Ori Vaari from Dasara: దసరా మూవీ నుంచి బ్రేకప్ సాంగ్ 'ఓరి వారి' వచ్చేసింది

Ori Vaari from Dasara: నేచురల్ స్టార్ నాని నటిస్తున్న మూవీ దసరా. ఈ ఏడాది మోస్ట్ అవేటెడ్ మూవీస్ లో ఒకటిగా ఉన్న ఈ సినిమా నుంచి సెకండ్ సింగిల్ సోమవారం (ఫిబ్రవరి 13) రిలీజైంది. ఈ పాటను హైదరాబాద్ లోని ఏఎంబీ సినిమాస్ లాంచ్ చేశారు. పాన్ ఇండియా లెవల్లో వస్తున్న ఈ మూవీలో కీర్తి సురేశ్ ఫిమేల్ లీడ్ లో కనిపించనుండగా.. శ్రీకాంత్ ఓదెల డైరెక్ట్ చేశాడు.

దసరా మూవీలో నుంచి ఫస్ట్ సింగిల్ ఊర మాస్ సాంగ్ గా రాగా.. ఈ సెకండ్ సింగిల్ కూడా పూర్తి డిఫరెంట్ ఫీల్ తో వచ్చింది. ఓరి వారి.. నీది కాదుర పోరి అనే లిరిక్స్ తో ఈ పాట సాగింది. సంతోష్ నారాయణ్ ఈ మ్యూజిక్ కంపోజ్ చేశాడు. శ్రీమణి లిరిక్స్ అందించారు. పక్కా తెలంగాణ యాసలో చాలా సరళమైన పదాలతో ప్రతి ఒక్కరినీ ఆకట్టుకునేలా ఈ పాట సాగింది.

వాలెంటైన్స్ డే రోజు ప్రేమ పాటలు రావడం సహజం. కానీ దసరా మూవీ నుంచి ఈ బ్రేకప్ రావడం విశేషం. చిన్న చిన్న పదాలే అయినా.. ఎంతో లోతైన అర్థం ఇందులో ఉండటం చూడొచ్చు. దసరా మూవీ మార్చి 30న ప్రేక్షకుల ముందుకు రానుంది. ఈ సినిమాలో నాని పక్కా మాస్ అవతారంలో కనిపిస్తున్నాడు.

తెలంగాణ‌లోని సింగ‌రేణి బొగ్గు గ‌నుల నేప‌థ్యంలో రియ‌లిస్టిక్ యాక్ష‌న్ ఎంట‌ర్‌టైన‌ర్‌గా రూపొందుతోన్న ఈ సినిమాతో శ్రీకాంత్ ఓదెల డైరెక్ట‌ర్‌గా టాలీవుడ్‌కు ప‌రిచ‌యం అవుతోన్నారు.

రిలీజ్‌కు వ‌చ్చిన రెస్పాన్స్ కార‌ణంగా రెండు నెల‌ల ముందుగానే ఈ సినిమా థియేట్రిక‌ల్ బిజినెస్ పూర్త‌యిన‌ట్లు ప్ర‌చారం జ‌రుగుతోంది. ఈ సినిమా తెలుగు రాష్ట్రాల థియేట్రిక‌ల్ రైట్స్‌ను అగ్ర నిర్మాత దిల్‌రాజు దాదాపు 29 కోట్ల‌కు సొంతం చేసుకున్న‌ట్లు చెబుతున్నారు.

డిజిట‌ల్ రైట్స్ 48 కోట్ల‌కు అమ్ముడుపోయిన‌ట్లు తెలిసింది. శాటిలైట్‌తో పాటు ఓవ‌ర్‌సీస్ రైట్స్ ద్వారా ప్రొడ్యూస‌ర్‌కు భారీగానే ద‌స‌రా సినిమా లాభాల‌ను మిగిల్చే అవ‌కాశం ఉన్న‌ట్లు చెబుతున్నారు. ఈ సినిమాను దాదాపు 65 కోట్ల బ‌డ్జెట్‌తో తెర‌కెక్కించిన‌ట్లు తెలిసింది. రిలీజ్‌కు ముందే నిర్మాత‌కు దాదాపు 12 కోట్ల వ‌ర‌కు లాభాలు వచ్చినట్లు స‌మాచారం.