Ravi Teja | ‘రామారావు’ అనుకున్న సమయానికి రావడం లేదు.. ఎప్పుడొస్తుందంటే?

గతేడాది క్రాక్ సినిమాతో సూపర్ హిట్ సొంతం చేసుకున్న మాస్ మహారాజా రవితేజ.. ఈ ఏడాది ఖిలాడి సినిమాతో ప్రేక్షకుల ముందుకు వచ్చాడు. అయితే ఆ సినిమా అనుకున్న స్థాయిలో ఆకట్టుకోలేదు. దీంతో రవితేజ తను నటిస్తున్న తర్వాతి సినిమాపై దృష్టిపెట్టాడు. అదే రామారావు ఆన్ డ్యూటీ. ఇప్పటికే ఈ సినిమా టీజర్ విడుదలై మంచి రెస్పాన్స్ తెచ్చుకుంది. దీంతో ఈ సినిమాను జూన్ 17న ప్రేక్షకుల ముందుకు తీసుకురావాలని చిత్రబృందం భావించింది. తాజాగా ఈ నిర్ణయాన్ని మార్చుకుంటూ చిత్ర విడుదలను వాయిదా వేసింది. ఈ విషయాన్ని మేకర్స్.. ట్విటర్ వేదికగా తెలియజేశారు.

"బిగ్‌ స్క్రీన్స్‌పైకి అత్యుత్తమ మాస్ సినిమాను తీసుకురావాలని అనుకున్నాం. కానీ రామారావు ఆన్ డ్యూటీ సినిమా పోస్ట్ ప్రొడక్షన్ పనుల కోసం ఇంకొంచెం కష్టం, సమయం కావాల్సి ఉంది. ఈ కారణంగా రామారావు ఆన్ డ్యూటీ చిత్ర విడుదలను వాయిదా వేస్తున్నాం. జూన్ 17న ఈ సినిమా రిలీజ్ కావట్లేదు. కొత్త విడుదల తేదీని త్వరలోనే అధికారికంగా ప్రకటిస్తాం" అని ఈ ఈ చిత్రాన్ని నిర్మిస్తున్న ఎస్ఎల్‌వీ సినిమాస్ మేకర్స్ తెలిపారు.

రవితేజ నటిస్తున్న ఈ చిత్రాన్ని కొత్త దర్శకుడు శరత్ మండన తెరకెక్కిస్తున్నారు. ఎస్‌ఎల్‌వీ సినిమాస్ బ్యానర్‌పై సుధాకర్ చెరుకూరి ఈ సినిమాకు నిర్మాతగా వ్యవహరిస్తున్నారు. శ్యామ్ సీఎస్ సంగీతాన్ని సమకూరుస్తున్నారు. ఇప్పటికే ఈ చిత్రం నుంచి రెండు పాటలు విడుదలయ్యాయి.

యాక్షన్ థ్రిల్లర్‌గా రూపొందుతున్న ఈ సినిమాలో రవితేజ సరసన దివ్యాంశ కౌశిక్, రజీశా విజయన్ హీరోయిన్లుగా చేస్తున్నారు. దివ్యాంశ కౌశిక్‌తో ఓ పాటలో రవితేజ లిప్ కిస్ సన్నివేశం కూడా ఉంది. ఈ పాట ఇప్పటికే శ్రోతలను అలరిస్తోంది. జూన్ 17న విడుదల కావాల్సిన ఈ చిత్ర విడుదలను త్వరలోనే చిత్రబృందం అధికారికంగా ప్రకటించనుంది.