Rajamouli Tweet On Keeravani: కొంచెం గ్యాప్ ఇవ్వ‌మ్మా - కీర‌వాణిపై రాజమౌళి ఇంట్రెస్టింగ్ పోస్ట్‌
Rajamouli Tweet On Keeravani: బుధ‌వారం కేంద్ర ప్ర‌భుత్వం సంగీత ద‌ర్శ‌కుడు కీర‌వాణికి ప‌ద్మ‌శ్రీ అవార్డును ప్ర‌క‌టించింది. కీర‌వాణికి ప‌ద్మ‌శ్రీ అవార్డు ప్ర‌క‌టించ‌డంపై రాజమౌళి ఆస‌క్తిక‌ర ట్వీట్ చేశారు. అత‌డి ట్వీట్ సోష‌ల్ మీడియాలో వైర‌ల్‌గా మారింది.
Rajamouli Tweet On Keeravani: సినీ సంగీతానికి చేసిన అస‌మాన సేవ‌ల‌కు గాను సంగీత ద‌ర్శ‌కుడు కీర‌వాణికి బుధ‌వారం కేంద్ర ప్ర‌భుత్వం ప‌ద్మ‌శ్రీ అవార్డును ప్ర‌క‌టించిన సంగ‌తి తెలిసిందే. ఇటీవ‌లే ఆర్ఆర్ఆర్ సినిమాలో కీరవాణి సంగీతాన్ని అందించిన నాటు నాటు పాట ఆస్కార్‌కు నామినేట్ అయ్యింది. ఆ సంతోషం మ‌రువ‌క ముందే కీర‌వాణికి కేంద్రం ప‌ద్మ‌శ్రీ అవార్డును అనౌన్స్ చేసింది.
ఈ అవార్డుతో కీరవాణి ఫ్యామిలీలో సంబ‌రాలు రెట్టింపు అయ్యాయి. సోద‌రుడికి ప‌ద్మ‌శ్రీ అవార్డు ప్ర‌క‌టించ‌డం ప‌ట్ల ద‌ర్శ‌కుడు రాజమౌళి ఆస‌క్తిక‌ర ట్వీట్ చేశాడు. కొంచెం గ్యాప్ ఇవ్వ‌మ్మా ఒక‌టి పూర్తిగా ఎంజాయ్ చేశాకా మ‌రొటి ఇవ్వు అంటూ ట్వీట్‌లో పేర్కొన్నారు.
ఈ అవార్డు ఎప్పుడో నీకు ఎప్పుడో ద‌క్కాల్సింద‌ని అభిమానులు అంటున్నారు. ఈ విశ్వం మ‌న క‌ష్టానికి స‌రైన స‌మ‌యంలోనే ప్ర‌తిఫలం ఇస్తుంద‌ని నువ్వు చెబుతున్నావు. కానీ ఈ విశ్వానికి మాత్రం నేను చెప్ప‌ది ఒక్క‌టే కొంచెం గ్యాప్ ఇవ్వ‌మ్మా ఒక‌టి పూర్తిగా ఎంజాయ్ చేశాకా మ‌రొక‌టి ఇవ్వు అంటూ రాజమౌళి ట్వీట్ చేశాడు. మా పెద్ద‌న్న ఎమ్ ఎమ్ కీర‌వాణికి ప‌ద్మ‌శ్రీ అవార్డు రావ‌డం గ‌ర్వంగా ఉంది అంటూ ఈ ట్వీట్‌లో రాజమౌళి పేర్కొన్నాడు.
రాజమౌళి చేసిన ఈ ట్వీట్ సోష‌ల్ మీడియాలో వైర‌ల్‌గా మారింది. ఇటీవ‌ల అనౌన్స్ చేసిన ఆస్కార్ నామినేష‌న్స్‌లో బెస్ట్ ఒరిజిన‌ల్ సాంగ్ విభాగంలో నాటు నాటు పాటు తుది జాబితాలో స్థానాన్ని ద‌క్కించుకున్న‌ది.
పీరియాడిక‌ల్ యాక్ష‌న్ ఎంట‌ర్‌టైన‌ర్‌గా రూపొందిన ఈ సినిమాకు రాజమౌళి ద‌ర్శ‌క‌త్వం వ‌హించారు. ఎన్టీఆర్‌, రామ్‌చ‌ర‌ణ్ హీరోలుగా న‌టించారు. మార్చి 25న థియేట‌ర్ల‌లో విడుద‌లైన ఈ సినిమా 1200 కోట్ల‌కుపైగా క‌లెక్ష‌న్స్ రాబ‌ట్టింది.
