Sudeep | విక్రాంత్ రోణ నుంచి 'రా రా రక్కమ్మ' పాట.. అదిరిపోయిన ఐటెం సాంగ్

'ఈగ' సినిమాతో తెలుగువారికి సుపరిచితులయ్యారు కిచ్చా సుదీప్. కన్నడలో సూపర్‌స్టార్‌ అయిన సుదీప్‌కు తెలుగులోనూ మంచి ఫాలోయింగ్ ఉంది. దబాంగ్-3 సినిమాతో బాలీవుడ్ ప్రేక్షకులకు కూడా పరిచయమయ్యారు. ప్రస్తుతం ఆయన నటించిన కొత్త చిత్రం విక్రాంత్ రోణ. గత నెలలో ఈ సినిమా టీజర్‌ను విడుదల చేయగా మంచి రెస్పాన్స్ వచ్చింది. తాజాగా ఈ సినిమా నుంచి రా..రా.. రక్కమ్మ అనే ఐటెం సాంగ్‌ను రిలీజ్ చేసింది చిత్రబృందం. ఇందులో జాక్వెలిన్ ఫెర్నాండెజ్ తన డ్యాన్స్‌తో ఆకట్టుకుంది.

జాక్వెలిన్ స్టెప్పులతో పాట మంచి జోరుగా సాగింది. మాస్ ప్రేక్షకులను దృష్టిలో పెట్టుకుని రూపొందించిన ఈ పాట ఆద్యంతం ఆకట్టుకుంది. జాక్వెలిన్ అందం, పర్ఫార్మెన్స్ ఈ పాటకు అదనపు ఆకర్షణగా నిలిచింది. కిచ్చా సుదీప్ తనదైన శైలిలో అదిరిపోయే స్టెప్పులతో అలరించారు.

ఈ పాటను మంగ్లీ, నకాశ్ నజీజ్ ఆలపించారు. రామజోగయ్యశాస్త్రీ సాహిత్యాన్ని అందించారు. బి. అజనీశ్ లోక్‌నాథ్ సంగీతాన్ని సమకూర్చారు. ఈ ఐటెం సాంగ్‌కు జానీ మాస్టర్ కొరియోగ్రాఫ్ చేశారు. విక్రాంత్ రోణ చిత్రం యాక్షన్ అడ్వెంచర్ చిత్రంగా ప్రేక్షకుల ముందుకు రానుంది.

అడ్వెంచర్ థ్రిల్లర్‌గా ఈ చిత్రం రానుంది. ఈ సినిమాను జులై 28న ప్రేక్షకుల ముందుకు తీసుకురానుంది. అనూప్ భండారి దర్శకత్వం వహించిన ఈ సినిమాను షాలినీ జాక్ మంజూ, అలంకార్ పాండ్యన్ నిర్మిస్తున్నారు. నిరూప్ భండారి ఈ చిత్రంలో కీలక పాత్ర పోషిస్తున్నారు.