OTT Tamil Comedy: ఓటీటీల్లోకి లేటెస్ట్‌గా రెండు తమిళ కామెడీ చిత్రాలు.. డిఫరెంట్ స్టోరీలతో.. తెలుగులోనూ స్ట్రీమింగ్
OTT Tamil Comedy Movies: ఓటీటీల్లోకి ఈ వారం రెండు తమిళ కామెడీ సినిమాలు స్ట్రీమింగ్‍కు వచ్చాయి. డిఫరెంట్ స్టోరీలైన్‍లతో ఈ చిత్రాలు ఉన్నాయి. తెలుగులోనూ అందుబాటులోకి వచ్చాయి. ఈ సినిమాలు ఏ ఓటీటీల్లో ఉన్నాయంటే..
ఓటీటీల్లో కొత్త కామెడీ సినిమాలు చూడాలనుకునే వారికి ఈ వారం రెండు తమిళ చిత్రాలు ఇంట్రెస్టింగ్‍గా ఉన్నాయి. డిఫరెంట్ స్టోరీలతో ఈ చిత్రాలు తెరకెక్కాయి. ఈ వారమే ఈ రెండు సినిమాలు ఓటీటీల్లోకి ఎంట్రీ ఇచ్చాయి. అవే ‘పెరుసు’, ‘స్వీట్‍హార్ట్’ చిత్రాలు. తెలుగు డబ్బింగ్‍లోనూ స్ట్రీమ్ అవుతున్నాయి. ఈ సినిమాలు ఏ ఓటీటీలోకి వచ్చాయో, స్టోరీలైన్, ఇతర వివరాలు ఇక్కడ తెలుసుకోండి.
పెరుసు
పెరుసు మూవీ ఈ శుక్రవారం ఏప్రిల్ 11వ తేదీన నెట్‍ఫ్లిక్స్ ఓటీటీలోకి స్ట్రీమింగ్‍కు వచ్చింది. ఈ మూవీలో వైభవ్, సునీల్ రెడ్డి, నిహారిక ఎన్ఎం ప్రధాన పాత్రలు పోషించారు. ఈ తమిళ కామెడీ మూవీ తెలుగు, హిందీ, కన్నడ, మలయాళంలోనూ నెట్‍ఫ్లిక్స్ ఓటీటీలో అందుబాటులోకి వచ్చింది.
స్టోరీలైన్: ఊరు పెద్ద అయిన పరందామయ్య చనిపోతాడు. అయితే ఆయన అంగం స్థంభించి ఉంటుంది. ఇది ఎవరైనా గమనిస్తే పరువు పోతుందని, ఆ విషయాన్ని దాచేందుకు పరందామయ్య కొడుకులు నానాతిప్పలు పడతారు. ఈ డిఫరెంట్ స్టోరీలైన్‍తో పెరుసు మూవీ తెరకెక్కింది.
పెరుసు చిత్రానికి ఇలాంగో రామ్ దర్శకత్వం వహించారు. ఈ మూవీని స్టోన్‍బీచ్ ఫిల్మ్స్, బేవాజా స్టూడియోస్, ఎంబర్‌లైట్ స్టూడియో పతాకాలు నిర్మించగా.. అరుణ్ రాజ్ సంగీతం అందించారు. మార్చి 14న ఈ సినిమా థియేటర్లలో రిలీజైంది. ఇప్పుడు నెట్‍ఫ్లిక్స్ ఓటీటీలో ఈ చిత్రాన్ని చూడొచ్చు. తెలుగు ఆడియోలోనూ స్ట్రీమ్ అవుతోంది.
స్వీట్‍హార్ట్
తమిళ రొమాంటిక్ కామెడీ డ్రామా స్వీట్‍హార్ట్ సినిమా కూడా ఏప్రిల్ 11వ తేదీనే జియోహాట్‍స్టార్ ఓటీటీలో స్ట్రీమింగ్‍కు వచ్చింది. తమిళంతో పాటు తెలుగు, హిందీ, కన్నడ, మలయాళంలోనూ స్ట్రీమ్ అవుతోంది. ఈ చిత్రంలో రియోరాజ్, గోపిక రమేశ్ లీడ్ రోల్స్ చేశారు. ఈ సినిమాకు స్వీనిత్ సుకుమార్ దర్శకత్వం వహించారు.
మార్చి 14న థియేటర్లలో రిలీజైన స్వీట్‍హార్ట్ చిత్రం అనుకున్న స్థాయిలో కలెక్షన్లు రాబట్టలేకపోయింది. ఈ సినిమాకు ఫేమస్ మ్యూజిక్ డైరెక్టర్ యువన్ శంకర్ రాజా నిర్మాతగా ఉండడంతో పాటు సంగీతం కూడా అందించారు.
స్వీట్‍హార్ట్ స్టోరీలైన్: వాసు (రియో రాజ్), మను (గోపిక రమేశ్) ప్రేమించుకుంటారు. ఆ ఇద్దరూ ఓసారి రొమాన్స్ చేసుకుంటుంటే మను తల్లిదండ్రులు చూస్తారు. కొన్నాళ్లకు మనస్పర్థలతో వాసు, మను విడిపోతారు. అయితే, తాను ప్రెగ్నెంట్ అయ్యానని బ్రేకప్ తర్వాత మనుకు తెలుస్తుంది. వాసుకు చెబుతుంది. ఆ తర్వాత వారేం చేశారు.. ఎలాంటి పరిస్థితులు ఎదురయ్యాయి.. చివరికి ఏమైందనేదే స్వీట్‍హార్ట్ సినిమా స్టోరీ. ఈ మూవీని ఇప్పుడు జియోహాట్‍స్టార్ ఓటీటీలో చూడొచ్చు.
Chatakonda Krishna Prakash
సంబంధిత కథనం