తెలుగులో మరో సూపర్ నేచురల్ థ్రిల్లర్ వెబ్ సిరీస్.. పెళ్లి రోజే చనిపోయే పెళ్లికూతుళ్లు.. స్ట్రీమింగ్ డేట్ ఇదే

తెలుగులో వస్తున్న మరో థ్రిల్లర్ వెబ్ సిరీస్ విరాటపాలెం: పీసీ మీనా రిపోర్టింగ్. ఈ సిరీస్ ను జీ5 (ZEE5) ఓటీటీ స్ట్రీమింగ్ చేయబోతోంది. ఈ విషయాన్ని మంగళవారం (జూన్ 17) ఆ ఓటీటీ అధికారికంగా అనౌన్స్ చేసింది. గతంలో రెక్కీ అనే వెబ్ సిరీస్ అందించిన మేకర్సే తాజాగా ఈ థ్రిల్లర్ సిరీస్ తీసుకురాబోతుండటం విశేషం.

విరాటపాలెం వెబ్ సిరీస్ స్ట్రీమింగ్ డేట్

‘విరాటపాలెం : PC మీనా రిపోర్టింగ్’ అనే టైటిల్ తో ఈ సూపర్ నేచురల్ థ్రిల్లర్ వెబ్ సిరీస్ వస్తోంది. కృష్ణ పోలూరు డైరెక్ట్ చేసిన ఈ వెబ్ సిరీస్.. జూన్ 27 నుంచి జీ5 ఓటీటీలో స్ట్రీమింగ్ కానుంది. ఇందులో అభిజ్ఞా వూతలూరు, చరణ్ లక్కరాజులాంటి వాళ్లు ఇందులో నటించారు.

విరాటపాలెం అనే గ్రామం చుట్టూ తిరిగే కథ ఇది. 1980ల నేపథ్యంలో సాగుతుంది. ఆ గ్రామంలోని రహస్యాలు, వాటిని ఛేదించే క్రమాన్ని ఇందులో చూడొచ్చు. దీనిని ఓ సీట్ ఎడ్జ్ థ్రిల్లర్ గా రూపొందించినట్లు మేకర్స్ చెబుతున్నారు.

విరాటపాలెం వెబ్ సిరీస్ స్టోరీ ఇదే..

1980ల నాటి మారుమూల, భయానక గ్రామమైన విరాటపాలెం చుట్టూ ఈ కథ తిరుగుతుంది. ఆ ఊరికి ఉన్న శాపం ఏంటంటే.. ప్రతి వధువు తన పెళ్లి రోజునే మరణించడం. దీనివల్ల దశాబ్ద కాలంగా అక్కడ ఏ వివాహం జరగదు. ఇది తమ గ్రామానికి పట్టిన శాపమే అని అక్కడి వాళ్లు భావిస్తుంటారు. ఈ నేపథ్యంలో ఓ పోలీసు కానిస్టేబుల్ (అభిజ్ఞ వూతలూరు) ఆ గ్రామానికి వస్తుంది. ఆమె అక్కడి శాపం గురించి తెలుసుకోవడం, ఆ రహస్యాన్ని ఛేదించడం అనే ఉత్కంఠభరితమైన కథనంతో అందరినీ ఆకట్టుకునేలా ఈ సిరీస్ ఉండబోతోంది.

ఈ వెబ్ సిరీస్ మంచి థ్రిల్ అందించడంతోపాటు ఓ సామాజిక సందేశాన్ని కూడా ఇవ్వబోతున్నట్లు జీ5 తెలుగు బిజినెస్ హెడ్ అనురాధ అన్నారు. గతంలో రెక్కీ అనే వెబ్ సిరీస్ అందించిన దర్శకుడు కృష్ణ పోలూరే ఈ సిరీస్ ను కూడా డైరెక్ట్ చేశాడు. పెళ్లి రోజే వధువు చనిపోవడం అనే భయం ఆ ఊరిని పెళ్లిళ్లకు ఎలా దూరం చేసింది? దానిని ఎలా ఛేదించారన్నదే ఈ సిరీస్ కథ అని అతడు చెప్పాడు.

మూఢనమ్మకాలను చూపిస్తూనే ఓ శక్తివంతమైన సందేశంతో ఉత్కంఠ భరితమైన ‘విరాటపాలెం: పీసీ మీనా రిపోర్టింగ్’ వెబ్ సిరీస్ రాబోతోంది. ఇది కేవలం సూపర్‌నేచురల్ థ్రిల్లర్ మాత్రమే కాదు భయం, నిజం మధ్య జరిగే ఓ యుద్ధంగా ఉండనుంది. జూన్ 27 నుండి జీ5 ఓటీటీలో స్ట్రీమింగ్ కాబోతోంది.