శ్రీవిష్ణు ‘సింగిల్’ సినిమా ఓటీటీ రిలీజ్‍పై బజ్.. ఆరోజే రానుందా? సెకండ్ వీకెండ్‍లోనూ కలెక్షన్ల జోష్

తెలుగు రొమాంటిక్ కామెడీ మూవీ ‘సింగిల్’ కలెక్షన్లలో అదరగొడుతోంది. శ్రీవిష్ణు హీరోగా, కేతిక శర్మ, ఇవానా హీరోయిన్లుగా నటించిన ఈ సినిమా మే 9న థియేటర్లలో విడుదలైంది. ఆరంభం నుంచి పాజిటివ్ టాక్‍తో ఈ మూవీ వసూళ్లలో దుమ్మురేపుతోంది. ఇప్పటికే రూ.25కోట్ల కలెక్షన్లకు చేరువైంది. ప్రస్తుతం సెకండ్ వీకెండ్‍లోనూ మంచి వసూళ్లను నమోదు చేసే ఛాన్స్ ఉంది. ఈ తరుణంలో సింగిల్ సినిమా ఓటిటీ రిలీజ్‍పై రూమర్లు వస్తున్నాయి.

స్ట్రీమింగ్ అప్పుడేనా!

సింగిల్ సినిమా డిజిటల్ స్ట్రీమింగ్ హక్కులను అమెజాన్ ప్రైమ్ వీడియో ఓటీటీ ప్లాట్‍ఫామ్ సొంతం చేసుకుంది. ఈ చిత్రాన్ని జూన్ 6వ తేదీన స్ట్రీమింగ్‍కు తీసుకురానుందని అంచనాలు బయటికి వస్తున్నాయి.

థియేటర్లలో రిలీజైన నాలుగు వారాలకు స్ట్రీమింగ్‍కు తెచ్చేలా ఈ సినిమా మేకర్లతో ఆ ప్లాట్‍ఫామ్ డీల్ చేసుకుందని సమాచారం. దాని ప్రకారం జూన్ 6న సింగిల్ మూవీని స్ట్రీమింగ్‍కు తెచ్చేందుకుఅమెజాన్ ప్రైమ్ వీడియో నిర్ణయించుకుందని సమాచారం. అయితే, డేట్‍పై ఇంకా ఎలాంటి అధికారిక ప్రకటన రాలేదు.

సెకెండ్ వీకెండ్‍లోనూ జోష్

సింగిల్ సినిమా థియేట్రికల్ రన్ జోరుగా సాగుతోంది. ఇప్పటికే ఈ చిత్రం రూ.25కోట్ల వరల్డ్ వైడ్ గ్రాస్ కలెక్షన్లకు చేరువవుతోంది. వీక్‍డేస్‍లోనూ స్టడీగా వసూళ్లను రాబట్టింది. ఈ మూవీకి సెకెండ్ వీకెండ్‍ అయిన నేడు శనివారం మంచి బుకింగ్స్ జరిగాయి. కలెక్షన్లలో మరింత పెరుగుదల కనిపించే అవకాశాలు కనిపిస్తున్నాయి. సండే కూడా ఇదే దూకుడు కంటిన్యూ కావొచ్చు. రూ.15కోట్ల గ్రాస్ టార్గెట్‍తో వచ్చిన ఈ చిత్రం ఇప్పటికే మంచి ప్రాఫిట్స్ సాధించింది.

తమిళ డైరెక్టర్ తెలుగు ఎంట్రీ

సింగిల్ చిత్రం ట్రయాంగిల్ లవ్, కామెడీతో ఎంటర్‌టైనింగ్‍గా ఉంటూ ప్రేక్షకులను మెప్పిస్తోంది. ఈ మూవీకి తమిళ డైరెక్టర్ కార్తీక్ రాజు దర్శకత్వం వహించారు. ఈ చిత్రంతోనే ఆయన తెలుగులోకి ఎంట్రీ ఇచ్చారు. ఈ మూవీలో శ్రీవిష్ణు, కేతిక, ఇవానా మధ్య ట్రాయాంగిల్ లవ్ ట్రాక్ ఉంటుంది. వెన్నెల కిశోర్ కూడా ఈ చిత్రంలో ముఖ్యమైన పాత్ర చేశారు. శ్రీవిష్ణు, వెన్నెల కిశోర్ మధ్య కామెడీ ట్రాక్‍లు, వారి టైమింగ్ అదిరిపోయాయి.

సింగిల్ చిత్రాన్ని గీతా ఆర్ట్స్, కాల్య ఫిల్మ్స్ పతాకాలపై విద్య కొప్పినీడి, భాను ప్రతాప, రియాజ్ చౌదరి నిర్మించారు. ఈ చిత్రానికి విశాల్ చంద్రశేఖర్ మ్యూజిక్ ఇచ్చారు. ఈ చిత్రంలో వీటీ గణేశ్, సత్య, రాజేంద్ర ప్రసాద్, రెబా మోనికా జాన్, మానస కీలకపాత్రల్లో కనిపించారు. వెల్‍రాజ్ సినిమాటోగ్రఫీ చేశారు.