Bigg Boss 8 Wild Cards: నైనిక ఎలిమినేట్, మణి సేఫ్.. హౌస్‍లో కత్తి ఎవరో చెప్పిన 'వైల్డ్ కార్డ్' హరితేజ.. కూతురితో ఎమోషనల్

బిగ్‍బాస్ తెలుగు 8వ సీజన్‍లో కీలక దశ వచ్చేసింది. ఐదో వారం వీకెండ్‍లో నేడు వైల్డ్ కార్డ్ ఎంట్రీల ద్వారా హౌస్‍లోకి ఎనిమిది మంది అడుగుపెట్టేస్తున్నారు. నేడు (అక్టోబర్ 6) ఎలిమినేషన్ ప్రక్రియ జరగగా.. నైనిక ఔట్ అయ్యారు. ఆమె నిష్క్రమించినట్టు అయినట్టు లీకులు రాగా.. ఇప్పుడు అధికారికంగా నైనిక ఎలిమినేట్ అయ్యారు. రీలోడ్ అంటూ వైల్డ్ కార్డ్ ఎంట్రీలు నేడే హౌస్‍లోకి అడుగుపెడుతున్నారు. నటి హరితేజ ఫస్ట్ వైల్డ్ కార్డ్ ఎంట్రీగా వచ్చేశారు.

నైనిక ఔట్

ఐదో వారం ఎలిమినేషన్ కోసం నైనిక, మణికంఠ డేంజర్ జోన్‍లో నిలిచారు. దీంతో టెన్షన్ నెలకొంది. చివరికి నైనిక ఎలిమినేట్ అయ్యారు. మణి మరోసారి సేఫ్ అయ్యారు. నైనికను స్టేజ్ మీదకు రావాలని హోస్ట్ కింగ్ నాగార్జున పిలిచారు. తనను సేవ్ చేసిన ప్రేక్షకులకు మణి థ్యాంక్స్ చెప్పారు. మీరు అర్థం చేసుకున్నట్టు ఎవరూ చేసుకోలేదంటూ దండం పెట్టారు. హౌస్‍‍మేట్స్ మూకుమ్మడిగా టార్గెట్ చేసినా.. ప్రేక్షకుల ఓటింగ్‍తో మణి వారం కూడా గట్టెక్కారు. మణికంఠ చాలాసార్లు వెన్నుపోటు పడిచారని స్టేజ్‍పైకి వచ్చాక నైనిక అన్నారు.

హరితేజ ఎంట్రీ

బిగ్‍బాస్ తెలుగు తొలి సీజన్‍ (2017)లో నటి హరితేజ ఫుల్ ఎంటర్‌టైన్ చేశారు. హరికథకు బాగా పాపులర్ అయ్యారు. స్ట్రాంగ్ కంటెస్టెంట్‍గా అదరగొట్టారు. ఫినాలే వరకు చేరి మూడో ప్లేస్ దక్కించుకున్నారు. ఇప్పుడు ఈ 8వ సీజన్‍కు వైల్డ్ కార్డ్ ఎంట్రీగా హరితేజ అడుగుపెట్టారు. నేడు తొలి వైల్డ్ కార్డ్ కంటెస్టెంట్‍గా వచ్చేశారు.

నబీల్.. కత్తి

బిగ్‍బాస్ తెలుగు 8వ సీజన్‍ను ఇప్పటి వరకు బయట ఉండి చూశారు హరితేజ. దీంతో హౌస్‍లో కత్తి, సుత్తి ఎవరు అని ఆమెను హోస్ట్ నాగార్జున అడిగారు. నబీల్ ఆఫ్రిది.. కత్తి అని తనకు అనిపిస్తున్నాడని హరితేజ అన్నారు. నబీల్ షార్ప్‌గా ఉన్నాడని చెప్పారు.

సుత్తి కాదని.. హౌస్‍లో సుత్తులు ఉన్నాయని హరితేజ అన్నారు. ముందుగా యష్మి పేరు చెప్పారు. సీత ఎక్కువగా ఏడుస్తున్నారని చెప్పారు. దీంతో మణికంఠ కంటే ఎక్కువనా అని నాగ్ అన్నారు. దీంతో మణికంఠది చాలా ఉంది అని హరితేజ నవ్వారు.

కూతురికి వీడ్కోలు చెప్పి..

హరితేజ హౌస్‍లోకి వెళ్లే ముందు ఆమె కూతురు స్టేజ్‍పైకి వచ్చారు. దీంతో చిన్నారిని హత్తుకొని ఎమోషనల్ అయ్యారు హరితేజ. అమ్మ హౌస్‍లోకి వెళితే ఏం చేస్తావని నాగార్జున అడిగితే.. ఏడుస్తానంటూ ఆ చిన్నారి సమాధానం చెప్పారు. అయితే, ఎప్పుడైనా అమ్మను టీవీలో చూడొచ్చని ఆ చిన్నారితో నాగ్ చెప్పారు. తన కూతురికి వీడ్కోలు చెప్పి హౌస్‍లో అడుగుపెట్టారు హరితేజ.

8 మంది వైల్డ్ కార్డ్ ఎంట్రీలు వీరే

బిగ్‍బాస్ గత సీజన్లలో ఆడిన ఎనిమిది మంది కంటెస్టెంట్లు ఇప్పుడు 8వ సీజన్‍లో వైల్డ్ కార్డ్ ఎంట్రీలుగా అడుగుపెడుతున్నారు. హరితేజ తర్వాత టేస్టీ తేజ, నయని పావని హౌస్‍లోకి వెళ్లారు. దిల్‍సే మహబూబ్, గౌతమ్ కృష్ణ, గంగవ్వ, రోహిణి, జబర్దస్త్ అవినాశ్ కూడా ఎంట్రీ ఇవ్వనున్నారు. ఈ ఎనిమిది మంది నేటి (అక్టోబర్ 6) ఎపిసోడ్‍లోనే హౌస్‍లోకి వెళ్లనున్నారు. ఇప్పటికే హౌస్‍లో నిఖిల్, యష్మి, పృథ్వి, మణికంఠ, సీత, ప్రేరణ, విష్ణుప్రియ, నబీల్ ఆఫ్రిది ఉన్నారు. దీంతో ఈ ఎనిమిది మంది, వైల్డ్ కార్డ్ కంటెస్టెంట్లు రెండు క్లాన్‍లుగా హౌస్‍లో తలపడనున్నారు.