Producer: ఐటీ మల్టీపుల్ కంపెనీలో పనిచేస్తుండేవాడిని.. ఫాంటసీ థ్రిల్లర్ నచ్చడంతో.. నిర్మాత రాహుల్ రెడ్డి కామెంట్స్

Producer Rahul Reddy About Tuk Tuk Movie: ఫాంటసీ, మ్యాజికల్‌ అంశాలతో ఓ వైవిధ్యమైన కాన్సెప్ట్‌తో, ఫ్రెష్ కంటెంట్‌తో రిలీజ్ అయిన చిత్రం 'టుక్‌ టుక్‌'. హర్ష రోషన్, కార్తికేయ దేవ్, స్టీవెన్ మధు, సాన్వీ మేఘన, నిహాల్ కోధాటి ముఖ్యతారలుగా రూపొందుతున్న ఈ చిత్రానికి సి. సుప్రీత్‌ కృష్ణ దర్శకత్వం వహించారు.

సినిమా రెస్పాన్స్

మార్చి 21న టుక్ టుక్ సినిమా థియేటర్లలో విడుదలైంది. ఫాంటసీ థ్రిల్లర్‌గా తెరకెక్కిన ఈ సినిమాకు రెస్పాన్స్ బాగానే ఉంది. అయితే, టుక్ టుక్ రిలీజ్ డేట్‌కు ముందు ప్రమోషన్స్‌లో చిత్ర యూనిట్ పాల్గొంది. ఓ ఇంటర్వ్యూలో టుక్ టుక్ మూవీ నిర్మాత రాహుల్ రెడ్డి మీడియాతో సినిమా విశేషాలు పంచుకున్నారు.

మీ నేపథ్యం?

-ఐటీ మల్టీపుల్‌ కంపెనీలో పనిచేస్తుండేవాడిని. ఆ తరువాత యానిమేషన్‌ స్టూడియో స్టార్ట్‌ చేశాను. ఓ కామన్‌ ఫ్రెండ్‌ ద్వారా పరిచయమైన దర్శకుడు సుప్రీత్‌తో కలిసి మొదటగా అలనాటి చిత్రాలు వెబ్‌ సీరిస్‌ చేశాను. నాకు సినిమాలంటే ఇంట్రెస్ట్‌ కూడా ఉండటంతో థియేటర్‌ సినిమా చేయాలని అనుకున్నాను.

-సుప్రీత్‌ చెప్పిన ఈ ఫాంటసీ థ్రిల్లర్‌ నచ్చడంతో 'టుక్‌టుక్‌ చిత్రాన్ని స్టార్ట్‌ చేశాను. కంటెంట్‌ నచ్చడంతో అందరూ కలిసి, నేను యానిమేషన్‌లో కూడా ఉండటంతో.. ఈ పాంటసీ కథతో టుక్‌ టుక్‌ కథను ప్రారంబించాం. దీనినే ఫ్రాంఛైజీగా చేద్దామనుకుంటున్నాం. కంటెట్‌తో పాటు కమర్షియల్‌ అంశాలు జోడించాం.

టుక్‌ టుక్‌పై మీకున్న నమ్మకం ఎలాంటింది?

-కంటెంట్‌ ఉంటే ప్రేక్షులు ఆదిరిస్తారు అనేది నా నమ్మకం. ఏ భాషలోనైనా కొత్తదనంగా ఉంటే ఆదరిస్తారు. కంటెంట్‌ నచ్చితేనే కమర్షియల్‌ హిట్‌లుగా నిలుస్తాయి. ప్రొడ్యూసర్‌గా నా నమ్మకం అదే.

టుక్‌ టుక్‌ టైటిల్‌ జస్టిఫికేషన్‌ ఏమిటి?

-టుక్‌ టుక్‌ అని త్రీ వీల్డ్‌ ఆటోను అంటారు. సినిమాలో టుక్‌ టుక్‌ ఆటో కీలక పాత్ర పోషించింది. అందుకే ఆ టైటిల్‌ పెట్టాం. సినిమాలో ఆర్టిస్ట్‌లను కూడా పాత్రలకు ఎవరి సెట్‌ అయితే వాళ్లనే తీసుకున్నాం.

ఇందులో కీలక పాత్ర పోషించిన రోషన్‌ నటించిన కోర్టు హిట్‌ కావడం మీ సినిమాకు ఎంత వరకు ప్లస్‌ అవుతుంది?

-కోర్ట్ సినిమా హిట్‌ అవ్వడం మా సినిమాకు మంచి శుభారంభం. ఈ సినిమాతో కూడా రోషన్‌కు కూడా మంచి పేరు వస్తుంది. తప్పకుండా కోర్టు హిట్‌ అవ్వడం చాలా ప్లస్‌ అవుతుంది. మా సినిమాకు కూడా ప్రేక్షకుల్లో మంచి బజ్‌ ఉంది.

టుక్‌ టుక్‌లో ప్రధాన అంశాలు ఏమిటి?

-ఎంటర్‌టైన్‌మెంట్‌, ఎమోషన్‌, ఫాంటసీ, థ్రిల్లింగ్‌ అన్ని అంశాలు ఉంటాయి. ప్రేక్షకులను రెండున్నర గంటలు నాన్‌స్టాప్‌గా ఎంటర్‌టైన్‌ చేస్తుంది. ఎక్కడ కూడా బోర్‌ కొట్టదు.