Thandel: సరిగమప 16 గ్రాండ్ ఫినాలే- నాగ చైతన్య, సాయి పల్లవి గెస్టులు- టైటిల్ బరిలో ముగ్గురు- విజేత ప్రైజ్ మనీ ఎంతంటే?

Thandel Team Guests To Saregamapa 16 Grand Finale: తెలుగు ప్రేక్షకులకు అంతులేని వినోదం అందించే జీ తెలుగు ఈ ఆదివారం (ఫిబ్రవరి 9) మరింత వినోదం అందించేందుకు సిద్ధమైంది. ఆరంభం నుంచి మనసుని హత్తుకునే పాటలు, అద్భుతమైన ప్రదర్శనలతో ప్రేక్షకులను అలరిస్తున్న జీ తెలుగు పాపులర్ షో సరిగమప సీజన్​ 16‌‌- ది నెక్ట్స్ సింగింగ్ యూత్ ఐకాన్ గ్రాండ్​ ఫినాలేకు చేరుకుంది.

సరిగమప సీజన్ -16 ది నెక్ట్స్ సింగింగ్ యూత్ ఐకాన్ గ్రాండ్​ ఫినాలే

మట్టిలోని మాణిక్యాలను వెలికితీస్తూ అత్యంత ప్రేక్షకాదరణతో కొనసాగుతున్న సరిగమప 16 సీజన్​ చివరి అంకానికి చేరుకుంది. ఈ ప్రత్యేక కార్యక్రమానికి ముఖ్య గెస్ట్‌లుగా నాగచైతన్య, సాయిపల్లవి విచ్చేశారు. ఉత్కంఠగా సాగిన ఈ సరిగమప సీజన్ -16 ది నెక్ట్స్ సింగింగ్ యూత్ ఐకాన్ గ్రాండ్​ ఫినాలే ఫిబ్రవరి 9 ఆదివారం సాయంత్రం 6 గంటలకు జీ తెలుగు టీవీ ఛానెల్‌లో ప్రసారం కానుంది.

మూడు జట్లుగా పోటీ

ఈ సీజన్​కి ప్రముఖ యాంకర్​ శ్రీముఖి వ్యాఖ్యాతగా వ్యవహరిస్తుండగా, ప్రముఖ సంగీత దర్శకుడు కోటి, గాయని ఎస్పీ శైలజ, పాటల రచయిత కాసర్ల శ్యామ్​ న్యాయనిర్ణేతలుగా బాధ్యతలు చేపట్టారు. సరిగమప సీజన్ 16లో ఎంపికైన గాయనీగాయకులు విలేజ్​ వోకల్స్​, సిటీ క్లాసిక్స్​, మెట్రో మెలొడీస్​ మూడు జట్లుగా పోటీపడ్డారు.

టైటిల్​ బరిలో ముగ్గురు

ఈ జట్లకు ప్రముఖ గాయకులు రేవంత్​, రమ్య బెహర, అనుదీప్​ దేవ్​ మెంటర్లుగా వ్యవహరించారు. మెంటర్స్ మార్గదర్శకత్వంలో సోలో, డ్యూయెట్, గ్రూప్ యాక్ట్స్ వంటి క్లిష్టమైన రౌండ్లను ఎదుర్కొని ఆరుగురు కంటెస్టెంట్స్​ గ్రాండ్​ ఫినాలేకు చేరుకున్నారు. ఆరంభం నుంచి అద్భుతమైన ప్రదర్శనలతో రాణిస్తున్న సాత్విక్, మేఘన, వైష్ణవి, మోహన్, అభిజ్ఞ, మానస ఫినాలేకు చేరుకుని టైటిల్​ బరిలో నిలిచారు.

నాగ చైతన్య-సాయి పల్లవి-విశ్వక్ సేన్

ఈ ఆరుగురు సరిగమప 16-ది నెక్ట్స్​ సింగింగ్​ యూత్​ ఐకాన్​ టైటిల్​ కోసం పోటీపడనున్నారు. ఉత్కంఠగా సాగనున్న ఈ గ్రాండ్ ఫినాలేకు తండేల్ చిత్ర బృందం నుంచి హీరో నాగ చైతన్య, హీరోయిన్ సాయి పల్లవి, నిర్మాత అల్లు అరవింద్ ముఖ్య అతిథులుగా హాజరయ్యారు. అంతేకాదు సీనియర్ నటి రాధ, హీరో విశ్వక్ సేన్ ఈ ఫినాలే ఎపిసోడ్​కి హాజరై ఫైనలిస్ట్​ల్లో ఉత్సాహం నింపారు.

రసవత్తరంగా సాగే

ప్రముఖ గాయని మంగ్లీ ప్రత్యేక ప్రదర్శన ఇవ్వగా, సీరియల్​ నటులు నిసర్గ గౌడ, ప్రీతి శర్మ, అభినవ్, సంగీత, పృథ్వీ, సాయికిరణ్ హాజరై ఫైనలిస్టులకు తమ మద్దతు తెలిపారు. రసవత్తరంగా సాగే ఈ గ్రాండ్ ఫినాలేలో ఫైనలిస్టులు పలు మ్యూజికల్ రౌండ్లలో పోటీపడి ప్రేక్షకులను అలరిస్తారు.

విజేత ప్రైజ్‌ మనీ

ఈ గ్రాండ్​ ఫినాలేలో గెలిచిన కంటెస్టెంట్​ సరిగమప 16-ది నెక్ట్స్ ​సింగింగ్ యూత్​ ఐకాన్​ టైటిల్​తోపాటు​ రూ. పది లక్షల నగదుని కూడా గెలుచుకోనున్నారు. హోరాహోరీగా సాగే ఈ సంగీత సమరంలో నిలిచి గెలిచేదెవరో తెలుసుకోవాలంటే జీ తెలుగులో ఆదివారం ప్రసారమయ్యే సరిగమప 16- ది నెక్ట్స్ ​సింగింగ్ యూత్​ ఐకాన్ గ్రాండ్​ ఫినాలే చూడాల్సిందే.