Tiger 3 Box Office Collections: దుమ్ము రేపిన టైగర్ 3 బాక్సాఫీస్ కలెక్షన్లు.. తొలి రోజు ఎంతంటే?-tiger 3 box office collections day 1 salman khan rocks on diwali ,ఎంటర్‌టైన్‌మెంట్ న్యూస్
తెలుగు న్యూస్  /  Entertainment  /  Tiger 3 Box Office Collections Day 1 Salman Khan Rocks On Diwali

Tiger 3 Box Office Collections: దుమ్ము రేపిన టైగర్ 3 బాక్సాఫీస్ కలెక్షన్లు.. తొలి రోజు ఎంతంటే?

Hari Prasad S HT Telugu
Nov 13, 2023 08:03 AM IST

Tiger 3 Box Office Collections: టైగర్ 3 బాక్సాఫీస్ కలెక్షన్లు దుమ్ము రేపాయి. దీపావళి సందర్భంగా ఆదివారం (నవంబర్ 12) రిలీజైన ఈ సల్మాన్ ఖాన్ సినిమా.. తొలి రోజే భారీగా వసూళ్లు సాధించింది.

టైగర్ 3లో సల్మాన్ ఖాన్
టైగర్ 3లో సల్మాన్ ఖాన్

Tiger 3 Box Office Collections: టైగర్ 3 మూవీ ఊహించినట్లే తొలి రోజే బాక్సాఫీస్ దగ్గర దుమ్ము రేపింది. దీపావళి (నవంబర్ 12) నాడు రిలీజ్ అయిన ఈ సల్మాన్ ఖాన్ మూవీ.. తొలి రోజు ఏకంగా రూ.44.5 కోట్లు వసూలు చేయడం విశేషం. ఈ సినిమాకు తొలి షో నుంచే పాజిటివ్ రివ్యూలు రావడంతో ఈ కలెక్షన్ల పరంపర ఇలాగే కొనసాగే అవకాశాలు కనిపిస్తున్నాయి.

ట్రెండింగ్ వార్తలు

టైగర్ 3 మూవీ బాలీవుడ్ లో అత్యధిక ఓపెనింగ్స్ సాధించిన దీపావళి సినిమాగా నిలిచింది. సల్మాన్ ఖాన్, కత్రినా కైఫ్, ఇమ్రాన్ హష్మిలాంటి వాళ్లు నటించిన ఈ సినిమా.. యశ్ రాజ్ ఫిల్మ్స్ స్పై యూనివర్స్ లో భాగంగా వచ్చింది. మనీష్ శర్మ డైరెక్ట్ చేసిన ఈ సినిమా.. ఈ ఫ్రాంఛైజీలో వచ్చిన బెస్ట్ మూవీగా నిలుస్తుందని తొలి రోజే ఫ్యాన్స్ తేల్చేశారు.

తొలి రోజు ఇండియా కలెక్షన్లు ఇవీ..

టైగర్ 3 మూవీ దీపావళి రోజు రిలీజ్ కానున్నట్లు తేలడంతో చాలా రోజు ముందు నుంచే అడ్వాన్స్ బుకింగ్స్ ఆశాజనకంగా సాగాయి. ఆ లెక్కన తొలి రోజు ఓపెనింగ్స్ బాగానే ఉంటాయని ట్రేడ్ అనలిస్టులు ఓ అంచనాకు వచ్చారు. ఊహించినట్లే తొలి రోజు ఈ సినిమా ఇండియాలోనే అన్ని భాషల్లో కలిపి రూ.44.5 కోట్లు వసూలు చేసింది.

ఇండియాలోనే టైగర్ 3 మూవీ 5500 స్క్రీన్లలో రిలీజైంది. ఇక విదేశాల్లో 3400 స్క్రీన్లలో వచ్చింది. అయితే హిందీలో ఈ సినిమా ఆక్యుపెన్సీ రేషియో మాత్రం కేవలం 41 శాతంగానే ఉంది. ఏక్ థా టైగర్, టైగర్ జిందా హై మూవీలకు త్రీక్వెల్ గా ఈ టైగర్ 3 వచ్చింది. ఇక యశ్ రాజ్ ఫిల్మ్స్ స్పై యూనివర్స్ విషయానికి వస్తే అందులో ఆ రెండు సినిమాలతోపాటు వార్, పఠాన్ కూడా ఉన్నాయి.

అవినాష్, జోయా పాత్రల్లో సల్మాన్, కత్రినా ఇందులో నటించారు. ఈ సినిమాలో షారుక్ ఖాన్, హృతిక్ రోషన్ కూడా అతిథి పాత్రల్లో కనిపించడం విశేషం. ప్రీతమ్ మ్యూజిక్ అందించాడు. టైగర్ 3 మూవీని రూ.300 కోట్ల బడ్జెట్ తో తెరకెక్కించినట్లు తెలిసింది. యశ్ రాజ్ ఫిల్మ్స్ లో అతి భారీ ప్రాజెక్ట్ ఇదే. మరి వసూళ్లలోనూ దూసుకెళ్లి.. సినిమాకు లాభాలు వస్తాయా లేదా చూడాలి.

WhatsApp channel
హిందుస్తాన్ టైమ్స్ తెలుగు నుంచి ఎంటర్‌టైన్మెంట్, అలాగే బిగ్‌బాస్ 7 తెలుగు, ఓటీటీ తాజా అప్‌డేట్స్ పొందండి.