అమెరికాలో ఆమె సుకుమారంగా పెరిగి ఇక్కడ అడవిలో అలా.. హీరోయిన్ వర్ష బొల్లమ్మ కామెంట్స్

రాబిన్‌హుడ్ సినిమా తర్వాత నితిన్ నటించిన లేటెస్ట్ మూవీ తమ్ముడు. పవన్ కల్యాణ్ మూవీ టైటిల్‌తో తెరకెక్కిన ఈ సినిమాకు వకీల్ సాబ్ ఫేమ్ వేణు శ్రీరామ్ దర్శకత్వం వహించారు. ఈ మూవీలో వర్ష బొల్లమ్మ, సప్తమి గౌడ హీరోయిన్స్‌గా నటించారు. ఇవాళ (జూలై 4) తమ్ముడు రిలీజ్ కానున్న నేపథ్యంలో హీరోయిన్ వర్ష బొల్లమ్మ ఇంట్రెస్టింగ్ విశేషాలు పంచుకుంది.

పిలవగానే ఆడిషన్ ఇచ్చా

-నేను గతంలో ఎస్వీసీ సంస్థలో "జాను" అనే మూవీలో నటించాను. తమ్ముడు కోసం పిలవగానే వచ్చి ఆడిషన్ ఇచ్చాను. లుక్ టెస్ట్‌లో వెంటనే ఓకే అయ్యాను. దర్శకుడు వేణు గారు ఈ మూవీ గురించి చెబుతూ అడవిలో షూటింగ్ చేయాల్సి ఉంటుంది. మీకు ఇబ్బంది ఉంటే ఇప్పుడే చెప్పండి అన్నారు. నేను ఛాలెంజింగ్‌గా తీసుకుని చేస్తాను అని చెప్పాను. అలా చిత్ర క్యారెక్టర్‌కు నేను సెలెక్ట్ అయ్యాను.

మేము హ్యాపీగా ఫీలయ్యాం

-తమ్ముడు మూవీ టైటిల్ ఈ కథకు యాప్ట్. పవన్ కల్యాణ్ గారి ఒక సూపర్ హిట్ మూవీ ఈ టైటిల్‌తో ఉండటం మేము హ్యాపీగా ఫీలయ్యే విషయం. నా క్యారెక్టర్‌కు తమ్ముడు కథలో మంచి ప్రాధాన్యత ఉంటుంది.

ఫిజికల్‌గా శ్రమించిన సినిమా

-బిగిల్ మూవీ తర్వాత నేను ఫిజికల్‌గా శ్రమించిన చిత్రమిదే. ఈ చిత్రంలో లయ గారు మరో కీ రోల్ చేస్తున్నారు. ఆమె జర్నీ మా అందరికీ ఇన్సిపిరేషన్. హీరోయిన్‌గా ఒక కెరీర్ చూసిన ఆమె పర్సనల్ లైఫ్‌లోకి వెళ్లడం, మళ్లీ ఇప్పుడు రీ ఎంట్రీ ఇవ్వడం స్ఫూర్తిగా తీసుకోవచ్చు. ఆమె కెరీర్‌లో జరిగిన విశేషాలు మాతో షేర్ చేసుకునే వారు.

చిన్న అడవిలో కూడా

-తమ్ముడు మూవీని ఏదైనా స్టూడియోలో ఉన్న చిన్న అడవిలో కూడా షూట్ చేయొచ్చు. కానీ, సహజంగా ఉండేలా మారేడుమిల్లి అడవిలో చిత్రీకరించాం. అది దట్టమైన అడవి. ఆ అడవిలో వర్షాకాలంలో పాములు, తేళ్లు కనిపించేవి. రాత్రిపూట షూటింగ్‌లో కేవలం కాగడాలు పట్టుకుని నటించాం.

సుకుమారంగా ఉండి

-షూటింగ్‌లో పెద్దవాళ్లు ఉన్నారు, పిల్లలు ఉన్నారు. వాళ్లు కూడా ఇబ్బందిపడ్డారు. లయ గారు అమెరికా నుంచి వచ్చారు. అక్కడ సుకుమారంగా ఉండి ఈ అడవిలో చెప్పులు లేకుండా నటించారు. రోజూ ఏదో ఒక గాయం అయ్యేది. అయినా ఉత్సాహంగా షూటింగ్‌లో పాల్గొనేవారు. నాకు నితిన్ క్యారెక్టర్స్ ‌షూస్ ఉంటాయి.