ఓటీటీలోనూ చెలరేగిపోతున్న మోహన్‌లాల్ సూపర్ హిట్ మూవీ.. ఎక్కువ మంది చూసిన టాప్ 5 సినిమాలు ఇవే

మలయాళం స్టార్ హీరో మోహన్‌లాల్ ఈ ఏడాది టాప్ ఫామ్ లో ఉన్న విషయం తెలుసు కదా. బాక్సాఫీస్ దగ్గర హ్యాట్రిక్ హిట్స్ సాధించాడు. అతని లేటెస్ట్ హిట్ హృదయపూర్వం థియేటర్లలోనే కాదు ఇప్పుడు ఓటీటీలోనూ దుమ్ము రేపుతోంది. తాజాగా గత వారం ఎక్కువ మంది చూసిన టాప్ 5 మూవీస్ జాబితాలో మూడో స్థానంలో ఉంది.

ఓటీటీలో టాప్ 5 మూవీస్ ఇవే

ఓటీటీలో ప్రతివారం ఎక్కువ మంది చూసిన టాప్ 5 సినిమాల జాబితాను ఆర్మాక్స్ మీడియా రిలీజ్ చేస్తున్న విషయం తెలిసిందే. తాజాగా సెప్టెంబర్ 29 నుంచి అక్టోబర్ 5 మధ్య కూడా జాబితాను సోమవారం (అక్టోబర్ 6) రిలీజ్ చేసింది. అవేంటో ఒకసారి చూద్దాం.

వీటిలో టాప్ ప్లేస్ లో ఉన్న సినిమా సన్ ఆఫ్ సర్దార్ 2. బాక్సాఫీస్ దగ్గర దారుణంగా బోల్తా పడిన ఈ మూవీ.. నెట్‌ఫ్లిక్స్ లో స్ట్రీమింగ్ అవుతోంది. గతవారం 3 మిలియన్ల వ్యూస్ తో తొలి స్థానంలో నిలిచింది.

ఇక నెట్‌ఫ్లిక్స్ లోనే స్ట్రీమింగ్ అవుతున్న యానిమేషన్ మూవీ మహావతార్ నరసింహ ఈవారం రెండో స్థానానికి పోడిపోయింది. ఈ సినిమాకు 2.8 మిలియన్ల వ్యూస్ వచ్చాయి.

మిగిలిన మూడు సినిమాలు ఇవే

ఇక టాప్ 5లో ఉన్న మిగిలిన సినిమాల విషయానికి వస్తే మోహన్‌లాల్ నటించిన హృదయపూర్వం మూడో స్థానంలో ఉంది. జియోహాట్‌స్టార్ లో స్ట్రీమింగ్ అవుతున్న ఈ సినిమాకు గత వారం 2.4 మిలియన్ల వ్యూస్ వచ్చాయి. ఈ మూవీ తెలుగులోనూ స్ట్రీమింగ్ అవుతోంది.

నాలుగో స్థానంలో సయ్యారా మూవీ ఉంది. నెట్‌ఫ్లిక్స్ లో స్ట్రీమింగ్ అవుతున్న ఈ సినిమాకు 2.3 మిలియన్ల వ్యూస్ వచ్చాయి. కొన్ని వారాలు ఈ సినిమా టాప్ 5లో కొనసాగుతూ వస్తోంది. బాక్సాఫీస్ దగ్గర కూడా రూ.500 కోట్లకుపైగా వసూలు చేసిన విషయం తెలిసిందే.

ఐదో స్థానంలో మరో హిందీ మూవీ దడక్ 2 ఉంది. నెట్‌ఫ్లిక్స్ లోనే స్ట్రీమింగ్ అవుతున్న ఈ సినిమాకు 1.9 మిలియన్ల వ్యూస్ వచ్చాయి. 2018లో వచ్చిన దడక్ సినిమాకు ఇది సీక్వెల్. బాక్సాఫీస్ దగ్గర బోల్తా పడింది. గత వారమే ఓటీటీలోకి స్ట్రీమింగ్ కు వచ్చింది.