Robinhood OTT: నితిన్, శ్రీలీల ‘రాబిన్‍హుడ్’ సినిమాకు ఓటీటీ ప్లాట్‍ఫామ్ ఫిక్స్
Robinhood OTT Platform: రాబిన్‍హుడ్ సినిమాకు ఓటీటీ డీల్ జరిగింది. ఓటీటీ పార్ట్‌నర్ ఏదో సమాచాం బయటికి వచ్చింది. శాటిలైట్ హక్కుల గురించి కూడా వెల్లడైంది. ఆ వివరాలు ఇవే..
నితిన్, శ్రీలీల హీరోహీరోయిన్లుగా నటించిన రాబిన్‍హుడ్ సినిమా రిలీజ్‍కు రెడీ అవుతోంది. మరో నాలుగు రోజుల్లో మార్చి 28వ తేదీన థియేటర్లలో విడుదల కానుంది. ప్రమోషన్లు కూడా జోరుగా సాగుతున్నాయి. ఈ చిత్రం నుంచి వచ్చిన ట్రైలర్ కూడా ఎంటర్‌టైనింగ్‍గా మెప్పిస్తోంది. దీంతో వెంకీ కుడుముల దర్శకత్వం వహించిన ఈ కామెడీ యాక్షన్ సినిమాపై ఆసక్తి మరింత పెరిగింది. ఈ తరుణంలో రాబిన్‍హుడ్ సినిమా ఓటీటీ, శాటిలైట్ డీల్ గురించి వివరాలు బయటికి వచ్చాయి.
ఈ ప్లాట్‍ఫామ్ చేతికి స్ట్రీమింగ్ హక్కులు
రాబిన్‍హుడ్ సినిమా డిజిటల్ స్ట్రీమింగ్, శాటిలైట్ హక్కులు అమ్ముడయ్యాయి. ఈ చిత్రం స్ట్రీమింగ్ హక్కులను జీ5 ఓటీటీ ప్లాట్‍ఫామ్ సొంతం చేసుకుందనే సమాచారం బయటికి వచ్చింది. థియేట్రికల్ రన్ తర్వాత ఈ చిత్రం జీ5లో రానుంది. ఈ మూవీ టెలికాస్ట్ శాటిలైట్ హక్కులను జీ తెలుగు టీవీ ఛానెల్ సొంతం చేసుకుందని సమాచారం. ఇలా, రాబిన్‍హుడ్ డిజిటల్, శాటిలైట్ హక్కులను జీ5 గ్రూప్ సొంతం చేసుకుంది.
రాబిన్‍హుడ్ సినిమాకు వెంకీ కుడుముల దర్శకత్వం వహిస్తున్నారు. నితిన్ - వెంకీ కాంబోలో గతంలో వచ్చిన భీష్మ భారీ హిట్ కొట్టింది. దీంతో వీరి కలయికలో వస్తున్న రాబిన్‍హుడ్‍పై చాలా హైప్ ఉంది. అందుకు తగ్గట్టే ఈ మూవీకి ఓటీటీ హక్కుల రూపంలో జీ5 నుంచి మంచి ధరే దక్కినట్టు తెలుస్తోంది.
రాబిన్‍హుడ్ చిత్రంలో నితిన్‍కు సరసన హీరోయిన్‍గా నటించారు శ్రీలీల. ఈ చిత్రంలో నటకిరీటి రాజేంద్ర ప్రసాద్, వెన్నెల కిశోర్, షైన్ టామ్ చాకో, దేవ్‍దత్ నాగే, శుభలేఖ సుధాకర్ కీలకపాత్రలు పోషించారు. ఈ మూవీలో ఆస్ట్రేలియా స్టార్ క్రికెటర్ డేవిడ్ వార్నర్ క్యామియో రోల్ చేశారు. దీంతో మరింత క్రేజ్ నెలకొంది. ప్రీ-రిలీజ్ ఈవెంట్‍కు కూడా వార్నర్ హాజరయ్యారు.
రాబిన్‍హుడ్ చిత్రాన్ని మైత్రీ మూవీ మేకర్స్ పతాకంపై నవీన్ యెర్నేనీ, రవిశంకర్ నిర్మించారు. జీవీ ప్రకాశ్ కుమార్ సంగీతం అందిచిన ఈ మూవీకి సాయిశ్రీరామ్ సినిమాటోగ్రఫీ చేశారు.
బుకింగ్స్ మొదలు
రాబిన్‍హుడ్ సినిమా టికెట్ల అడ్వాన్స్ బుకింగ్స్ మొదలయ్యాయి. ఇప్పటికే కొన్ని చోట్ల జోరుగా బుకింగ్స్ సాగుతున్నాయి. క్రమంగా అన్ని చోట్ల ఈ మూవీ థియేటర్ల టికెట్ బుకింగ్స్ మొదలుకానున్నాయి. ఈ సినిమాకు మ్యాడ్ స్క్వేర్ పోటీలో ఉంది. సంతోశ్ శోభన్, నార్నే నితిన్, రామ్ నితిన్ ఈ చిత్రంలో లీడ్ రోల్స్ చేశారు. ఇది కూడా కామెడీ మూవీగా వస్తోంది. సూపర్ హిట్ మ్యాడ్‍కు సీక్వెల్‍గా వస్తుండంతో ఈ చిత్రానికి మంచి క్రేజ్ ఉంది. దీంతో బాక్సాఫీస్ వద్ద రాబిన్‍హుడ్, మ్యాడ్ స్క్వేర్ పోటీ ఆసక్తికరంగా మారింది.
Chatakonda Krishna Prakash
సంబంధిత కథనం