ఓటీటీలోకి ఇవాళ నేరుగా వచ్చేసిన కీర్తి సురేష్ సరికొత్త కామెడీ మూవీ.. 5 భాషల్లో స్ట్రీమింగ్.. ఎక్కడ చూడాలంటే?

ఓటీటీలోకి ఎన్నో వివిధ రకాల జోనర్స్‌తో కంటెంట్ సినిమాలు డిజిటల్ ప్రీమియర్ అవుతుంటాయి. థియేటర్లలో చిన్న, పెద్ద సినిమాలు ఆడినట్లుగానే ఓటీటీలోకి సైతం బిగ్ స్టార్స్ ఎంట్రీ ఇస్తూ ఒరిజినల్ కంటెంట్స్ చేస్తున్నారు. అలా కీర్తి సురేష్ డైరెక్ట్ ఓటీటీ సినిమాలను ఎప్పటి నుంచో చేస్తోంది.

కీర్తి సురేష్‌తోపాటు హీరో

ఇక తాజాగా ఇవాళ (జూలై 4) నేరుగా ఓటీటీలోకి కీర్తి సురేష్ కామెడీ మూవీ ఉప్పు కప్పురంబు డిజిటల్ స్ట్రీమింగ్‌కు వచ్చేసింది. ఈ సినిమాలో కీర్తి సురేష్‌తో పాటు హీరో సుహాస్ కూడా యాక్ట్ చేశాడు. వరుసగా థియేట్రికల్ సినిమాలతో అలరించే సుహాస్ మరో ఓటీటీ సినిమా అయిన ఉప్పు కప్పురంబుతో ఆడియెన్స్‌ను పలకరించాడు.

అమెజాన్ ప్రైమ్ ఓటీటీలో

కీర్తి సురేష్-సుహాస్ తొలిసారిగా కలిసి నటించిన ఉప్పు కప్పురంబు సినిమాకు ఐవీ శశి దర్శకత్వం వహించారు. ఎల్లనార్ ఫిల్మ్స్ ప్రైవేట్ లిమిటెడ్ బ్యానర్‌పై రాధిక లావు నిర్మాతగా నిర్మించారు. ఇకపోతే అమెజాన్ ప్రైమ్‌లో ఇవాళ ఉప్పు కప్పురంబు ఓటీటీ రిలీజ్ అయింది.

ఐదు భాషల్లో స్ట్రీమింగ్

తెలుగుతోపాటు తమిళం, కన్నడ, హిందీ, మలయాళం వంటి ఐదు భాషల్లో ప్రైమ్ వీడియోలో ఉప్పు కప్పురంబు ఓటీటీ స్ట్రీమింగ్ అవుతోంది. ఎలాంటి థియేట్రికల్ రిలీజ్ లేకుండా నేరుగా ఓటీటీలోకి వచ్చేసంది కీర్తి సురేష్-సుహాస్‌ల ఉప్పు కప్పురంబు మూవీ.

సెటైరికల్ కామెడీ మూవీ

సరికొత్త కాన్సెప్ట్‌తో ఉప్పు కప్పురంబు తెరకెక్కింది. 1990 కాలం నాటి బ్యాక్‌డ్రాప్‌లో రూరల్ సెటైరికల్ కామెడీ చిత్రంగా ఉప్పు కప్పురంబు సినిమాను నిర్మించారు దర్శకనిర్మాతలు. ఓ పల్లెటూరి గ్రామంలో చనిపోయిన వారికి అంత్యక్రియలు చేసేందుకు శ్మశానంలో స్థలం ఉండదు.

శ్మశానం కోసం పాట్లు

ఈ సమస్యను తీర్చడానికి కీర్తి సురేష్ ఆ విలేజ్‌లోకి అడుగుపెడుతుంది. శ్మశానంను రెండు భాగలుగా ఊరి ప్రజలు పంచుకుంటారు. అందరికి న్యాయం చేసేందుకు, శ్మశానంలో అంత్రక్రియలు జరిపేందుకు కీర్తి సురేష్ నానా పాట్లు పడుతుంది.

ప్రైమ్ వీడియోలో స్ట్రీమింగ్

కీర్తి సురేష్ ఆ సమస్యను ఎలా తీర్చింది? అసలు తీర్చిందా? ఈ క్రమంలో ఆమెకు సుహాస్ ఎలా సహాయం చేశాడు? అనేదే ఉప్పు కప్పురంబు సినిమా కథ. మరి డైరెక్ట్ ఓటీటీ రిలీజ్ అయిన కీర్తి సురేష్ ఉప్పు కప్పురంబు మూవీని అమెజాన్ ప్రైమ్ వీడియోలో ఎంచక్కా చూసేయండి మరి.