Pathaan Trailer Launch Date: పఠాన్ ట్రైలర్‌ రిలీజ్ డేట్‌ ఇదే.. హాట్‌ ఫొటోతో రివీల్‌ చేసిన దీపికా
Pathaan Trailer Launch Date: పఠాన్ ట్రైలర్‌ వచ్చేస్తోంది. ఓ హాట్‌ ఫొటోతో ఈ మూవీలో ఫిమేల్ లీడ్‌గా కనిపించిన దీపికా పదుకోన్ రిలీజ్ డేట్‌ను అనౌన్స్‌ చేసింది.
Pathaan Trailer Launch Date: ఈ ఏడాది మోస్ట్‌ అవేటెడ్‌ మూవీగా నిలిచిన మూవీ పఠాన్. ఐఎండీబీ తాజాగా నిర్వహించిన సర్వేలో ఇండియన్స్‌ ఆడియెన్స్‌ ఈ సినిమా కోసం ఆతృతగా ఎదురు చూస్తున్నారు. 2023లో ఎక్కువ మంది ఆసక్తిగా ఎదురు చూస్తున్న సినిమాల్లో పఠాన్ టాప్‌లో నిలిచింది. బాలీవుడ్ బాద్‌షా షారుక్‌ఖాన్‌ చాలా రోజుల తర్వాత కనిపిస్తున్న మూవీ కావడంతో పఠాన్‌పై భారీ అంచనాలే ఉన్నాయి.
ఈ నేపథ్యంలో ఈ సినిమా ట్రైలర్‌ రిలీజ్ డేట్‌ను మూవీలో ఫిమేల్ లీడ్‌గా కనిపిస్తున్న దీపికా పదుకోన్ అనౌన్స్‌ చేసింది. తన ఇన్‌స్టాగ్రామ్‌లో ఓ హాట్‌ బ్యాక్‌లెస్‌ ఫొటో ద్వారా ఆమె ఈ విషయాన్ని వెల్లడించింది. పఠాన్ ట్రైలర్‌ మంగళవారం (జనవరి 10) ఉదయం 11 గంటలకు రిలీజ్ కానుంది. హిందీ, తెలుగు, తమిళంలలో రిలీజ్ అవుతున్న ఈ సినిమాను జనవరి 25 నుంచి బిగ్‌ స్క్రీన్లలో మాత్రమే చూడండి అంటూ దీపికా తన పోస్ట్‌లో చెప్పింది.
ఈ సినిమాలో ఆమె చాలా హాట్‌గా కనిపించనుంది. ఇప్పటికే ఈ మూవీ నుంచి వచ్చిన రెండు పాటల్లో ఆమె రెచ్చిపోయి నటించింది. ముఖ్యంగా బేషరమ్‌ రంగ్‌ పాటలో దీపికా వేసుకున్న కాషాయ బికినీపై దుమారం రేగింది. ఈ రంగుపై పలువురు హిందూ మత పెద్దలు అభ్యంతరం వ్యక్తం చేశారు. ఈ సినిమాను బాయ్‌కాట్‌ చేస్తామనీ హెచ్చరించారు.
ఈ నేపథ్యంలో ఈ మధ్యే పఠాన్ మూవీ సెన్సార్ పనులు కూడా పూర్తి చేసుకుంది. ఈ సినిమాకు మొత్తం 13 కట్స్‌ చెప్పారు. అయితే కాషాయ రంగు బికినీ విషయంలో మాత్రం సెన్సార్ సభ్యులు అభ్యంతరం వ్యక్తం చేయలేదు. కాకపోతే బేషరమ్‌ రంగ్‌ పాటలో కొన్ని అభ్యంతరకర సీన్స్‌ను మాత్రం తొలగించాలని ఆదేశించింది.
సంబంధిత కథనం