Dhootha OTT: ఆ కథలంటే నాగ చైతన్యకు భయం.. 240 దేశాల్లో ఓటీటీలోకి ధూత: విక్రమ్ కె కుమార్-vikram k kumar about naga chaitanya ott web series dhootha ,ఎంటర్‌టైన్‌మెంట్ న్యూస్
తెలుగు న్యూస్  /  ఎంటర్‌టైన్‌మెంట్  /  Dhootha Ott: ఆ కథలంటే నాగ చైతన్యకు భయం.. 240 దేశాల్లో ఓటీటీలోకి ధూత: విక్రమ్ కె కుమార్

Dhootha OTT: ఆ కథలంటే నాగ చైతన్యకు భయం.. 240 దేశాల్లో ఓటీటీలోకి ధూత: విక్రమ్ కె కుమార్

Sanjiv Kumar HT Telugu
Nov 30, 2023 11:13 AM IST

Vikram K Kumar About Dhootha: నాగ చైతన్య ఓటీటీలోకి అడుగుపెడుతున్న వెబ్ సిరీస్ ధూత. చైతూ తొలి ఓటీటీ సిరీస్ కావడంతో ధూతపై ఆసక్తి నెలకొంది. ధూత వెబ్ సిరీస్‌పై డైరెక్టర్ విక్రమ్ కే కుమార్ ఓ తాజాగా ఇంట్రెస్టింగ్ కామెంట్స్ చేశారు.

నాగ చైతన్య తొలి ఓటీటీ వెబ్ సిరీస్ ధూతపై డైరెక్టర్ విక్రమ్ కె కుమార్ ఇంటర్వ్యూ
నాగ చైతన్య తొలి ఓటీటీ వెబ్ సిరీస్ ధూతపై డైరెక్టర్ విక్రమ్ కె కుమార్ ఇంటర్వ్యూ

Vikram K Kumar About Naga Chaitanya Fear Stories: అక్కినేని నాగ చైతన్య ఓటీటీలోకి ధూత అనే వెబ్ సిరీస్‌తో ఎంట్రీ ఇస్తున్న విషయం తెలిసిందే. దీంతో ధూతపై తెలుగు ప్రేక్షకుల్లో ఆసక్తి నెలకొంది. సూపర్ నాచురల్ థ్రిల్లర్ జోనర్‌లో తెరకెక్కిన ధూత వెబ్ సిరీస్‌తు విక్రమ్ కే కుమార్ దర్శకత్వం వహించారు. డిసెంబర్ 1 నుంచి అమెజాన్ ప్రైమ్ వీడియోలో తెలుగుతోపాటు హిందీ, తమిళం, కన్నడ, మలయాళంలో ధూత స్ట్రీమింగ్ కానుంది. ఈ నేపథ్యంలో ధూత విశేషాలను డైరెక్టర్ విక్రమ్ తెలిపారు.

‘ధూత’తో ప్రేక్షకులకు ఎలాంటి అనుభూతిని పంచబోతున్నారు?

13బి తర్వాత నేను సూపర్ నాచురల్ జోనర్ లో సినిమాలు చేయలేదు. నిజంగా ఆ జానర్ ని మిస్ అయ్యాను. వెబ్ నుంచి ఇలాంటి అవకాశం ఇచ్చిన నేపథ్యంలో లాంగర్ ఫార్మెట్ లో ఇలాంటి జానర్ ని చేయాలని అనుకున్నాను. ధూత ఆలోచన ఎప్పటినుంచో ఉంది. నాగ చైతన్య గారికి చెప్పాను. ఆయనకి చాలా నచ్చంది. తర్వాత స్క్రీన్ ప్లే చేశాను. ఇదొక సూపర్ నాచురల్ థ్రిల్లర్. చాలా మలుపులు ఉంటాయి. లాంగర్ ఫార్మెట్ లో ప్రతి ఎపిసోడ్ కి ఒక మలుపు వుండాలి. కథతో పాటు ప్రేక్షకుడిని చివరి వరకూ తీసుకెళ్లాలి. ఇది పెద్ద సవాల్. రైటింగ్ ప్రాసెస్ ని చాలా ఎంజాయ్ చేశాను. ఈ షో పై ప్రేక్షకుల స్పందన తెలుసుకోవడానికి ఆసక్తిగా ఎదురుచూస్తున్నాను.

‘ధూత’ నేపథ్యం ఏమిటి?

ధూత అంటే మెసేంజర్. ఒక సంఘటనని ప్రజల వద్దకు చేరవేసే జర్నలిస్ట్ కూడా దూతనే. ఇది ఒక జర్నలిస్ట్ నేపథ్యంలో జరుగుతుంది. ధూత ఆలోచన ఎప్పటినుంచో ఉంది. ఆ ఆలోచనని స్క్రీన్ ప్లే గా రాసుకున్నప్పుడు మాత్రం వెబ్ సిరిస్ ని ద్రుష్టిలో పెట్టుకునే రాశాను. కొన్ని ఆలోచనలు రెండు గంటలకే సరిపోతాయి. ఇంకొన్ని ఆలోచనని చాలా విస్తృతంగా చూపించవచ్చు. ధూత ఆలోచనకు ఎనిమిది ఎపిసోడ్లని హోల్డ్ చేసే బలం ఉంది.

