Raviteja | రామారావు డ్యూటీలోకి వచ్చేస్తున్నాడు.. టీజర్‌లో దుమ్ముదులిపిన రవితేజ

రవితేజ వరుస చిత్రాలతో దూసుకెళ్తున్నాడు. ఇటీవల ఖిలాడితో సందడి చేసిన మన మాస్ మహారాజ.. మరో సినిమాకు సిద్ధమయ్యాడు. రామరావు ఆన్ డ్యూటీ పేరుతో తెరకెక్కుతోన్న చిత్రంలో నటిస్తున్నారు. శివరాత్రి సందర్భంగా తాజాగా ఈ సినిమా టీజర్ విడుదలైంది. ఇందులో ప్రభుత్వ అధికారి పాత్రలో రవితేజ కనిపించనున్నారు. యక్షన్ సన్నివేశంతో ప్రారంభమైన టీజర్ ఆద్యంతం ఆసక్తికరంగా సాగింది. క

ఆయుధంతో ఆధారపడే నీలాంటి వాడి ధైర్యం వాడి ఆయుధంలో ఉంటుంది. ఆయుధంలో బతికే నాలాంటి వాడి ధైర్యం అణువణునా ఉంటుంది అని రవితేజ చెప్పే డైలాగ్ ఆకట్టుకుంది. అంతేకాకుండా "ఏది ఏమైనా క్రిమినల్ అనే వాడు శిక్షించబడాలి.. చివరకు సాక్ష్యం లేకపోయినా" అని ఆంగ్లంలో మాస్ మహారాజ చెప్పే సంభాషణ టీజర్‌కు హైలెట్‌గా నిలుస్తుంది.

ఈ చిత్రంలో రవితేజ సరసన దివ్యాంశ, రజిషా విజయన్ నటించనున్నారు. శరత్ మాండవ దర్శకత్వం వహిస్తున్న ఈ సినిమాను సుధాకర్ చెరుకూరి నిర్మిస్తున్నారు. ఇందులో ఒకప్పటి హీరో వేణు తొట్టెంపూడి ముఖ్య పాత్రను పోషిస్తున్నారు. శామ్ సీఎం సంగీతాన్ని సమకూరుస్తున్నారు. సత్యన్ సూర్యన్ డీఓపీగా వ్యవహరిస్తున్నారు. త్వరలోనే ఈ సినిమా ప్రేక్షకుల ముందుకు తీసుకు వచ్చేందుకు చిత్రబృందం సన్నాహాలు చేస్తోంది.

రామరావు ఆన్ డ్యూటీ చిత్రంతో పాటు రావణాసుర, ధమాకా, టైగర్ నాగేశ్వరరావు అనే చిత్రాల్లోనూ రవితేజ నటిస్తున్నారు. రావణాసుర చిత్రానికి సుధీర్ వర్మ దర్శకత్వం వహిస్తుండగా.. ధమాకా సినిమాను త్రినాథ రావు నక్కిన తెరకెక్కిస్తున్నారు. టైగర్ నాగేశ్వరరావు చిత్రాన్ని వంశీ డైరెక్ట్ చేస్తున్నారు.