Pathaan OTT Release Date: ఓటీటీలోకి వచ్చేస్తోన్న షారుఖ్‌ఖాన్ ప‌ఠాన్ - స్ట్రీమింగ్ డేట్ ఫిక్స్‌-shahrukh khan pathaan to stream on amazon prime from march 22 ,ఎంటర్‌టైన్‌మెంట్ న్యూస్
తెలుగు న్యూస్  /  Entertainment  /  Shahrukh Khan Pathaan To Stream On Amazon Prime From March 22

Pathaan OTT Release Date: ఓటీటీలోకి వచ్చేస్తోన్న షారుఖ్‌ఖాన్ ప‌ఠాన్ - స్ట్రీమింగ్ డేట్ ఫిక్స్‌

Nelki Naresh Kumar HT Telugu
Mar 16, 2023 12:40 PM IST

Pathaan OTT Release Date: వెండితెర‌పై క‌లెక్ష‌న్ల వ‌ర్షం కురిపించిన షారుఖ్‌ఖాన్ ప‌ఠాన్ మూవీ ఓటీటీ ప్రేక్ష‌కుల ముందుకు రాబోతున్న‌ది. ఈ సినిమా ఏ ఓటీటీలో ఏ రోజు నుంచి స్ట్రీమింగ్ కానుందంటే...

 షారుఖ్‌ఖాన్ ప‌ఠాన్
షారుఖ్‌ఖాన్ ప‌ఠాన్

Pathaan OTT Release Date: షారుఖ్‌ఖాన్ హీరోగా న‌టించిన ప‌ఠాన్ మూవీ బాలీవుడ్ గ‌త రికార్డుల‌ను తిర‌గ‌రాసింది. హిందీ సినిమా చ‌రిత్ర‌లోనే అత్య‌ధిక వ‌సూళ్ల‌ను రాబ‌ట్టిన సినిమాగా నిలిచింది. సిల్వ‌ర్‌స్క్రీన్‌పై ప్ర‌భంజ‌నాన్ని సృష్టించిన ఈ సినిమా ఓటీటీలోకి రాబోతున్న‌ది.

మార్చి 22న నుంచి అమెజాన్ ప్రైమ్‌లో ఈ సినిమా స్ట్రీమింగ్ కానుంది. ప‌ఠాన్ డిజిట‌ల్ హ‌క్కుల‌ను అమెజాన్ ప్రైమ్ దాదాపు వంద కోట్ల‌కు ద‌క్కించుకున్న‌ట్లు స‌మాచారం. బాలీవుడ్‌తో పాటు హిందీ, త‌మిళ భాష‌ల్లో ఈ సినిమా స్ట్రీమింగ్ కానుంది.

స్పై యాక్ష‌న్ థ్రిల్ల‌ర్‌గా రూపొందిన ఈ సినిమాకు సిద్ధార్థ్ ఆనంద్ ద‌ర్శ‌క‌త్వం వ‌హించాడు. దీపికా ప‌డుకోణ్ హీరోయిన్‌గా న‌టించింది. ఈ సినిమాలో షారుఖ్‌ఖాన్ ప‌ఠాన్ అనే రా ఏజెంట్‌గా క‌నిపించాడు. ఇండియాపై శ‌త్రుదేశం త‌ల‌పెట్టిన ఓ సీక్రెట్ మిష‌న్‌ను ప‌ఠాన్ ఎలా ఎదుర్కొన్నాడ‌న్న‌దే ఈ సినిమా క‌థ‌. ఇందులో జాన్ అబ్ర‌హ‌మ్ విల‌న్‌గా న‌టించాడు.

యాభై రోజుల్లో 1000 కోట్లు

ప‌ఠాన్ సినిమా యాభై రోజుల్లో 1043 కోట్ల క‌లెక్ష‌న్స్ రాబ‌ట్టింది. ఇండియాలో 650 కోట్ల వ‌సూళ్ల‌ను రాబ‌ట్టిన ఈ సినిమా ఓవ‌ర్‌సీస్‌లో 393 కోట్ల‌కుపైగా క‌లెక్ష‌న్స్ ద‌క్కించుకున్న‌ది. అత్య‌ధిక వ‌సూళ్ల‌ను రాబ‌ట్టిన బాలీవుడ్ సినిమాగా ప‌ఠాన్ రికార్డ్ క్రియేట్ చేసింది. దాదాపు నాలుగేళ్ల విరామం త‌ర్వాత షారుఖ్‌ఖాన్ న‌టించిన సినిమా ఇది.

WhatsApp channel
హిందుస్తాన్ టైమ్స్ తెలుగు నుంచి ఎంటర్‌టైన్మెంట్, అలాగే ఓటీటీ తాజా అప్‌డేట్స్ పొందండి.