వెబ్ సిరిస్ చేయడం ఎలా అనిపించింది ?

ఓటీటీకి ఓ గొప్ప సౌలభ్యం వుంది. ఇప్పుడు విడుదలవుతున్న ధూత దాదాపు 240 దేశాల్లో ప్రసారం కానుంది. ప్రపంచంలో నలుమూల నుంచి ప్రేక్షకులు చూస్తారు. మనం కొరియన్, ఫారిన్ షోస్ చూస్తుంటాం. మన తెలుగు షో కూడా వాళ్లు చూడాలనే ఆసక్తి మనకి ఉంటుంది. దూత సూపర్ నాచురల్ జానర్. ఇలాంటి జోనర్ ప్రపంచ వ్యాప్తంగా ఫ్యాన్స్ వున్నారు. మన షోని కూడా వాళ్లు ఎంజాయ్ చేయడం మంచి అనుభూతి.

నాగ చైతన్య గారికి ఈ కథ చెప్పినపుడు ఆయన రియాక్షన్ ఏమిటి ?

నేను, చైతు మంచి ఫ్రెండ్స్. మూడోసారి కలసి పని చేశాం. ‘మనం’ చేసిన సమయంలోనే చైతుకి ఓ హారర్ కథ చెప్పాను. అయితే తనకి ఘోస్ట్ స్టొరీస్ అంటే భయం. ‘హారర్ కథలు వద్దురా నాకు భయం’ అన్నారు( నవ్వుతూ). ‘దూత’ కథ మాత్రం తనకి చాలా నచ్చింది. ఇది సూపర్ నేచురల్ థ్రిల్లర్. ఫిక్షనల్ స్టొరీ.

నాగ చైతన్య గారిని డిఫరెంట్ లుక్ లో చుపిస్తున్నారు కదా.. లుక్ విషయంలో ఎలాంటి కేర్ తీసుకున్నారు ?

ధూతకి ముందు ఆయన ‘థాంక్ యు ‘సినిమా చేశారు. అందులో గడ్డం ఉంటుంది. అంతకుముందు చేసిన సినిమా లవ్ స్టొరీలో కూడా గడ్డంతో కనిపించారు. తను గడ్డంలో చాలా అందంగా కనిపిస్తారు. నాకు కూడా చైతుని గడ్డం లుక్ లోనే చూడటం ఇష్టం. అయితే దూతకి వచ్చేసరికి కొంచెం కొత్తగా ప్రయత్నిద్దాం అన్నారు. క్లీన్ షేవ్ లో కనిపిస్తా.. ఎలా ఉంటుందో చూడు అన్నారు. అలా ఒక ఫోటో పంపించారు. క్లీన్ షేవ్, మీసంలో చాలా అద్భుతంగా కనిపించారు. అదే లుక్ ని ఫిక్స్ అయ్యాం.

జర్నలిస్టు పాత్ర నేపథ్యంలో ఫిక్షనల్ స్టొరీ. ఇది చాలా వైవిధ్యంగా అనిపిస్తుంది కదా ?

జర్నలిస్ట్ అంటే చాల పవర్ ఫుల్ రోల్. ప్రజాస్వామ్యంలో జర్నలిజం ఒక మూలస్థంబం. అందులోనూ ఇన్వెస్టిగేటివ్ జర్నలిజంలో చాలా రిస్క్ వుంటుంది. ఆ వ్రుత్తిలో ఉండాలంటే చాలా గట్స్ కావాలి. అందరూ ఆ పని చేయలేరు. ఈ కథలో అలాంటి పాత్రని చాల అద్భుతంగా చిత్రీకరించడం జరిగింది. ఈ సూపర్ నాచురల్ థ్రిల్లర్ లో చాలా లేయర్లు వున్నాయి. అవి ప్రేక్షకులకు చాలా థ్రిల్లింగ్ ఎక్స్ పీరియన్స్ ని ఇస్తాయి.

సూపర్ నాచురల్ థ్రిల్లర్ రాయడంలో సవాల్ గా అనిపించిందా ?

నాకు ఈ జోనర్ చాలా ఇష్టం. అయితే 13 బి తర్వాత అదే తరహా కథలకు సంప్రదించారు. అదే తరహా కథలు చేస్తే ఇవే చెయ్యగలుగుతానేమో అనే ముద్రపడిపోతుందని కొన్నేళ్ళు ఆ జోలికి వెళ్ళలేదు. ఐతే ఇన్నాళ్ళు నిజంగా ఆ జోనర్ ని మిస్ అయ్యాను. ఇప్పుడు విరూపాక్ష, మంగళవారం లాంటి సినిమాలతో మళ్ళీ అలాంటి కథలకు జోష్ వచ్చింది. నా వరకూ ఇలాంటి కథలు రాయడాన్ని చాలా ఎంజాయ్ చేస్తాను. దూత 2 దూత 3 ఆలోచనలు కూడా వున్నాయి.

