Urfi Javed in Saffron Cut-out top: కాషాయ కటౌట్‌ టాప్‌లో ఉర్ఫీ.. బేషరమ్‌ రంగ్‌ సాంగ్‌పై వీడియో

Urfi Javed in Saffron Cut-out top: టీవీ నటి ఉర్ఫీ జావెద్‌ ఏం చేసినా సంచలనమే. ముఖ్యంగా ఆమె వేసుకొనే డ్రెస్సులు ఎప్పుడూ దుమారం రేపుతూనే ఉంటాయి. వెరైటీ పొట్టి పొట్టి డ్రెస్సులతో ఒళ్లంతా కనిపించేలా, అందరి చూపులూ తన పైనే ఉండేలా ఆమె డ్రెస్సింగ్‌ ఉంటుంది. ఇప్పుడు కూడా ఉర్ఫీ అలాంటి డ్రెస్సే ఒకటి వేసుకుంది.

ఇదొక కటౌట్‌ టాప్‌. ఇలాంటి ఎన్నో డ్రెస్సులు ఆమె గతంలో వేసుకుంది. అయితే ఈసారి ఆ డ్రెస్సు రంగు, ఆ డ్రెస్సులో ఆమె చేసిన వీడియోలోని పాట తీవ్ర విమర్శలు దారి తీసింది. కాషాయ రంగు కటౌట్‌ టాప్‌లో ఉర్ఫీ ఓ వీడియో చేసింది. అందులో పఠాన్‌ మూవీలోని బేషరమ్‌ రంగ్‌ సాంగ్‌ బ్యాక్‌గ్రౌండ్‌లో వినిపిస్తుంది.

ఈ పాటపై ఇప్పటికే దేశవ్యాప్తంగా తీవ్ర దుమారం రేగిన విషయం తెలిసిందే. ఇందులో దీపికా పదుకోన్‌ కాషాయ రంగు బికినీ, షారుక్‌ఖాన్‌ ఆకుపచ్చ షర్ట్‌ వేసుకోవడం లవ్‌ జిహాద్‌ను గుర్తు చేసేలా ఉందని, హిందువులు పవిత్రంగా భావించే కాషాయ రంగును అవమానించారని పలువురు ఆగ్రహం వ్యక్తం చేశారు.

పఠాన్‌ సినిమాను కూడా నిషేధించాలన్న డిమాండ్లు వినిపిస్తున్నారు. ఇలాంటి పరిస్థితుల్లో ఉర్ఫీ కూడా ఎంతో అశ్లీలంగా ఉన్న కాషాయ రంగు డ్రెస్సు వేసుకొని, బేషరమ్‌ రంగ్‌ పాటపైనే వీడియో చేయడం విమర్శలకు తావిస్తోంది. ఈ వీడియోను ఉర్ఫీ తన ఇన్‌స్టాగ్రామ్‌లో పోస్ట్‌ చేసింది. దీనిపై పెద్ద ఎత్తు నెగటివ్‌ కామెంట్లు వస్తున్నాయి.

"ఆమె కేవలం వివాదం కోసమే ఇలా కాషాయ రంగు డ్రెస్సు వేసుకుంది. ఆమెకు ఎప్పుడూ అటెన్షన్‌ కావాలి" అని ఓ యూజర్‌ విమర్శించారు. వివాదం వద్దు అని ఓ యూజర్‌, మరోసారి కాషాయ రంగును అవమానించారని మరో యూజర్‌ కామెంట్లు చేశారు. ఈ డ్రెస్సు వేసుకొని ఉర్ఫీ ముంబై అంతా తిరగడంపై బీజేపీ మహారాష్ట్ర మహిళా మోర్చా ప్రెసిడెంట్‌ చిత్రా వాగ్‌ పోలీసులకు ఫిర్యాదు చేశారు.

అయితే తనను అరెస్ట్‌ చేయడానికి రాజ్యాంగంలో ఎలాంటి ఆర్టికల్‌ లేదని దీనికి ఉర్ఫీ గట్టిగా సమాధానం ఇచ్చింది. ఇంతకన్నా చేయడానికి మీకు వేరే పనులేమీ లేవా అని కూడా ఆమె ప్రశ్నించింది.