ఓటీటీలోకి తెలుగు రొమాంటిక్ డ్రామా.. కలహాలే లేని ఓ హైస్కూల్ ప్రేమ కథ.. ఇక్కడ చూసేయండి

థియేటర్లలో పెద్దగా బజ్ లేకుండానే రిలీజైన ఓ తెలుగు రొమాంటిక్ డ్రామా ఇప్పుడు ఓటీటీలోకి రానుంది. ఈ సినిమా పేరు కాలమేగా కరిగింది. మార్చి 21న థియేటర్లలో రిలీజైంది. తాజాగా ఈ లవ్ స్టోరీ ఓటీటీ రిలీజ్ కు సిద్ధమైంది. మూవీ స్ట్రీమింగ్ విషయాన్ని సదరు ఓటీటీ సోమవారం (మే 5) తన ఎక్స్ అకౌంట్ ద్వారా వెల్లడించింది.

కాలమేగా కరిగింది ఓటీటీ రిలీజ్ డేట్

తెలుగులో వచ్చిన ఓ రొమాంటిక్ డ్రామా మూవీ కాలమేగా కరిగింది. మార్చి 21న థియేటర్లలో రిలీజైంది. అసలు స్టార్లు ఎవరూ లేని ఓ చిన్న సినిమా. ఇప్పుడీ మూవీ మే 9 నుంచి సన్ నెక్ట్స్ (Sun NXT) ఓటీటీలో స్ట్రీమింగ్ కానుంది. ఈ విషయాన్ని ఆ ఓటీటీ సోషల్ మీడియా ద్వారా వెల్లడించింది.

“కాలాలు మారాయి. ఏళ్లు గడిచాయి. కానీ అతని మనసు? ఇప్పటికీ ఆమెదే. కాలమేగా కరిగింది మే 9న మీ సన్ నెక్ట్స్‌లో” అనే క్యాప్షన్ తో ఆ ఓటీటీ మూవీ స్ట్రీమింగ్ విషయం తెలిపింది. ఈ సందర్భంగా సినిమా పోస్టర్ ను కూడా యాడ్ చేసింది.

కాలమేగా కరిగింది మూవీ గురించి..

కాలమేగా కరిగింది మూవీ మార్చి 21న థియేటర్లలో రిలీజైంది. ఇదొక రొమాంటిక్ డ్రామా. కలహాలే లేని ఓ ప్రేమకథ అనే ట్యాగ్ లైన్ పెట్టారు. శింగర మోహన్ డైరెక్ట్ చేశాడు. కథ కూడా అతడే అందించాడర. ఈ సినిమాలో వినయ్ కుమార్, శ్రావణి మజ్జరి, అరవింద్ ముదిగొండ, నోమిన తార ముఖ్యమైన పాత్రలు పోషించారు. ఇదొక హైస్కూల్ ప్రేమ కథ. ఫణి, బిందు అనే ఇద్దరు క్లాస్ మేట్స్ ప్రేమించుకుంటారు.

స్కూల్ వదిలి వెళ్లిన తర్వాత జీవితంలో సెటిలైనా కూడా ఆ తొలి ప్రేమ అతని మనసులో అలాగే ఉండిపోతుంది. ఆ స్కూలును, ప్రేమను, తన మధురమైన గతాన్ని వెతుక్కుంటూ అతడు వెళ్తాడు. ఈ కాలమేగా కరిగింది మూవీని ఎంతో కవితాత్మకంగా తెరకెక్కించారు. ఈ మూవీని థియేటర్లలో చూడకపోతే మే 9 నుంచి సన్ నెక్ట్స్ ఓటీటీలో స్ట్రీమింగ్ కాబోతోంది. అందులో చూసేయండి.