ ఉన్న మూవీగా ట్రైలర్ చూస్తే తెలుస్తోంది. దీనికితోడు ట్రైలర్ లో యాక్షన్ సీన్స్ కూడా బాగానే ఉన్నాయి. మొత్తంగా ఓ డిఫరెంట్ ఫీల్ ను ఈ మూవీ ట్రైలర్ అందిస్తోంది. జీఏ2 పిక్చర్స్ ఈ వినరో భాగ్యము విష్ణు కథ సినిమాను నిర్మించింది. కిరణ్ అబ్బవరం, కాశ్మీరా పరదేశి కాకుండా మురళీ శర్మ, శుభలేఖ సుధాకర్, ప్రవీణ్ ముఖ్యమైన పాత్రలు పోషించారు. చైతన్ భరద్వాజ్ మ్యూజిక్ అందించాడు.

WhatsApp channel

సంబంధిత కథనం

హిందుస్తాన్ టైమ్స్ తెలుగు నుంచి ఎంటర్‌టైన్మెంట్, అలాగే బిగ్‌బాస్ 7 తెలుగు, ఓటీటీ తాజా అప్‌డేట్స్ పొందండి.