దూతలో మీరు ఎక్కువగా ఎంజాయ్ చేసిన ఎపిసోడ్ ఏమిటి ?

ప్రీక్లైమాక్స్, క్లైమాక్స్ షూట్ చేసినప్పుడు చాలా ఎంజాయ్ చేశాను. ఆ సన్నివేశాల్లో చైతు పెర్ఫార్మెన్స్ అద్భుతంగా వుంటుంది.

నాగార్జున గారు మీకు ఏమైనా సూచనలు ఇచ్చారా ?

ఏదైనా కొత్తగా ప్రయత్నిస్తే నాగార్జున గారు అభినందిస్తారు. ఈ ప్రాజెక్ట్ చేస్తున్నపుడు కలసి ఆల్ ది బెస్ట్ చెప్పారు.

ప్రియా భవానీ శంకర్‌, పార్వతి తిరువోతు, ప్రాచీ దేశాయ్‌ పాత్రల గురించి ?

ఈ కథ రాస్తున్నప్పుడే క్రాంతి పాత్రలో పార్వతిని అనుకున్నాను. తను వెర్సటైల్ యాక్టర్. తనకి తెలుగు సినిమాకు చేయాలని వుంది. నా నేను డైరెక్ట్ చేసిన సిరిస్ తో తెలుగులో రావడం ఆనందంగా వుంది. ఇందులో తనది పోలీస్ ఆఫీసర్ పాత్ర. చాలా బ్రిలియంట్ గా వుంటుంది. అలాగే ప్రియా భవానీ శంకర్‌, ప్రాచీ దేశాయ్‌ పాత్రలు కూడా చాలా కీలకంగా వుంటాయి. అందరూ చాలా ఎక్స్ ట్రార్డినరీ పెర్ఫార్మ్ చేశారు.

ఈ వెబ్ సిరిస్ విడుదల చేయడంలో కొంత జాప్యం జరిగింది కదా కారణం ?

షూటింగ్ త్వరగానే పూర్తి చేశాం. అయితే చాలా హెవీ పోస్ట్ ప్రొడక్షన్ వర్క్ జరిగింది. వెబ్ సిరిస్ లు విస్తృతంగా అందుబాటులో వున్నాయి. ప్రేక్షకుడిని షోలో కూర్చోబెట్టాలంటే టెక్నికల్ వర్క్ చాలా బ్రిలియంట్ గా వుండాలి. ఎనిమిది ఎపిసోడ్స్ లో యంగేజ్ చేయాలంటే ఎడిటింగ్ పరంగా చాలా జాగ్రత్తలు తీసుకోవాలి. దాని కోసం కావాల్సిన సమయం తీసుకున్నాం. నవీన్ అద్భుతంగా ఎడిట్ చేశారు. అలాగే మ్యూజిక్ విషయంలో కూడా చాలా కేర్ తీసుకున్నాం. ఇక వెబ్ సిరిస్ అంటే ఓటీటీ సంస్థలకు కొన్ని ఫార్మాలిటీస్ వుంటాయి. క్యాలిటీ చెక్స్ వుంటాయి. వాటికి సహజంగానే కాస్త సమయం పడుతుంది.

నిర్మాత శరత్ మరార్ గారు నిర్మాణంలో ఎలా సపోర్ట్ చేశారు?

నిర్మాణం పరంగా ఇది చాలా ప్యాషన్ తో కూడుకున్న సిరిస్. శరత్ మరార్ గారు లాంటి ప్యాషనేట్ నిర్మాత వలనే ఇది సాధ్యమైయింది. మూడు సినిమాల నిడివి వున్న కంటెంట్ ఇది. దాదాపు సన్నివేశాలన్నీ వర్షంలోనే చిత్రీకరీంచాం. నా గత సినిమాల్లో రెండు మూడు రోజుల మాత్రమే రెయిన్ ని వాడేవాడని. ఇందులో వందరోజుల వాడాను. శరత్ మరార్ గారు లాంటి ప్రొడక్షన్ హౌస్ లేకపోతే ఇది సాధ్యమయ్యేది కాదు.

మీకు ఇష్టమైన వెబ్ సిరిస్ లు ?

ఫ్యామిలీ మ్యాన్, పాతాళ్ లోక్, స్కాం, జూబ్లీ ఇలా చాలా షోస్ ఇష్టం

మీది కేరళ కదా.. మలయాళం సినిమా ఎప్పుడు చేస్తారు ?

మా బంధువులు కూడా అదే అడుగుతున్నారు. ఒక మలయాళీ సినిమా చేయొచ్చుకదా అంటారు. (నవ్వుతూ) నాకూ చేయాలనే వుంది. అయితే ఇప్పటివరకూ అలాంటి కథ రాయలేదు. భవిష్యత్ లో అలాంటి కథ కుదురుతుందేమో చూడాలి.

Whats_app_banner