OTT Comedy Movie: మూడేళ్ల తర్వాత ఓటీటీలోకి వస్తున్న అడల్ట్ కామెడీ మూవీ.. ఆ మిస్సయిన సామాను ఎక్కడ?-ott comedy movie kannada super hit movie ondu ganteya kathe now streaming on namma flix ott ,ఎంటర్‌టైన్‌మెంట్ న్యూస్
తెలుగు న్యూస్  /  ఎంటర్‌టైన్‌మెంట్  /  Ott Comedy Movie: మూడేళ్ల తర్వాత ఓటీటీలోకి వస్తున్న అడల్ట్ కామెడీ మూవీ.. ఆ మిస్సయిన సామాను ఎక్కడ?

OTT Comedy Movie: మూడేళ్ల తర్వాత ఓటీటీలోకి వస్తున్న అడల్ట్ కామెడీ మూవీ.. ఆ మిస్సయిన సామాను ఎక్కడ?

Hari Prasad S HT Telugu
Jul 03, 2024 11:51 AM IST

OTT Comedy Movie: ఓ అడల్ట్ కామెడీ మూవీ మూడేళ్ల తర్వాత ఓటీటీలోకి వస్తోంది. కన్నడలో మంచి హిట్ సాధించిన ఈ నిజ జీవిత ఘటనలపై తీసిన సినిమా.. మిస్సయిన 'సామాను' అంటూ ఓ అడల్ట్ కామెడీగా రూపొందింది.

మూడేళ్ల తర్వాత ఓటీటీలోకి వస్తున్న అడల్ట్ కామెడీ మూవీ.. ఆ మిస్సయిన సామాను ఎక్కడ?
మూడేళ్ల తర్వాత ఓటీటీలోకి వస్తున్న అడల్ట్ కామెడీ మూవీ.. ఆ మిస్సయిన సామాను ఎక్కడ?

OTT Comedy Movie: ఓటీటీలోకి మరో ఇంట్రెస్టింగ్ అడల్ట్ కామెడీ మూవీ రాబోతోంది. ఇదొక కన్నడ సినిమా. నిజానికి థియేటర్లలో మూడేళ్ల కిందట రిలీజై ఓ మోస్తరు విజయం సాధించింది. బెంగళూరులో జరిగిన ఓ నిజ ఘటన ఆధారంగా తెరకెక్కించారు. ఓ మహిళ తన బాయ్‌ఫ్రెండ్ తనను కాదని మరొకరిని పెళ్లి చేసుకోవడంతో అతని ప్రైవేట్ పార్ట్ కోసేసిన ఘటన ఆధారంగా కామెడీ జానర్లో రూపొందిన మూవీ ఇది.

ఒందు గంటేయ కథే మూవీ ఓటీటీ

కన్నడ కామెడీ మూవీ పేరు ఒందు గంటేయ కథే. ద్వారకీ రాఘవ్ డైరెక్ట్ చేసిన ఈ సినిమా శుక్రవారం (జులై 5) నుంచి నమ్మఫ్లిక్స్‌లో స్ట్రీమింగ్ కానుంది. సీరియస్ సబ్జెక్ట్ అయినా దానిని అడల్ట్ కామెడీగా మార్చేసి రాఘవ్ ఈ సినిమా తీశాడు. ఇందులో అజయ్ రాజ్ లీడ్ రోల్లో కనిపించాడు. అతడు ప్లేబాయ్ రాహుల్ పాత్రలో ఈ మూవీలో నటించాడు.

మూడేళ్ల కిందటే థియేటర్లలో ఈ సినిమా రిలీజైంది. అడల్ట్ కామెడీ కావడంతో ప్రేక్షకుల నుంచి పెద్దగా స్పందన రాలేదు. తన ప్రైవేట్ పార్ట్ కట్ చేసిన తర్వాత నా 'సామాను' మిస్ అయిందంటూ ఆ హీరో హల్చల్ చేస్తాడు. సినిమా మొత్తం బోల్డ్ కంటెంట్, జోకులు ఉంటాయి. మూవీ ట్రైలర్ తోనే ఇదొక అడల్డ్ కంటెంట్ మూవీ అని డైరెక్టర్ చెప్పకనే చెప్పాడు.

మూడేళ్లుగా ఈ సినిమా ఓటీటీలోకి రాలేదు. మొత్తానికి జులై 5 నుంచి నమ్మఫ్లిక్స్ ఈ సినిమాను స్ట్రీమింగ్ చేయనుంది. ఈ మధ్యే ట్రిపుల్ రైడింగ్ అనే మరో కామెడీ సినిమాను కూడా ఈ ఓటీటీ స్ట్రీమింగ్ చేస్తోంది. ఇక ఈ ఒందు గంటేయ కథే మూవీలో తన ప్రైవేట్ పార్ట్ కోల్పోయిన పాత్రలో నటించడానికి తాను మొదట సంకోచించానని అజయ్ రాజ్ చెప్పాడు.

అయితే ఓ నటుడిగా ఇలాంటి పాత్రను ఓ సవాలుగా తీసుకొని నటించాలని నిర్ణయించుకున్నట్లు అతడు తెలిపాడు. నిజ జీవిత ఘటన ఆధారంగా తెరకెక్కిన ఈ సినిమా ద్వారా దాని గురించి మరింత మందికి తెలిసేలా చేయాలన్న ఉద్దేశంతో ఈ సినిమా తీసినట్లు చెప్పాడు.

WhatsApp channel