సమంత ‘శుభం’ సినిమాకు మూడు రోజుల్లో మంచి కలెక్షన్లు.. అసలైన పరీక్ష ఇప్పుడే!

టీవీ సీరియళ్ల కాన్సెప్ట్‌తో హారర్ కామెడీ మూవీగా ‘శుభం’ క్యూరియాసిటీ కలిగించింది. ఈ చిత్రంతోనే స్టార్ హీరోయిన్ సమంత రూత్ ప్రభు నిర్మాతగా మారటంతో మరింత క్రేజ్ వచ్చింది. త్రాలాలా మూవీంగ్ పిక్చర్స్ పతాకంపై ఈ మూవీని ఆమె ప్రొడ్యూజ్ చేశారు. హైప్‍తో గత శుక్రవారం మే 9న రిలీజైన ఈ తక్కువ బడ్జెట్ చిత్రం మిక్స్డ్ టాక్ తెచ్చుకుంది. అయితే, బాక్సాఫీస్ వద్ద మాత్రం జోరు చూపింది. శుభం చిత్రం ఫస్ట్ వీకెండ్ మంచి వసూళ్లనే రాబట్టింది.

మూడు రోజుల వసూళ్లు ఇవే

శుభం సినిమా మూడు రోజుల్లో ప్రపంచవ్యాప్తంగా రూ.5.25 కోట్ల గ్రాస్ కలెక్షన్లను సాధించింది. ఈ విషయాన్ని త్రాలాలా మూవింగ్ పిక్చర్స్ అధికారికంగా ప్రకటించింది. “శుభంపై ప్రేమ బలపడుతూనే ఉంది” అని సోషల్ మీడియాలో షేర్ చేసింది. ఈ మూవీ రూ.5.25 కోట్ల గ్రాస్ దక్కించుకుందని పోస్టర్ తీసుకొచ్చింది.

సోమవారం రియల్ టెస్ట్

ఈ లెక్కలను బట్టి చూస్తే ఫస్ట్ వీకెండ్‍లో శుభం చిత్రం బాగానే వసూళ్లను రాబట్టింది. అయితే, సోమవారమే ఈ మూవీకి అసలు పరీక్ష మొదలవుతుంది. వర్కింగ్ డే అయిన నేడు కలెక్షన్లలో బిగ్ డ్రాప్ కనిపిస్తే మూవీ జోరు కంటిన్యూ చేయడం కష్టమవుతుంది. స్టడీగా ఉంటే మంచి రన్ ఉంటుందని భావించవచ్చు. మరి మండే టెస్టును ఈ సినిమా పాస్ అవుతుందా అనేది కీలకంగా ఉంది. అలాగే, శ్రీవిష్ణు ‘సింగిల్’ మూవీ బలమైన పోటీగా ఉంది.

తక్కువ బడ్జెట్‍‍తోనే..

శుభం సినిమాను తక్కువ బడ్జెట్‍తోనే ప్రొడ్యూజ్ చేశారు సమంత. ఈ చిత్రానికి సుమారు రూ.3.5 కోట్లు ఖర్చైందని అంచనాలు ఉన్నాయి. థియేట్రికల్ బిజినెస్‍ను బట్టి చూస్తే రూ.8కోట్ల గ్రాస్ కలెక్షన్లు వస్తే బ్రేక్ ఈవెన్ అవుతుంది. మరి ఆ మార్కును శుభం చేరుతుందా అనేది చూడాలి. నేడు సోమవారం ట్రెండ్‍తో ఇది తేలిపోతుంది.

సీరియళ్లు చూస్తూ వైలెంట్‍గా..

శుభం చిత్రానికి సినిమా బండి ఫేమ్ డైరెక్టర్ ప్రవీణ్ కండ్రేకుల దర్శకత్వం వహించారు. టీవీ సీరియళ్ల చూస్తూ భయానకంగా మారే మహిళల చుట్టూ ఈ సినిమా స్టోరీ ఉంటుంది. ఈ కథకు హారర్ టచ్ కూడా ఉంది. మహిళలు ఎందుకు అలా మారుతున్నారనేది మిస్టరీ ఇంట్రెస్టింగ్‍గా సాగుతుంది. కామెడీ ప్రధానంగా ఈ చిత్రాన్ని ప్రవీణ్ తెరకెక్కించారు.

శుభం సినిమాలో హర్షిత్ రెడ్డి, గవిరెడ్డి శ్రీనివాస్, శ్రీయా కొంతం, చరణ్ పేరి, శ్రావణి లక్ష్మి ప్రధాన పాత్రలు పోషించారు. క్యామియో రోల్‍లో సమంత కనిపించారు. ఈ చిత్రంలో పాటలకు షోర్ పోలీస్ స్వరాలు అందించగా.. బ్యాక్‍గ్రౌండ్ మ్యూజిక్ ఇచ్చారు వివేక్ సాగర్. ఈ మూవీకి మృదుల్ సుజీత్ సేన్ సినిమాటోగ్రఫీ చేశారు.