Naga Shaurya Wedding: ఇంటివాడు కాబోతున్న నాగ శౌర్య.. పెళ్లి ముహూర్తం ఫిక్స్
Naga Shaurya Wedding: ఇంటివాడు కాబోతున్నాడు టాలీవుడ్ యువ నటుడు నాగ శౌర్య. అతని పెళ్లి ముహూర్తం కూడా ఫిక్స్ అయింది. బెంగళూరులో అతని పెళ్లి జరగనుంది.
Naga Shaurya Wedding: టాలీవుడ్ యువ నటుడు నాగ శౌర్య పెళ్లి చేసుకోబోతున్నాడు. ఈ మధ్యే కృష్ణ వ్రిందా విహారీ మూవీలో కనిపించిన ఈ హ్యాండ్సమ్ హీరో తన బ్యాచిలర్హుడ్కు ఫుల్స్టాప్ పెట్టి పెళ్లి పీటలెక్కబోతున్నాడు. నవంబర్ 20వ తేదీన అతని పెళ్లి బెంగళూరులో జరగనుంది. అతడు పెళ్లి చేసుకోబోయే అమ్మాయి పేరు అనూష.
అతని పెళ్లి పనులు మొత్తం బెంగళూరులోనే జరగనున్నాయి. నాగశౌర్య పెళ్లి చేసుకోబోయే అమ్మాయి పూర్తి వివరాలు మాత్రం వెల్లడించలేదు. బెంగళూరులోని విటల్ మాల్యా రోడ్డులో ఉన్న జేడబ్ల్యూ మారియట్ హోటల్లో వీళ్ల పెళ్లి జరగనుంది. ప్రస్తుతం అతని వెడ్డింగ్ ఇన్విటేషన్ వైరల్ అవుతోంది. నవంబర్ 20 ఉదయం 11.25 గంటలకు పెళ్లి ముహూర్తాన్ని ఖరారు చేశారు.
నవంబర్ 19న జరగబోయే మెహందీ వేడుకలతో పెళ్లి సంబరం మొదలుకానుంది. రెండు రోజుల పాటు కన్నుల పండువగా వీళ్ల పెళ్లి వేడుక జరగనుంది. 2011లో క్రికెట్ గర్ల్స్ అండ్ బీర్తో సినిమాల్లోకి వచ్చినా 2014లో ఊహలు గుసగుసలాడే మూవీతో పాపులర్ అయ్యాడు నాగ శౌర్య. ఆ తర్వాత దిక్కులు చూడకు రామయ్య, జ్యో అచ్యుతానంద, చలో, వరుడు కావలెనులాంటి మూవీలతో అమ్మాయిల మనసు దోచుకున్నాడు.
టాపిక్